II Pot 14:13 - Sơ̆p Hlabơar Nơ̆r 'Bok Kei-Dei

¹³ Tơ Bêt Sêmes, Jêhôas pơtao đe Isơrael rôp arih Amasia pơtao đe Juđa kon drŏ-nglo Jôas, sâu Ahasia; đơ̆ng noh năm tơ Pơlei Jêrusalem teng pơchah lê̆ dur Jêrusalem đơ̆ng 'măng jang Êphraim truh tơ 'măng jang Mum, ataih kơjung sư truh tơ 'bar-hrĕng hlok.

II Pot 14:13 ပူးပေါင်းရင်းမြစ်များ

II Pot 25:10

Đĭ-đăng khŭl linh đe Kalđê chu nơ̆r 'bok tih linh, lu sư teh pơchah dur war tăp Pơlei Jêrusalem.

II Pot 25:6

Lu linh đe Kalđê rôp pơtao đe Sêđekia anhăk ba sư tơ pơtao đe Babilôn oei tơ Ribla; tơ noh lu sư sek tơlang pơtao.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

II Ho 36:6

Nebukatnessar pơtao char Babilôn tŏk blah sư, rôp chô̆ sư hăm glang kong chông ba sư tơ dêh char Babilôn.

Ne 12:39

Năm kơpơ̆ng kơ 'măng jang Êphraim, jê̆ 'măng jang So 'măng jang Ka, hnam thôt Hananêl păng hnam thôt Minh-hrĕng truh tơ 'măng jang Triu lu sư pơdơh 'bơ̆t 'măng jang Gak.

Ne 8:16

Kon pơlei năm na brŏk chĕp ba lu hla ei, rim 'nu pơm bơsŭn lu sư pơyơ̆l kơpal bơbŭng bơsŭn lu sư păng tơ cham lu sư kơdih, tơ lăm cham kơdeng hnam Kră Yang 'Bok Kei-Dei, tơ anih cham 'măng jang Đak păng tơ cham să 'măng jang Êphraim.

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Je 31:38

Kră Yang khan: “Gô đei 'năr, pơlei tih đe gô pơdơ̆ng dơ̆ng kơ Inh đơ̆ng Hnam Thôt Hananêl truh tơ 'Măng Jang Mum.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Sa 14:10

Đĭ-đăng jơ̆p kơ teh đak gô jing teh dơhnă, iŏk đơ̆ng Gêba truh tơ Rimôn. Gah gơal kơ pơlei Jêrusalem, pơlei tih âu đe gô hơtŏk sư tơ anih sư, đơ̆ng 'măng jang Bênjamin truh tơ 'măng jang mă blŭng-a păng truh tơ 'măng jang mum, đơ̆ng hnam thôt Hananêl dĭng truh tơ anih pơtao hmĕt đak hơmu pơm sik.

Luka 14:11

Yua kơ bơngai bu pơang akâu kơdih, sư gô mơlâu. Bơngai bu ưh kơ hơnhŏ, sư 'noh boih đe gô pôk pơư kơ sư.”