II Pot 13:3 - Sơ̆p Hlabơar Nơ̆r 'Bok Kei-Dei

³ Kră Yang hil mĭl kơ lu đe Isơrael, Sư jao lu bơngai Isơrael lăm ti Hasael, pơtao đe Aram păng Ben Hadat kon drŏ-nglo Hasael đĭ lăm kơplah 'bar chăl pơtao noh pơgơ̆r.

II Pot 13:3 ပူးပေါင်းရင်းမြစ်များ

I Pot 19:17

Bơngai bu klaih đơ̆ng đao gưm Hasael, Jêhu gô pơlôch sư; bu klaih đơ̆ng đao gưm Jêhu Êlisê gô pơlôch sư.

II Pot 12:17

Hơtai noh, Hasael pơtao đe Aram năm blah tơgar iŏk teh Pơlei Gat đơ̆ng noh sư kư̆m chĕp linh wă blah tơgar Pơlei Jêrusalem hai dơ̆ng.

II Pot 13:22

Hasael, pơtao đe Aram pơgŏ pơđep lu đe Isơrael dĭng truh đĭ chăl Jêhôahas pơgơ̆r.

II Pot 17:20

Lei na Kră Yang achăng lê̆ đĭ adrĕch Isơrael, pơm kơ lu sư pơmat-tat păng jao lu sư tơ lăm ti lu bơngai iŏk tơgar, dĭng đe chông phak lu sư ataih đơ̆ng muh măt Kră Yang.

Je 49:27

Inh gô iŏk ŭnh soh dur pơlei Đamas, Ŭnh gô sa truh tơ hnam kơjăp pơtao Ben Hadat.

Lêwi 26:17

Inh gô wih rŏng hil mĭl kơ iĕm, lu bơngai ayăt kơ iĕm gô teh dong iĕm, lu bơngai areh kơ iĕm gô pơgơ̆r iĕm, lu iĕm gô kơdâu ôn mă khan ưh kơ đei bu druh.

Am 4:10

Inh đei ăn boih tơdrong jĭ hơpoh truh tơ lu iĕm, kư̆m thoi inh ăn tơ lăm dêh Êyiptơ. Inh đei yua đao gưm pơlôch lu kon tơdăm iĕm boih păng lu aseh iĕm inh kư̆m puh pơđĭ. Inh đei ăn boih 'bâu ôm đơ̆ng lăm kơđông lu iĕm păr đông tơ muh lu iĕm. Mă-lei lu iĕm kư̆m ưh kơ wă wih brŏk tơ inh, Kră Yang khan thoi noh.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

Lu 2:14

Kră Yang blĕk kơ bơngai Isơrael păng pơjao lu sư ăn kơ lu bơngai tơgar iŏk mŭk tơmam lu sư, na lu bơngai Isơrael ưh kơ gơh pơm kiơ kơ lu bơngai ayăt areh kơ lu sư.

Lu 3:8

Yua kơ thoi noh, Kră Yang hil blĕk kơ lu bơngai Isơrael, Kră Yang pơjao lu sư lăm ti Kusan Risathaim, pơtao teh đak Mesôpôtami. Kusan Risathaim pơgŏ pơđep kon pơlei Isơrael lăm tơhngam sơnăm.