II Pot 12:5 - Sơ̆p Hlabơar Nơ̆r 'Bok Kei-Dei

⁵ apinh lu 'bok soi, athei chă iŏk jên noh đơ̆ng lu bơngai mă pơyơ̆r, đơ̆ng noh yua jên ei hơmet ming hnam akŭm 'bơ̆t yơ mă pơchah tơphĕ.”

II Pot 12:5 ပူးပေါင်းရင်းမြစ်များ

I Pot 11:27

'Nâu tơdrong yua kơ kiơ mă sư iung blah pơtao: Sôlômôn man tơiung dur găn păng hơmet ming dur mă hlôh pơchah lăm pơlei Đawit 'bă sư.

II Pot 12:12

apah lu thơ̆ man păng thơ̆ teh tơmo, lăm tơdrong jang hơmet Hnam akŭm kơkuh kơ Kră Yang ngăl. Lu sư yua dơ̆ng jên ei răt 'long păng tơmo mă đe traih bơih wă hơmet ming Hnam akŭm kơkuh kơ Kră Yang păng yua jên răt tôm tơmam wă jang hơmet 'nei.

II Pot 12:4

Jôas khan kơ lu 'bok soi: “Dôm jên tơmam 'lơ̆ng rơgoh đe juăt kơ ba 'măn tơ Hnam Akŭm kơkuh kơ Kră Yang, mă jên thuê̆ đêl hơgăt kơ rim kơ̆l kon bơngai mă jên đơ̆ng rim 'nu đei pơyơ̆r lăm năr akŭm kiơ̆ kơ jơhngơ̆m hiôk,

II Pot 12:6

Mă-lei truh sơnăm mă 'bar-jĭt pêng, chăl Jôas pơgơ̆r, lu 'bok soi ưh kơ hơmet ming Hnam kư̆m dơ̆ng.

II Pot 22:4

“Năm bĕ tơ 'bok soi tơm anăn sư Hilkia, wă kơ sư jô̆ jên mă đe hlôi chĕp ba bơih tơ lăm hnam akŭm Kră Yang, noh jên mă lu bơngai wei 'măng Hnam akŭm hlôi iŏk bơih đơ̆ng kon pơlei

I Ho 29:6

Thoi noh lu bơngai pơgơ̆r lăm adrĕch adrung, lu bơngai pơgơ̆r lăm adrĕch adrung Isơrael, lu yŏng pơgơ̆r minh-rơbâu linh păng minh-hrĕng linh, lu bơngai pơgơ̆r lăm tơdrong jang hnam pơtao lăp đon kơ pơyơ̆r.

I Ho 29:9

Kon pơlei chơt hiôk gah tơdrong lu sư kơdih akâu đei pơyơ̆r, lu sư đĭ jơhngơ̆m pơyơ̆r kơ Kră Yang; păng pơtao Đawit kư̆m chơt hiôk dêh.

II Ho 24:5

Sư krao akŭm lu 'bok soi păng lu bơngai Lêwi, na khan: “Năm tơ jơ̆p-jang kơ pơlei Juđa bĕ, ra pơpôi jên kăk đơ̆ng lu bơngai Isơrael 'măn rim sơnăm wă hơmet ming Hnam Kră Yang 'Bok Kei-Dei lu iĕm; pơm bĕ tơdrong 'nâu mă kuăng.” Mă-lei lu bơngai Lêwi pơhiơ̆ dêh.

II Ho 24:7

Đơ̆ng lu kon drŏ-nglo Athalia yă pơm kơnê̆ dêh noh, teh 'măng mơ̆t tơtông lăm hnam Kră Yang 'Bok Kei-Dei lu sư kư̆m iŏk đĭ tơmam rơgoh đơ̆ng Hnam Kră Yang pơyơ̆r ăn kơ yang Baal.

Le 30:13

Bơngai ayơ đei anăn lăm sơ̆p hla bơar athei ăn jên minh puăt seikơlb kiơ̆ kơ seikơl anih rơgoh, trăp sư dang 'bar-jĭt gera thoi noh, minh puăt seikơl noh jing tơmam pơyơ̆r ăn kơ Kră Yang.

Êsai 58:12

Lu adrĕch adrung ih gô tơiung hơmet dơ̆ng anih sơ̆ đĭ pơchah tơphĕ. Iĕm gô hơmet dơ̆ng lu hơnă so đơ̆ng lơ kơ jơhnơr adrol sơ̆. Đe gô jô̆ pôk iĕm bơngai hơmet ming dur pơlei mă đĭ păk pơchah hơmet ming trong pơlei ăn kơ lu kon pơlei oei.

Lêwi 27:2

Roi bĕ kơ kon pơlei Isơrael: Tơdah đei bu mă pơkăm pơkă wă pơyơ̆r kơ Kră Yang athei ăn jên kiơ̆ kơ tơdrong gĭt bơngai.

Jo 18:15

Dôm lu kon kơdră mă kon bơngai dah kon sem dơrong đơ̆ng bơngai Isơrael đei pơyơ̆r ăn kơ Kră Yang, noh jing gah ih ngăl; mă-lei ih athei huai iŏk kon kơdră kon bơngai; kư̆m athei huai iŏk dôm kon sem dơrong mă ưh kơ 'lơ̆ng rơgoh tuh adrol.