II Pot 13:19 - Sơ̆p Hlabơar Nơ̆r 'Bok Kei-Dei

¹⁹ Êlisê bơngai mă Kră Yang 'Bok Kei-Dei yua noh hil kơ sư, khan kơ pơtao: “Dah ih huăt pơđăm tơdrâu wơ̆t, lei ih blah char Aram dĭng răm đĭ; mă-lei 'nâu ih gô blah lu bơngai char Aram lăp pêng wơ̆t đĕch.”

II Pot 13:19 ပူးပေါင်းရင်းမြစ်များ

II Pot 13:18

Êlisê khan dơ̆ng: “Iŏk minh hơchô̆ 'brơ̆m bĕ!” Na Jêhôas iŏk 'brơ̆m. Êlisê khan dơ̆ng: “Huăt bĕ 'brơ̆m tơ teh.” Jêhôas huăt tơ teh pêng wơ̆t, đơ̆ng noh pơdơh.

II Pot 13:25

Jêhôas kon drŏ-nglo Jêhôahas iŏk lê̆ dơ̆ng đơ̆ng Ben Hadat, kon drŏ-nglo Hasael, sư iŏk lê̆ lu pơlei mă Ben Hadat iŏk bơih đơ̆ng Jêhôahas, 'bă sư. Jêhôas blah Ben Hadat jei sư pêng wơ̆t păng iŏk lu pơlei lăm dêh char Isơrael đei kơ sư.

II Pot 4:16

Êlisê khan kơ duch ei: “Sơnăm anăp, kơplah bơyan 'nâu mơ̆n ih gô pôk minh 'nu hơ'lơ̆p drŏ-nglo.” Duch ei tơl: “Ưh, ơ yŏng tơ'ngla inh, bơngai mă Kră Yang 'Bok Kei-Dei yua, ih 'nĕ kơ pơma hơlĕnh pơ'brơh kơ inh đam drŏ-kăn ih.”

II Pot 4:40

Pai đang bơih lu sư sŏ ăn kơ lu đe ei sa, mă-lei lu sư 'nao sa tŏ sĕt, ôr krao: “Ơ bơngai Kră Yang 'Bok Kei-Dei, yua 'nhot 'nâu đei hơkăm, bơ̆n sa 'nâu lôch!” Đĭ-đăng lu sư pă pơ̆n sa.

II Pot 5:20

Na Gêhasi đam Êlisê, bơngai mă 'Bok Kei-Dei yua, sư pơma lăm to khan: “To, tơ'ngla inh mơnat ăn huay kơ jô̆ yo Naaman, bơngai Aram, sư ưh kơ iŏk tơmam kiơ đơ̆ng Naaman ăn kơ sư, Inh pơkă 'bơ̆t anăp Kră Yang mă arih ling-lang, Inh gô druh 'moi Naaman, păng khŏm iŏk tơmam kiơ kiơ đơ̆ng sư 'mơ̆i.”

II Pot 6:9

Êlisê bơngai Kră Yang 'Bok Kei-Dei yua, năm roi ăn kơ pơtao đe Isơrael thoi âu: “Kơchăng hŏ 'nĕ kơ năm rok anih noh, đei lu linh đe Aram oei răp tơ noh.”

Je 48:10

Hiap bĕ lu bơngai jang kơ Kră Yang mă hơlĕnh pơdăr. Hiap bĕ lu bơngai ưh kơ yua đao gưm sư pơlôch đe!

Lêwi 10:16

Môis chă kon bơbe tơno wă pơm tơmam soi sơmah huai đơ̆ng yoch, 'bôh đe 'buh khôi bơih, na sư mĭl kơ Êlêasar păng Ithamar, 'bar 'nu kon Arôn mă oei arih păng khan:

Jo 16:15

Môis blĕk dêh krao apinh Kră Yang thoi âu: Ih lê̆ pă iŏk dôm tơmam lu sư pơyơ̆r; inh ưh kơ đei rôp iŏk minh pôm kon aseh iĕ đơ̆ng lu sư ôh păng inh kư̆m ưh kơ đei pơrăm bu lăm lu sư.

Markôs 10:14

Lăp Yêsu 'bôh lu bơngai pơhrăm păng Sư pơm thoi noh, Sư hil păng khan: “Lê̆ lu hơ'lơ̆p năm tơ Inh, 'nĕ pă khă lu sư, yua kơ bơngai bu lui thoi lu hơ'lơ̆p âu lui, bơngai 'noh 'Bok Kei-Dei pơgơ̆r wei-lăng sư ling-lang.

Markôs 3:5

Na Yêsu hue lăng đĭ-đăng kơ lu sư, Sư hil kơ lu sư. Sư sơ'ngon yua kơ lu sư arăng kơ̆l. Na Sư khan kơ bơngai ti kue: “Chro ti ih bĕ.” Bơngai ti kue ei chro ti sư, na klaih 'lơ̆ng hloi.

Markôs 6:5

Kơlih kơ thoi noh na Yêsu ưh kơ wă pơm tơdrong mơsêh tơ pơlei Sư. Sư pôm chro ti chă pơklaih 'bar pêng 'nu bơngai jĭ đĕch.