II Pot 12:21 - Sơ̆p Hlabơar Nơ̆r 'Bok Kei-Dei

²¹ Jôsaka, kon drŏ-nglo Simêat păng Jêhôsabat, kon drŏ-nglo Sômer, bre sư noh đĭch đam Jôas, bre sư pơlôch Jôas. Đe 'bŭ sư hơdai hăm lu 'bok kơdră sư tơ Pơlei Đawit; đơ̆ng noh Amasia, kon drŏ-nglo sư pơtrơp pơgơ̆r tơplih sư.

II Pot 12:21 ပူးပေါင်းရင်းမြစ်များ

II Sam 5:9

Đawit oei lăm kơđông anăn kơđông pơlei Đawit. Sư man dur puăn pah đơ̆ng groi Milô năm tơ gah lăm.

I Pot 15:27

Baasa kon drŏ-nglo Ahija adrĕch hnam Isakar chă đon wă pơm kơnê̆ kơ sư, lăm kơplah Nađap păng lu bơngai Isơrael wang blah iŏk pơlei Gibêthôn, pơlei lu bơngai Philistin. Na Baasa pơlôch sư.

II Pot 10:9

Pơgê đơ̆ng rŏng, sư lĕch, dơ̆ng 'bơ̆t anăp đĭ-đăng kon pơlei, na khan: “Lu iĕm ưh kơ 'bơm, ưh kơ pơm yoch ôh. Inh 'nâu bơngai mă pơm plơ̆ kơ yŏng tơ'ngla ĭnh păng pơlôch sư, mă-lei bĭ lu bơngai 'nâu, bu pơlôch lu sư?

II Pot 13:1

Sơnăm mă 'bar-jĭt pêng, chăl Jôas, kon drŏ-nglo Ahasia, pơtao đe Juđa pơgơ̆r, na Jêhôahas, kon drŏ-nglo Jêhu, tŏk pơm pơtao đe Isơrael tơ Pơlei Samari. Sư pơgơ̆r mơjĭt-tơpơh sơnăm.

II Pot 14:1

Lăm sơnăm mă 'bar, chăl Jêhôas, kon drŏ-nglo Jêhôahas, pơtao đe Isơrael pơgơ̆r, na Amasia, kon drŏ-nglo Jôas pơtao đe Juđa, tŏk pơm pơtao.

II Pot 14:19

Tơ Pơlei Jêrusalem đei bơngai chă đon wă blah pơtao Amasia. Na sư kơdâu ôn tơ Lakis. Mă-lei đe athei bơngai druh 'moi rôp sư tơ Lakis păng pơlôch sư tơ noh.

II Pot 14:5

Lăp dêh char sư pơgơ̆r pran kơjăp bơih, na sư pơlôch lu đĭch đam mă hlôi pơlôch 'bă sư sơ̆.

II Pot 15:10

Sallum, kon drŏ-nglo Jabes, chă đon blơ̆ sư, pơlôch sư 'bơ̆t anăp kon pơlei, đơ̆ng noh tŏk pơm pơtao tơplih sư.

II Pot 9:14

Thoi noh Jêhu kon drŏ-nglo Jêhôsaphat, sâu Nimsi, sư chă đon wă blah pơtao Jôram. Kơplah noh Jôram păng đĭ-đăng linh Isơrael oei wă găn blah pơtao Hasael pơtao đe Aram tơ Pơlei Ramôt Galaat.

II Pot 9:27

Lăp Ahasia pơtao đe Juđa 'bôh tơdrong noh na kơdâu ôn tơklă Pơlei Bet Hagan. Mă-lei, Jêhu druh 'moi sư păng khan: “Kŭm khŏm prah pơlôch sư mơ̆n.” Na lu sư răp găn prah pơtao Ahasia 'bơ̆t trong kuĕl tơklă pơlei Gur jê̆ Iblêam. Đơ̆ng noh Ahasia kơdâu tơ Pơlei Mêgiđô păng sư lôch hloi tơ noh.

II Ho 24:25

Wă lu linh Siri weh tơ nai boih, lê̆ Jôas đei rơka jrŭ dêh. Lu Yŏng bơ̆jang kơ sư pơđâu wă pơm kơnê̆ kơ sư, wă tơiung kơting pơm 'mong pham kơ kon drŏ-nglo Jêhôiada 'bok soi, na đe pơlôch hloi Jôas 'bơ̆t kơpal giơng tep sư; đe 'bŭ sư tơ lăm Pơlei Đawit, mă-lei ưh kơ 'bŭ hơdai lu pơtao.