II Pot 12:9 - Sơ̆p Hlabơar Nơ̆r 'Bok Kei-Dei

⁹ 'Bok soi Jêhôiada iŏk hloi minh pôm hom kuer bơlôh 'bơ̆t tơnglơ̆p sư, đơ̆ng noh dan 'bơ̆t jê̆ chơnang soi gah 'ma kơ 'măng mơ̆t lăm Hnam akŭm kơkuh kơ Kră Yang Lu 'bok soi wei 'măng Hnam akŭm, tah lê̆ đĭ-đăng jên mă đơ̆ng đe pơyơ̆r lăm Hnam akŭm kơkuh kơ Kră Yang, lăm hom ei ngăl.

II Pot 12:9 ပူးပေါင်းရင်းမြစ်များ

II Pot 12:8

Lu 'bok soi drơ̆ng ưh pă ra jên đơ̆ng kon pơlei bơih păng lu sư kư̆m drơ̆ng ưh pă drơ̆ng pŭ iŏk tơdrong jang wă hơmet ming Hnam akŭm bơih.

II Pot 22:4

“Năm bĕ tơ 'bok soi tơm anăn sư Hilkia, wă kơ sư jô̆ jên mă đe hlôi chĕp ba bơih tơ lăm hnam akŭm Kră Yang, noh jên mă lu bơngai wei 'măng Hnam akŭm hlôi iŏk bơih đơ̆ng kon pơlei

II Pot 23:4

Na pơtao tơtă kơ Hilkia 'bok soi tơm, wơh lu 'bok soi nai păng wơh lu bơngai wei 'măng Hnam akŭm, athei lu sư chĕp ba đĭ dôm lu tơmam đơ̆ng Hnam Kră Yang lu tơmam mă đe pơm wă soi sơmah kơ yang Baal yang Asêra păng đĭ-đăng tơmam kơkuh kơ yang kơpal anê̆ rơwơ̆ng, sư athei đe soh lê̆ dôm tơmam 'noh tơ jih Pơlei Jêrusalem, lăm thŭng Kidrôn, đơ̆ng noh chĕp ba rơnok tơnuh sư tơ Pơlei Bethel.

II Pot 25:18

Yŏng linh rôp 'bok soi tơm anăn sư Sêraja, 'bok soi kơiĕng anăn sư Sôphôni păng pêng 'nu bơngai gak 'măng hnam akŭm.

I Ho 15:18

hơdai hăm lu sư kư̆m đei lu 'nhŏng oh sư lăm khŭl mă 'bar, Sachari, Jaasiêl, Sêmiramôt, Jêhiêl, Unni, Êliap, Bênaia, Maasêia, Matithia, Êliphêlêhu, Miknêia, Ôbêt Eđôm păng Jêiêl, mă bơngai gak 'măng jang.

I Ho 15:24

Sêbania, Jôsaphat, Nêthanêl, Amasai, Sachari, Bênaia, păng Êliêser, lu 'bok soi, hlôm keng 'bơ̆t anăp Hom Pơgơ̆p Kră Yang 'Bok Kei-Dei. Ôbêt Eđôm păng Jêhiia gak 'măng 'bơ̆t anăp hom pơgơ̆p.

Horiso 84:10

Minh năr lăm cham hnam akŭm Ih gĭt hloh kơ minh-rơbâu năr tơ anih nai. Lê̆ inh jing bơngai wei 'măng dur lăm hnam Ih, Hloh kơ oei lăm hnam lu bơngai pơm kơnê̆.

Je 35:4

Inh chông ba lu sư năm tơ hnam Kră Yang mơ̆t lăm anih lu kon drŏ-nglo Hanan kon drŏ-nglo Idalia, bơngai Kră Yang 'Bok Kei-Dei. Anih noh jê̆ anih lu yŏng păng anih kơpal kơ Maaseia kon drŏ-nglo Salum, bơngai gak 'măng.

Je 52:24

Yŏng linh gak pơtao rôp Sêraia 'bok soi tơm, Sephania 'bok soi mă 'bar păng pêng 'nu yŏng wei 'măng jang hnam kơ Kră Yang.

Markôs 12:41

Yêsu oei jê̆ kơthŭng tah jên pơyơ̆r lăm hnam akŭm 'Bok Kei-Dei tơm. Sư lăng đe tah jên lăm noh. Đei lơ bơngai mơdrŏng tah jên lơ.

Luka 21:1

Yêsu hue lăng lu bơngai mơdrŏng pơyơ̆r tah jên lơ tơpă lăm kơthŭng tơ hnam akŭm 'Bok Kei-Dei tơm.