II Pot 13:13 - Sơ̆p Hlabơar Nơ̆r 'Bok Kei-Dei

¹³ Jêhôas lôch thoi tep hiôk hăm lu 'bok kơdră sư sơ̆, đơ̆ng noh Jêrôbôam pơgơ̆r pơtrơp đêl sư. Jêhôas đe 'bŭ sư tơ Pơlei Samari hơdai hăm lu pơtao đe Isơrael.

II Pot 13:13 ပူးပေါင်းရင်းမြစ်များ

II Sam 7:12

Lăp jơ 'năr ih đĭ boih, păng ih lôch năm oei hơdai hăm lu 'bok yă ih, na Inh gô pôk minh 'nu đơ̆ng lăm adrĕch adrung ih sư noh đơ̆ng kon ih pơjing wă pơtrơp kơ tang-dŏ pơtao ih, păng Inh gô ăn kơ dêh char pơtao sư kơjăp.

I Pot 1:21

Dah ưh lăm minh năr ei kơnh ih yŏng pơtao inh lôch oei hơdai 'bok yă, lei đe gô jô̆ kơ nhi Sôlômôn pơm yoch”

I Pot 11:31

Đơ̆ng noh sư khan kơ Jêrôbôam: “Iŏk bĕ kơ ih mơjĭt hlak, Kră Yang 'Bok Kei-Dei Isơrael đei khan: 'Nâu, Inh gô iŏk hek lê̆ dêh char 'nâu đơ̆ng ti Sôlômôn, gô ăn kơ ih mơjĭt adrĕch adrung.

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.

II Pot 13:12

Dôm lu tơdrong hơ'mon gah Jêhôas, tơdrong nai, dôm tơdrong jang đêl sư pơm, sư tơblah ayăt Amasia, pơtao đe Juđa, jei sư, đĭ-đăng tôm tơdrong sư đe đei chih tơ lăm sơ̆p hla bơar hơ'mon gah lu pơtao đe Isơrael?

II Pot 13:14

Êlisê jĭ, yua kơ jĭ 'noh na sư lôch, Jêhôas, pơtao đe Isơrael năm lăng sư kơplah sư oei jĭ, nhơ̆m 'bơ̆t anăp sư păng khan: “Ơ 'bă inh ơi! Ơ 'bă inh ơi! Gre aseh păng linh hao aseh lu đe Isơrael ơi!”

II Pot 13:9

Jêhôahas lôch thoi tep hiôk hăm lu yă 'bok sư păng đe 'bŭ sư tơ Pơlei Samari. Jêhôas kon drŏ-nglo sư pơgơ̆r pơtrơp sư.

II Pot 14:15

Dôm lu tơdrong roi hơ'mon nai gah Jêhôas, dôm tơdrong jang đêl sư pơm tơdrong nuih kơtang sư, tơdrong sư tơblah hăm Amasia pơtao đe Juđa, đe đei chih lê̆ boih tơ lăm sơ̆p hla bơar hơ'mon gah lu pơtao Isơrael

II Pot 14:23

Sơnăm mă mơjĭt-pơđăm, chăl Amasia kon drŏ-nglo Jôas, pơtao đe Juđa pơgơ̆r, Jêrôbôam kon drŏ-nglo Jêhôas tŏk pơm pơtao đe Isơrael tơ pơlei Samari. Sư pơgơ̆r puăn-jĭt mônh sơnăm.

II Pot 15:12

'Nâu bơih đei 'bôh 'blep thoi nơ̆r Kră Yang khan kơ Jêhu: “Adrĕch ih gô pơgơ̆r lu đe Isơrael dĭng truh kơ jơhnơr mă puăn.” Tơdrong 'nâu đei truh sĭt thoi noh.

Hôsia 1:1

Đei nơ̆r Kră Yang khan kơ Hôsia, kon drŏ-nglo Bêri, lăm chăl Usia Jôtham Ahas, Hesekia, lu pơtao đe Juđa. Lăm chăl Jêrôbôam, kon drŏ-nglo Jôas pơm pơtao đe Isơrael.