II Pot 14:17 - Sơ̆p Hlabơar Nơ̆r 'Bok Kei-Dei

¹⁷ Amasia, kon drŏ-nglo Jôas; pơtao đe Juđa oei arih mơjĭt-pơđăm sơnăm dơ̆ng đơ̆ng rŏng kơ Jêhôas kon drŏ-nglo Jêhôahas pơtao đe Isơrael lôch 'noh.

II Pot 14:17 ပူးပေါင်းရင်းမြစ်များ

II Pot 13:10

Lăm sơnăm mă pêng-jĭt tơpơh, chăl Jôas, pơtao đe Juđa, na Jêhôas kon drŏ-nglo Jêhôahas, tŏk pơm pơtao đe Isơrael tơ Plei Samari păng sư pơgơ̆r mơjĭt-tơdrâu sơnăm.

II Pot 14:16

Jêhôas lôch thoi tep hăm 'bok kơdră sư sơ̆, păng đe 'bŭ sư tơ Pơlei Samari hơdai hăm lu pơtao đe Isơrael; đơ̆ng noh, Jêrôbôam, kon drŏ-nglo sư tŏk pơm pơtao pơtrơp đơ̆ng sư.

II Pot 14:18

Lu tơdrong hơ'mon nai gah Amasia, đe đei chih lê̆ boih tơ lăm sơ̆p hla bơar hơ'mon gah lu pơtao đe Juđa.

II Pot 14:23

Sơnăm mă mơjĭt-pơđăm, chăl Amasia kon drŏ-nglo Jôas, pơtao đe Juđa pơgơ̆r, Jêrôbôam kon drŏ-nglo Jêhôas tŏk pơm pơtao đe Isơrael tơ pơlei Samari. Sư pơgơ̆r puăn-jĭt mônh sơnăm.

II Pot 15:1

Lăm sơnăm mă 'bar-jĭt tơpơh chăl Jêrôbôam, pơtao đe Isơrael pơgơ̆r, na Asaria, kon drŏ-nglo Amasia pơtao đe Juđa, tŏk pơm pơtao.