II Pot 13:17 - Sơ̆p Hlabơar Nơ̆r 'Bok Kei-Dei

¹⁷ na khan: “Pơih 'măng-'mŏk gah hơlĕch bĕ.” Na Jêhôas pơih hĭ 'măng. Êlisê khan: “Pơtao prah bĕ.” Na sư prah hloi. Kơplah ei Êlisê khan dơ̆ng: “'Noh bơih 'brơ̆m Kră Yang mă kĕ jei, 'brơ̆m mă ih blah lu bơngai Aram jei ih, lăm pơlei Aphek, dĭng ih pơrăm pơlôch lê̆ đĭ lu sư.

II Pot 13:17 ပူးပေါင်းရင်းမြစ်များ

II Sam 5:24

'Bơ̆t kơplah mă ih kơtơ̆ng jơ̆ng yak lăm kơdrơ̆ng 'long hơngo bri ih athei năm blah hloi, yua kơ 'bơ̆t kơplah noh Kră Yang năm adrol kơ ih blah lu linh Philistin.”

I Pot 20:26

Lăm sơnăm đơ̆ng rŏng Ben Hadat krao akŭm lu linh Siri tŏk năm tơ Pơlei Aphek wă tơblah hăm lu bơngai Isơrael.

I Pot 20:29

'Bar khŭl sư tơdơ̆ng tơklă băl lăm tơpơh năr. Năr mă tơpơh lu sư tơblah băl; lăm minh năr lu linh Isơrael pơlôch lu linh Siri yak jơ̆ng hloh minh-hrĕng rơbâu 'nu.

II Pot 13:16

Êlisê khan dơ̆ng kơ pơtao Isơrael: “Gŭt bĕ hră ih.” Na pơtao gŭt hĭ hră hloi. Đơ̆ng noh Êlisê dan ti sư kơpal ti pơtao ei,

II Pot 13:18

Êlisê khan dơ̆ng: “Iŏk minh hơchô̆ 'brơ̆m bĕ!” Na Jêhôas iŏk 'brơ̆m. Êlisê khan dơ̆ng: “Huăt bĕ 'brơ̆m tơ teh.” Jêhôas huăt tơ teh pêng wơ̆t, đơ̆ng noh pơdơh.

Le 4:17

Ih chĕp 'long jra 'nâu wă yua pơm tôm tơdrong hlĭch.

Le 4:2

Kră Yang khan: Ti ih chĕp kiơ? Môis tơl khan: Minh pôm 'long jra.

I Kor 1:18

Lu bơngai wă hiong răm, lu sư lăng tơdrong bơ̆n bơtho gah tơdrong Yêsu Krist lôch tơ 'long pơglang, lu sư lăng dang tơdrong kơtul đĕch. Mă-lei gah bơ̆n, bơ̆n băt tơpă tơdrong Yêsu lôch tơ 'long pơglang kăl dêh, noh tơdrong mơsêh mơyang 'Bok Kei-Dei pơklaih bơ̆n.

Jôsuê 12:18

Pơtao Aphek, pơtao Lasarôn.

I Sam 4:1

Samuel roi tơbăt ăn kơ đĭ-đăng bơngai Isơrael nơ̆r Kră Yang. Isơrael năm blah bơngai Philistin păng anih lu sư oei 'bơ̆t jê̆ Êbênêser, gah Philistin anih lu sư oei jê̆ pơlei Aphek.