II Pot 13:5 - Sơ̆p Hlabơar Nơ̆r 'Bok Kei-Dei

⁵ Kră Yang ăn kơ Isơrael minh 'nu bơngai dŏng pơklaih lu sư, kon pơlei Isơrael klaih đơ̆ng ti lu đe Aram păng gơh oei lăm anih hnam lu sư kơdih thoi adrol sơ̆ dơ̆ng,

II Pot 13:5 ပူးပေါင်းရင်းမြစ်များ

II Pot 13:25

Jêhôas kon drŏ-nglo Jêhôahas iŏk lê̆ dơ̆ng đơ̆ng Ben Hadat, kon drŏ-nglo Hasael, sư iŏk lê̆ lu pơlei mă Ben Hadat iŏk bơih đơ̆ng Jêhôahas, 'bă sư. Jêhôas blah Ben Hadat jei sư pêng wơ̆t păng iŏk lu pơlei lăm dêh char Isơrael đei kơ sư.

II Pot 14:25

Sư pơdrâu iŏk đơ̆ng hơdral dêh char Isơrael đơ̆ng 'bơ̆t trong mơ̆t tơ Pơlei Libo Hamat truh tơ đak Dơsĭ Araba, kiơ̆ thoi nơ̆r Kră Yang 'Bok Kei-Dei đe Isơrael khan kơ Jôna đĭch đam Sư kon drŏ-nglo Amitai 'bok khan lê̆ adrol mă oei tơ Pơlei Gat Hepher.

II Pot 14:27

Lei na Kră Yang Sư ưh kơ đei khan wă sut lê̆ anăn Isơrael đơ̆ng lăm teh âu, thoi noh sư yua hloi ti Jêrôbôam kon drŏ-nglo Jêhôas dŏng pơklaih lu sư.

I Ho 11:2

Adrol sơ̆ mă kơplah Sôl oei pơm pơtao, ih boih pơgơ̆r chông kon pơlei Isơrael lĕch; dah wih brŏk. Kră Yang 'Bok Kei-Dei ih đei khan: ‘Ih gô wei rong kon pơlei Isơrael Inh; păng ih gô pơm yŏng pơgơ̆r lu sư.’ ”

Ne 9:27

Yua kơ thoi noh Ih jao boih lu sư lăm tơpang ti đe ayăt kơ lu sư; lu đe pơmat pơm kơnê̆ kơ lu sư, lăm lu sư đei tơdrong pơmat-tat lu sư ôr krao chă Ih păng Ih đơ̆ng kơpal plĕnh mơ̆ng lu sư; jơhngơ̆m 'mêm Ih tih dêh, Ih yua lu bơngai nuih pran kơtang dŏng pơklaih đơ̆ng lu bơngai ayăt kơ lu sư.

Esther 4:14

Yua kơ tơdah ih ngăn lăm jơ 'nâu gô đei trong nai dơ̆ng pơklaih adrĕch Juđa, mă-lei ih păng hnam dơnŏ 'bă ih kư̆m gô lôch răm. Bu băt lê̆ ih gơh pơm yă pơtao kư̆m yua kơ tơdrong lâu?

Le 4:10

Môis tơl Kră Yang thoi âu: Ơ! Kră Yang bơnê kơkuh kơ Ih, đơ̆ng năr brei năr mơsơ̆, mă đơ̆ng krô Ih pơma bơtho đĭch đam Ih, inh ưh tam trŏ bơngai pơma gơh hơgei, yua kơ 'bơ̆r păng hơpiĕt inh pơma arăk ưh kơ hơđăl.

Êsai 19:20

Noh jơ̆ tơdra kơnăl păng tơbăt kơ Kră Yang Tih Hloh tơ lăm dêh Êyiptơ, lu Sư gô krao chă Kră Yang, kơplah lu bơngai pơm kơnê̆ kơ lu sư, Kră Yang gô wơh minh 'nu 'bok dŏng pơklaih wă dŏng tơgŭm păng pơklaih lu sư.

Ob 1:21

Gô đei lu bơngai mă đei dŏng pơklaih tŏk tơ kơpal kông Siôn wă wei-lăng kông Êsâu; na teh đak noh gô jing gah Kră Yang.

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Both 19:4

'Nâu boih tơdrong juăt kơ lu bơngai pơlôch bơngai ôn kơ'nơp tơ noh wă kơ gơh pơklaih tơdrong arih sư kơdih, bơngai bu hơch 'bơm pơlôch ưh kơ pơrơ̆ng, ưh kơ đei chă areh băl adrol.

I Sam 12:11

Kră Yang wơh hĭ Jêrup Baal, Barak, Jeptha păng Samuel; lu sư dŏng pơklaih lu iĕm đơ̆ng ti lu ayăt tăp dăr kơ lu iĕm, ăn kơ lu iĕm oei arih hiôk-hian.

I Sam 19:7

Na, Jônathan krao Đawit, roi ăn dôm lu nơ̆r ei kơ sư, na chông ba Đawit năm tơ Sôl, na Đawit oei bơ̆jang kơ Sôl thoi adrol ki dơ̆ng.