II Pot 12:6 - Sơ̆p Hlabơar Nơ̆r 'Bok Kei-Dei

⁶ Mă-lei truh sơnăm mă 'bar-jĭt pêng, chăl Jôas pơgơ̆r, lu 'bok soi ưh kơ hơmet ming Hnam kư̆m dơ̆ng.

II Pot 12:6 ပူးပေါင်းရင်းမြစ်များ

II Pot 12:5

apinh lu 'bok soi, athei chă iŏk jên noh đơ̆ng lu bơngai mă pơyơ̆r, đơ̆ng noh yua jên ei hơmet ming hnam akŭm 'bơ̆t yơ mă pơchah tơphĕ.”

II Pot 12:7

Na Jôas krao hloi 'bok soi Jêhôiada păng lu 'bok soi nai, na jet: “Liơ iĕm ưh kơ chă hơmet ming Hnam akŭm dơ̆ng? Đơ̆ng âu tơ anăp, 'nĕ pă chă iŏk jên đơ̆ng lu bơngai mă pơyơ̆r 'noh dơ̆ng, mă-lei athei lê̆ jên noh wă hơmet ming Hnam akŭm.”

II Ho 24:5

Sư krao akŭm lu 'bok soi păng lu bơngai Lêwi, na khan: “Năm tơ jơ̆p-jang kơ pơlei Juđa bĕ, ra pơpôi jên kăk đơ̆ng lu bơngai Isơrael 'măn rim sơnăm wă hơmet ming Hnam Kră Yang 'Bok Kei-Dei lu iĕm; pơm bĕ tơdrong 'nâu mă kuăng.” Mă-lei lu bơngai Lêwi pơhiơ̆ dêh.

II Ho 29:34

Mă-lei lu 'bok soi lu sư tŏ sĕt dêh ưh kơ kĕ kơ tam lŏng đĭ akar kon sem tơmam soi 'buh ôh; na đei lu 'nhŏng oh sư bơngai Lêwi hơmet akâu lu sư rơgoh kư̆m wang tơgŭm tơdrong jang noh dĭng truh keh, yua kơ lu bơngai Lêwi đĭ jơhngơ̆m pơyơ̆r akâu lu Sư hloh kơ lu 'bok soi.

Malachi 1:10

“Hơpơi rŏ kơ đei minh 'nu lăm lu iĕm tang 'măng, wă kơ lu iĕm huay tơ̆k ŭnh tơdrong kơđei tơ kơpal gơ'bang soi Inh,” Kră Yang Tih Hloh khan thoi noh. “Inh ưh kơ đei jơhngơ̆m hiôk lăp đon kơ lu iĕm păng Inh ưh kơ wă đei iŏk minh tơmam soi pơyơ̆r kiơ đơ̆ng ti lu iĕm.

Philip 2:21

Bơngai nai jang tơchĕng kơ akâu sư kơdih đĕch, ưh kơ tơchĕng kơ tơdrong Yêsu Krist tơpă ôh.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.