II Pot 14:27 - Sơ̆p Hlabơar Nơ̆r 'Bok Kei-Dei

²⁷ Lei na Kră Yang Sư ưh kơ đei khan wă sut lê̆ anăn Isơrael đơ̆ng lăm teh âu, thoi noh sư yua hloi ti Jêrôbôam kon drŏ-nglo Jêhôas dŏng pơklaih lu sư.

II Pot 14:27 ပူးပေါင်းရင်းမြစ်များ

II Pot 13:23

Mă-lei Kră Yang mơnat tơgŭm wei-lăng lu sư yua kơ Sư pơkă bơih hăm Abraham, Isăk păng Jakôp. Kră Yang ưh kơ wă pơrăm lu sư, ưh kơ achăng lê̆ lu sư truh tơ dang ei.

II Pot 13:5

Kră Yang ăn kơ Isơrael minh 'nu bơngai dŏng pơklaih lu sư, kon pơlei Isơrael klaih đơ̆ng ti lu đe Aram păng gơh oei lăm anih hnam lu sư kơdih thoi adrol sơ̆ dơ̆ng,

II Pot 5:1

Naaman 'bok yŏng pơgơ̆r linh pơtao đe Aram, sư noh jơ̆ minh 'nu bơngai đei tơdrong gơh kĕ 'bơ̆t anăp yŏng tơ'ngla sư; đe kư̆m pơyom kơ sư dêh yua kơ Kră Yang yua sư tơblah ăn kơ lu kon Pơlei Aram kĕ jei, bơngai 'nâu sư nuih, pran kơtang, mă-lei sư 'bơm chin.

Horiso 69:28

Sŭt lê̆ anăn lu sư đơ̆ng lăm sơ̆p hla bơar tơdrong arih. Ưh kơ gơh chih tơmơ̆t hơdai hăm lu bơngai tơpăt

Both 25:19

Layơ Kră Yang 'Bok Kei-Dei lu iĕm ăn tơdrong hiôk hơđơ̆ng pơdơh đơ̆ng lu bơngai dăr wang tăp dăr kơ iĕm lăm dêh mă Kră Yang 'Bok Kei-Dei iĕm ăn kơ lu iĕm iŏk bơ̆jang sa, asong băl athei sŭt lê̆ tơdrong 'blŏk đơ̆ng Amalek đơ̆ng ala teh âu, 'nĕ kơ hiơt hŏ.

Both 29:20

Kră Yang ưh kơ mơnat tơdrong yoch bơngai noh, mă-lei tơdrong Kră Yang hil mĭl păng gar sư noh chhông blah bơngai noh păng đĭ lu tơdrong hiap pơtê̆ chih lăm sơ̆p hla bơar 'nâu gô tơpŭ tơ kơpal sư; păng Kră Yang gô sŭt lê̆ anăn sư đơ̆ng lăm teh đak 'nâu.

Both 9:14

Lê̆ Inh pơlôch pơđĭ lu sư păng sŭt lê̆ anăn lu sư đơ̆ng lăm teh đak âu, đơ̆ng noh inh gô pơm ăn kơ ih jing minh adrĕch pran kơtang păng lơ kơdrâ̆m hloh kơ lu sư.

Tơdrông Tơ'bôh 3:5

‘Tơdrong tơblah păng yang kơnê̆ jei bu, Inh gô ăn kơ sư hrŭk ao kok thoi noh mơ̆n. Inh ưh kơ sut lê̆ anăn sư tơ hla bơar mă đêl Inh chih wă ăn kơ sư arih ôh. Inh rai roi kơ 'Bă Inh păng roi kơ lu linh jang 'lơ̆ng tơdrong sư lui kơ Inh kơjăp.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.