II Pot 12:7 - Sơ̆p Hlabơar Nơ̆r 'Bok Kei-Dei

⁷ Na Jôas krao hloi 'bok soi Jêhôiada păng lu 'bok soi nai, na jet: “Liơ iĕm ưh kơ chă hơmet ming Hnam akŭm dơ̆ng? Đơ̆ng âu tơ anăp, 'nĕ pă chă iŏk jên đơ̆ng lu bơngai mă pơyơ̆r 'noh dơ̆ng, mă-lei athei lê̆ jên noh wă hơmet ming Hnam akŭm.”

II Pot 12:7 ပူးပေါင်းရင်းမြစ်များ

II Pot 11:4

Sơnăm mă tơpơh, 'bok soi Jêhôiada athei bơngai krao lu 'bok tih mă pơgơ̆r minh-hrĕng 'nu linh gah khŭl linh Karit păng lu linh mă kiơ̆ wei pơtao noh năm tơ sư lăm hnam akŭm kơkuh kơ Kră Yang. Sư pơma pơkă pơgơ̆p hăm lu đe ei păng athei lu đe ei pơkă hăm sư tơ lăm hnam akŭm kơkuh kơ Kră Yang; na sư tơhlâu tơ'bôh ăn kơ lu đe ei kon tơdăm pơtao.

II Pot 12:2

Jôas pơm 'lơ̆ng 'bơ̆t anăp Kră Yang đĭ chăl arih yua kơ 'bok soi Jêhôiada bơtho sư.

II Pot 12:6

Mă-lei truh sơnăm mă 'bar-jĭt pêng, chăl Jôas pơgơ̆r, lu 'bok soi ưh kơ hơmet ming Hnam kư̆m dơ̆ng.

II Pot 12:8

Lu 'bok soi drơ̆ng ưh pă ra jên đơ̆ng kon pơlei bơih păng lu sư kư̆m drơ̆ng ưh pă drơ̆ng pŭ iŏk tơdrong jang wă hơmet ming Hnam akŭm bơih.

I Ho 21:3

Mă-lei Jôap khan: “Apinh Kră Yang pơthim kon pơlei pơla Sư minh-hrĕng wơ̆t lơ hloh! Ơ yŏng pơtao inh, ưh kơ trŏ đĭ-đăng lu sư jing kon pơlei ih hă? Yua kơ kiơ ih wă pơm tơdrong âu? Ih wă kơ bơngai Isơrael pơm yoch hă?”

II Ho 23:1

Lăm sơnăm mă tơpơh, Jêhôiada iung đei jơhngơ̆m nuih pran, pơgơ̆p hơdai hăm lu yŏng pơgơ̆r minh-hrĕng 'nu linh, noh Asaria kon drŏ-nglo Jêrôham, Ismael kon drŏ-nglo Jêhôhanan, Asaria kon drŏ-nglo Ôbet, Maaseia kon drŏ-nglo Ađaia păng Êlisaphat kon drŏ-nglo Sikri.

II Ho 24:16

Đe 'bŭ sư hơdai hăm lu pơtao lăm Pơlei Đawit, yua kơ sư jang 'lơ̆ng tơgŭm lu bơngai Isơrael, bơ̆jang kơ Kră Yang 'Bok Kei-Dei păng đei pơdơ̆ng hơmet ming hnam akŭm Tơm Sư.

Hagai 1:2

Kră Yang Tih Hloh đei khan thoi âu: “Kon pơlei đei khan; ‘jơ 'năr tam mă truh wă khan jơ 'năr wă pơjing đơ̆ng hnam Kră Yang.’ ”