II Pot 12:4 - Sơ̆p Hlabơar Nơ̆r 'Bok Kei-Dei

⁴ Jôas khan kơ lu 'bok soi: “Dôm jên tơmam 'lơ̆ng rơgoh đe juăt kơ ba 'măn tơ Hnam Akŭm kơkuh kơ Kră Yang, mă jên thuê̆ đêl hơgăt kơ rim kơ̆l kon bơngai mă jên đơ̆ng rim 'nu đei pơyơ̆r lăm năr akŭm kiơ̆ kơ jơhngơ̆m hiôk,

II Pot 12:4 ပူးပေါင်းရင်းမြစ်များ

I Pot 3:2

Lu kon pơlei oei pơyơ̆r tơmam soi tơ anih groi kơjung 'mơ̆i, yua kơ kơplah noh pơtao tam mă pơm hnam akŭm kơkuh kơ anăn Kră Yang.

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

I Pot 7:1

Sôlômôn pơm hnam pơtao sư keh đang lăm mơjĭt-pêng sơnăm.

II Pot 12:18

Jôas, pơtao đe Juđa, iŏk đĭ dôm tơmam 'lơ̆ng rơgoh lu 'bok kơdră sư sơ̆ 'bok Jêhôsaphat, Jêhôram, păng Ahasia, lu sư noh pơtao đe Juđa, tơmam noh lu sư hlôi 'măn lê̆ 'lơ̆ng rơgoh, Jôas kư̆m iŏk tơmam 'lơ̆ng rơgoh sư kơdih păng iŏk đĭ maih lăm hnam mong tơmam lăm hnam akŭm kơkuh kơ Kră Yang păng đơ̆ng hnam pơtao, na pơyơ̆r ăn kơ Hasael pơtao đe Aram, yua kơ tơdrong noh, na Hasael chu weh đơ̆ng Pơlei Jêrusalem.

II Pot 12:5

apinh lu 'bok soi, athei chă iŏk jên noh đơ̆ng lu bơngai mă pơyơ̆r, đơ̆ng noh yua jên ei hơmet ming hnam akŭm 'bơ̆t yơ mă pơchah tơphĕ.”

II Pot 14:4

Mă-lei, sư ưh kơ teng hŭt lê̆ hnam kơkuh kơ yang tơ anih kơjung, kon pơlei oei nŏng kơ soi sơmah păng soh 'long 'bâu phu 'bơ̆t hnam kơkuh kơ yang tơ anih kơjung ei đĕch.

II Pot 15:4

Mă-lei sư ưh kơ yuih lê̆ hnam kơkuh kơ rup yang, tơ anih kơjung, na kon pơlei oei soi sơmah păng soh 'long 'bâu phu tơ hnam kơkuh noh đĕch.

II Pot 16:4

Sư kư̆m soi sơmah păng soh 'long 'bâu phu tơ lu anih kơkuh kơ yang đe pơm tơ kơpal groi păng ala tơnơm 'long kơdrơ̆ng.

II Pot 17:11

Tơ noh lu sư soh pơyơ̆r tơmam soi kơpal kông, thoi lu adrĕch adrung mă Kră Yang đei puh tơweh boih đơ̆ng lu sư; lu sư pơm kơnê̆ păng tơblĕk Kră Yang.

II Pot 22:4

“Năm bĕ tơ 'bok soi tơm anăn sư Hilkia, wă kơ sư jô̆ jên mă đe hlôi chĕp ba bơih tơ lăm hnam akŭm Kră Yang, noh jên mă lu bơngai wei 'măng Hnam akŭm hlôi iŏk bơih đơ̆ng kon pơlei

I Ho 18:11

Pơtao Đawit pơyơ̆r lu tơmam noh kơ Kră Yang hơdai hăm hu, maih mă sư đei blah iŏk đơ̆ng char Eđôm, char Môap char Ammôn, char Philistin, hăm char Amalek.

