II Pot 14:23 - Sơ̆p Hlabơar Nơ̆r 'Bok Kei-Dei

²³ Sơnăm mă mơjĭt-pơđăm, chăl Amasia kon drŏ-nglo Jôas, pơtao đe Juđa pơgơ̆r, Jêrôbôam kon drŏ-nglo Jêhôas tŏk pơm pơtao đe Isơrael tơ pơlei Samari. Sư pơgơ̆r puăn-jĭt mônh sơnăm.

II Pot 14:23 ပူးပေါင်းရင်းမြစ်များ

II Pot 10:30

Kră Yang khan kơ Jêhu: “Kơlih kơ ih pơm trŏ dêh, sek tơpăt 'bơ̆t anăp Inh păng pơm kơ adrĕch Ahap kiơ̆ thoi Inh wă, na kon drŏ-nglo ih gô hơ-oei 'bơ̆t tang-dŏ pơtao, pơgơ̆r lu bơngai Isơrael dĭng truh tơ puăn jơhnơr.

II Pot 13:13

Jêhôas lôch thoi tep hiôk hăm lu 'bok kơdră sư sơ̆, đơ̆ng noh Jêrôbôam pơgơ̆r pơtrơp đêl sư. Jêhôas đe 'bŭ sư tơ Pơlei Samari hơdai hăm lu pơtao đe Isơrael.

II Pot 14:1

Lăm sơnăm mă 'bar, chăl Jêhôas, kon drŏ-nglo Jêhôahas, pơtao đe Isơrael pơgơ̆r, na Amasia, kon drŏ-nglo Jôas pơtao đe Juđa, tŏk pơm pơtao.

II Pot 14:15

Dôm lu tơdrong roi hơ'mon nai gah Jêhôas, dôm tơdrong jang đêl sư pơm tơdrong nuih kơtang sư, tơdrong sư tơblah hăm Amasia pơtao đe Juđa, đe đei chih lê̆ boih tơ lăm sơ̆p hla bơar hơ'mon gah lu pơtao Isơrael

II Pot 14:16

Jêhôas lôch thoi tep hăm 'bok kơdră sư sơ̆, păng đe 'bŭ sư tơ Pơlei Samari hơdai hăm lu pơtao đe Isơrael; đơ̆ng noh, Jêrôbôam, kon drŏ-nglo sư tŏk pơm pơtao pơtrơp đơ̆ng sư.

II Pot 14:22

Đơ̆ng rŏng kơ 'bă sư Amasia lôch thoi tep hiôk hăm lu 'bok kơdră sư bơih, na Asaria pơjing pơlei Êlat păng pơđâu iŏk pơlei ei tơwih ăn kơ đe Juđa pơm tơ'ngla pơgơ̆r.

II Pot 14:24

Sư pơm kơnê̆ 'bơ̆t anăp Kră Yang, sư ưh kơ achăng lê̆ ôh tơdrong yoch Jêrôbôam kon drŏ-nglo Nêbat pơm kơ Isơrael pơm yoch.

II Pot 14:27

Lei na Kră Yang Sư ưh kơ đei khan wă sut lê̆ anăn Isơrael đơ̆ng lăm teh âu, thoi noh sư yua hloi ti Jêrôbôam kon drŏ-nglo Jêhôas dŏng pơklaih lu sư.

II Pot 15:1

Lăm sơnăm mă 'bar-jĭt tơpơh chăl Jêrôbôam, pơtao đe Isơrael pơgơ̆r, na Asaria, kon drŏ-nglo Amasia pơtao đe Juđa, tŏk pơm pơtao.

I Ho 5:17

Lu bơngai 'nâu đei chih tơmơ̆t boih lăm sơ̆p hla bơar adrĕch adrung chăl Jôtham pơm pơtao dêh char Juđa păng lăm chăl Jêrôbôam pơm pơtao dêh char Isơrael.

Hôsia 1:1

Đei nơ̆r Kră Yang khan kơ Hôsia, kon drŏ-nglo Bêri, lăm chăl Usia Jôtham Ahas, Hesekia, lu pơtao đe Juđa. Lăm chăl Jêrôbôam, kon drŏ-nglo Jôas pơm pơtao đe Isơrael.

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.