II Pot 14:24 - Sơ̆p Hlabơar Nơ̆r 'Bok Kei-Dei

²⁴ Sư pơm kơnê̆ 'bơ̆t anăp Kră Yang, sư ưh kơ achăng lê̆ ôh tơdrong yoch Jêrôbôam kon drŏ-nglo Nêbat pơm kơ Isơrael pơm yoch.

II Pot 14:24 ပူးပေါင်းရင်းမြစ်များ

Bl 38:7

Mă-lei Er pơm kơnê̆ dêh 'bơ̆t anăp Kră Yang Kră Yang 'Bok Kei-Dei, na Kră Yang 'Bok Kei-Dei pơlôch hĭ sư.

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

II Pot 13:11

Sư kư̆m lei-lăi pơm kơnê̆ 'bơ̆t anăp Kră Yang, ưh kơ achăng lê̆ dôm tơdrong yoch Jêrôbôam, kon drŏ-nglo Nêbat hlôi pơm bơih kơ lu bơngai Isơrael pơm yoch, mă-lei sư oei nŏng kơ pơm kiơ̆ tơdrong yoch noh.

II Pot 13:2

Sư pơm tơdrong kơnê̆ 'bơ̆t anăp Kră Yang; sư pơm rok tơdrong yoch Jêrôbôam, kon drŏ-nglo Nêbat, noh tơdrong mă pơm kơ Isơrael pơm yoch; sư ưh kơ achăng lê̆ ôh tơdrong yoch noh.

II Pot 13:6

Mă-lei, lu sư kuă kơ achăng lê̆ ôh tơdrong yoch Jêrôbôam, tơdrong mă pơtao noh hlôi pơm bơih kơ đe Isơrael pơm yoch; lu sư oei hơnơ̆ng kơ pơm yoch đĕch; dĭng mah rup man yang Asêra oei pơdơ̆ng lê̆ dơ'nhơ̆ng lăm pơlei Samari.

II Pot 14:23

Sơnăm mă mơjĭt-pơđăm, chăl Amasia kon drŏ-nglo Jôas, pơtao đe Juđa pơgơ̆r, Jêrôbôam kon drŏ-nglo Jêhôas tŏk pơm pơtao đe Isơrael tơ pơlei Samari. Sư pơgơ̆r puăn-jĭt mônh sơnăm.

II Pot 14:25

Sư pơdrâu iŏk đơ̆ng hơdral dêh char Isơrael đơ̆ng 'bơ̆t trong mơ̆t tơ Pơlei Libo Hamat truh tơ đak Dơsĭ Araba, kiơ̆ thoi nơ̆r Kră Yang 'Bok Kei-Dei đe Isơrael khan kơ Jôna đĭch đam Sư kon drŏ-nglo Amitai 'bok khan lê̆ adrol mă oei tơ Pơlei Gat Hepher.

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

II Pot 3:3

Mă khan lei ră, sư kư̆m hưch hanh kiơ̆ tơdrong yoch Jêrôbôam, kon drŏ-nglo Nêbat, noh jơ̆ yoch mă hlôi pơm ăn kơ lu bơngai Isơrael pơm yoch. Sư ưh kơ chu achăng lê̆.

Horiso 106:20

Lu sư tơplih Kră Yang Ư-Ang lu sư jing thoi rup rơmo sa 'nhĕt.

Am 7:10

Klaih kơ noh Amsia, 'bok soi pơlei Bethel, wơh đe năm pơtruh nơ̆r kơ Jêrôbôam pơtao Isơrael khan: Amôs sư pơdôr kon pơlei Isơrael wă blah pơm kơnê̆ kơ ih teh đak bơ̆n gô hiong răm yua kơ đơ̆ng dôm lu nơ̆r sư.

Am 7:13

Mă-lei 'nĕ pă khan lê̆ adrol tơ pơlei Bethel âu, yua kơ noh anih rơgoh pơtao păng noh anih hnam pơtao akŭm kơkuh kơ Kră Yang.

Am 7:16

Na mơ̆ng bĕ nơ̆r Kră Yang: Ih khan thoi âu: 'Nĕ khan lê̆ adrol wă blah Isơrael păng kư̆m 'nĕ kơ bơtho đe pơm kơnê̆ hăm Isăk.

Am 7:9

Lu anih kơjung Isăk gô juơ, lu anih rơgoh Isơrael gô pơrăm đĭ păng inh gô iŏk đao gưm iung blah hnam Jêrôbôam. Amôt păng 'bok soi Amsia

Both 9:18

Yua kơ lu iĕm pơm kơnê̆, pơm tơdrong yoch tih 'bơ̆t anăp Kră Yang che bơle tơblĕk Sư, na inh drap kơkuh 'bơ̆t anăp Kră Yang lăm puăn-jĭt năr păng puăn-jĭt măng thoi adrol ki, ưh kơ đei sŏng sa păng ưh kơ đei nhă.