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

II Ho 15:18

Sư tah tơmam rơgoh lăm hnam Kră Yang tơmam noh đơ̆ng 'bă sư păng tơmam đơ̆ng sư kơdih mă đei klah 'măn lê̆ pha 'lơ̆ng rơgoh, maih, hu păng dôm pơnhan kơchŏk.

II Ho 31:12

Đei jơhngơ̆m tơpăt ba pơyơ̆r lu tơmam noh, gah tơmam minh lăm mơjĭt păng tơmam rơgoh tah tơmơ̆t. Kônania bơngai wei-lăng tơm hnam anih tah tơmam noh; oh sư Simei pơm kơiĕng sư, bre sư bơngai Lêwi.

II Ho 35:2

pơtao sư jao ăn tơdrong jang kơ rim 'nu 'bok soi, pơlung lu sư kơ tơdrong jang lăm Hnam Kră Yang.

Esơra 1:6

Lu kon pơlei oei lăm tơring ei lu sư tơgŭm tơmam ngăl, ăn kơ lu sư tơmam păng hu păng maih, mŭk tơmam, sem dơrong păng dôm lu tơmam gĭt, ưh kơ jô̆ lu tơmam mă đe đei pơyơ̆r nai.

Esơra 2:69

Kiơ̆ kơ kĕ đei lu sư kơdih pơyơ̆r 'măn tơ lăm hnam mong tơmam wă pơm hnam akŭm đei tơdrâu-jĭt mônh rơbâu đariêka maih pơđăm-rơbâu minab hu păng minh-hrĕng blah hơbĕn ao 'bok soi.

Esơra 7:16

Hăm lu hu maih mă lu kon pơlei Isơrael păng lu 'bok soi oei lăm tơring dêh Babilôn, lu sư đei pơyơ̆r kơ hnam akŭm kơkuh kơ Kră Yang 'Bok Kei-Dei lu sư tơ pơlei Jêrusalem.

Le 35:22

Thoi noh mă lu drŏ-nglo mă lu drŏ-kăn năm mơ̆n, đĭ-đăng bơngai bu bu đei jơhngơ̆m 'maih wă chĕp ba le đon, tơkhiĕn, kong 'bot, hăm dôm lu tơmam pơhrôp păng maih, đĭ-đăng lu sư pơyơ̆r maih kơ Kră Yang.

Le 35:29

Đĭ-đăng lu drŏ-nglo drŏ-kăn lăm kon pơlei pơla Isơrael. Đei jơhngơ̆m pơdrŭt wă tơgŭm tơdrong jang Kră Yang pơkă kơ Môis noh, lu sư chĕp ba tơmam pơyơ̆r kơ Kră Yang kiơ̆ thoi lu sư wă kơdih.

Le 35:5

Iŏk bĕ tơmam đơ̆ng lăm hnam lu iĕm na pơyơ̆r kơ Kră Yang, bu đei jơhngơ̆m hơmrah, sư athei pơyơ̆r kơ Kră Yang maih, hu, kong;

Le 36:3

Lu sư iŏk đơ̆ng Môis dôm tơmam pơyơ̆r đơ̆ng kon pơlei pơla Isơrael ba ăn wă yua pơm Bơsŭn Anih Akŭm rơgoh 'lơ̆ng. Rim pơgê đei bơngai năm ba tơ Môis tơmam pơyơ̆r kiơ̆ thoi tơdrong kăl yua.

Lêwi 27:31

Tơdah bu wă huai pơdrâu iŏk tơmam kiơ đơ̆ng minh lăm mơjĭt tơmam sư, athei ăn thim minh lăm pơđăm kơ tơmam noh.

Luka 21:4

kơlih kơ lu bôl nai pơyơ̆r tơmam rơkah sư đĕch; yă adro âu dơnuh tơpă, mă-lei sư pơyơ̆r đĭ hloi jên sa sư.”