II Pot 13:18 - Sơ̆p Hlabơar Nơ̆r 'Bok Kei-Dei

¹⁸ Êlisê khan dơ̆ng: “Iŏk minh hơchô̆ 'brơ̆m bĕ!” Na Jêhôas iŏk 'brơ̆m. Êlisê khan dơ̆ng: “Huăt bĕ 'brơ̆m tơ teh.” Jêhôas huăt tơ teh pêng wơ̆t, đơ̆ng noh pơdơh.

II Pot 13:18 ပူးပေါင်းရင်းမြစ်များ

II Pot 13:17

na khan: “Pơih 'măng-'mŏk gah hơlĕch bĕ.” Na Jêhôas pơih hĭ 'măng. Êlisê khan: “Pơtao prah bĕ.” Na sư prah hloi. Kơplah ei Êlisê khan dơ̆ng: “'Noh bơih 'brơ̆m Kră Yang mă kĕ jei, 'brơ̆m mă ih blah lu bơngai Aram jei ih, lăm pơlei Aphek, dĭng ih pơrăm pơlôch lê̆ đĭ lu sư.

II Pot 13:19

Êlisê bơngai mă Kră Yang 'Bok Kei-Dei yua noh hil kơ sư, khan kơ pơtao: “Dah ih huăt pơđăm tơdrâu wơ̆t, lei ih blah char Aram dĭng răm đĭ; mă-lei 'nâu ih gô blah lu bơngai char Aram lăp pêng wơ̆t đĕch.”

II Pot 13:25

Jêhôas kon drŏ-nglo Jêhôahas iŏk lê̆ dơ̆ng đơ̆ng Ben Hadat, kon drŏ-nglo Hasael, sư iŏk lê̆ lu pơlei mă Ben Hadat iŏk bơih đơ̆ng Jêhôahas, 'bă sư. Jêhôas blah Ben Hadat jei sư pêng wơ̆t păng iŏk lu pơlei lăm dêh char Isơrael đei kơ sư.

II Pot 4:6

Tuh 'bĕnh rim kơ bô̆i bơih, na khan kơ lu kon sư: “Ba ăn kơ inh minh pôm bô̆i plơ̆ng dơ̆ng.” Kon sư tơl khan: “Bô̆i pă đei 'nhŏ kơ minh pôm hloi bơih.” Na đak rơmă ôliwơ ei nhĕt pă đei ro dơ̆ng.

Le 17:11

Wă Môis yơ̆r ti tơ kơpal, lei jei kon pơlei Isơrael wă tơjruh ti sư jei kon pơlei Amalek.