II Pot 13:11 - Sơ̆p Hlabơar Nơ̆r 'Bok Kei-Dei

¹¹ Sư kư̆m lei-lăi pơm kơnê̆ 'bơ̆t anăp Kră Yang, ưh kơ achăng lê̆ dôm tơdrong yoch Jêrôbôam, kon drŏ-nglo Nêbat hlôi pơm bơih kơ lu bơngai Isơrael pơm yoch, mă-lei sư oei nŏng kơ pơm kiơ̆ tơdrong yoch noh.

II Pot 13:11 ပူးပေါင်းရင်းမြစ်များ

II Pot 10:29

Mă-lei, sư ưh kơ achăng lê̆ ôh tơdrong yoch Jêrôbôam, kon drŏ-nglo Nêbat noh bơih mă hlôi pơm kơ lu bơngai Isơrael pơm yoch. Noh kơkuh kơ rup yang rơmo đe pơm hăm maih tơ pơlei Bethel păng tơ Pơlei Đan.

II Pot 13:10

Lăm sơnăm mă pêng-jĭt tơpơh, chăl Jôas, pơtao đe Juđa, na Jêhôas kon drŏ-nglo Jêhôahas, tŏk pơm pơtao đe Isơrael tơ Plei Samari păng sư pơgơ̆r mơjĭt-tơdrâu sơnăm.

II Pot 13:12

Dôm lu tơdrong hơ'mon gah Jêhôas, tơdrong nai, dôm tơdrong jang đêl sư pơm, sư tơblah ayăt Amasia, pơtao đe Juđa, jei sư, đĭ-đăng tôm tơdrong sư đe đei chih tơ lăm sơ̆p hla bơar hơ'mon gah lu pơtao đe Isơrael?

II Pot 13:2

Sư pơm tơdrong kơnê̆ 'bơ̆t anăp Kră Yang; sư pơm rok tơdrong yoch Jêrôbôam, kon drŏ-nglo Nêbat, noh tơdrong mă pơm kơ Isơrael pơm yoch; sư ưh kơ achăng lê̆ ôh tơdrong yoch noh.

II Pot 13:6

Mă-lei, lu sư kuă kơ achăng lê̆ ôh tơdrong yoch Jêrôbôam, tơdrong mă pơtao noh hlôi pơm bơih kơ đe Isơrael pơm yoch; lu sư oei hơnơ̆ng kơ pơm yoch đĕch; dĭng mah rup man yang Asêra oei pơdơ̆ng lê̆ dơ'nhơ̆ng lăm pơlei Samari.

II Pot 3:3

Mă khan lei ră, sư kư̆m hưch hanh kiơ̆ tơdrong yoch Jêrôbôam, kon drŏ-nglo Nêbat, noh jơ̆ yoch mă hlôi pơm ăn kơ lu bơngai Isơrael pơm yoch. Sư ưh kơ chu achăng lê̆.