II Pot 12:19 - Sơ̆p Hlabơar Nơ̆r 'Bok Kei-Dei

¹⁹ Dôm lu tơdrong hơ'mon gah Jôas, tơdrong hơ'mon nai dơ̆ng păng dôm lu tơdrong jang đêl sư pơm, đei chih đĭ bơih lăm sơ̆p hla bơar hơ'mon gah lu pơtao đe Juđa.

II Pot 12:19 ပူးပေါင်းရင်းမြစ်များ

I Pot 11:41

Dôm tơdrong jang nai Sôlômôn pơm, đĭ-đăng tơdrong kiơ pơtao Sôlômôn pơm păng tơdrong gơh hơgei pơtao đe đei chih răk bơih lăm sơ̆p hla bơar hơ'mon Sôlômôn?

I Pot 14:19

Dôm tơdrong jang nai mă Jêrôbôam đei pơm, tơdrong sư tơblah păng tơdrong sư pơgơ̆r, đei chih bơih lăm sơ̆p hla bơar hơ'mon lu pơtao Isơrael.

I Pot 14:29

Pôm lu tơdrong jang mă Rôbôam đei pơm păng dôm tơdrong jang nai mă sư pơm bơih, đe đei chih răk lê̆ bơih lăm sơ̆p hla bơar hơ'mon kơ lu pơtao Juđa.

I Pot 15:18

Kơplah noh, Asa iŏk đĭ hu, maih đơ̆ng lăm Hnam Kră Yang păng đơ̆ng hnam pơtao, pơjao ăn kơ đĭch đam sư păng wơh lu sư năm tơ Ben Hadat kon drŏ-nglo Tabrimmôn, sâu Hêsiôn, pơtao Siri, oei pơgơ̆r tơ pơlei Đamas păng khan:

II Pot 12:18

Jôas, pơtao đe Juđa, iŏk đĭ dôm tơmam 'lơ̆ng rơgoh lu 'bok kơdră sư sơ̆ 'bok Jêhôsaphat, Jêhôram, păng Ahasia, lu sư noh pơtao đe Juđa, tơmam noh lu sư hlôi 'măn lê̆ 'lơ̆ng rơgoh, Jôas kư̆m iŏk tơmam 'lơ̆ng rơgoh sư kơdih păng iŏk đĭ maih lăm hnam mong tơmam lăm hnam akŭm kơkuh kơ Kră Yang păng đơ̆ng hnam pơtao, na pơyơ̆r ăn kơ Hasael pơtao đe Aram, yua kơ tơdrong noh, na Hasael chu weh đơ̆ng Pơlei Jêrusalem.

II Pot 12:20

Lu đĭch đam Jôas iung blơ̆ lê̆ sư, pơlôch sư tơ Bet Milô, 'bơ̆t trong jur tơ Pơlei Sila.

II Pot 16:8

Ahas kư̆m iŏk hu, maih đơ̆ng lăm Hnam akŭm kơkuh kơ Kră Yang păng đơ̆ng lăm hnam mong tơmam lăm hnam pơtao, chĕp ba tơmam noh ăn kơ pơtao đe Asiri.

II Pot 18:15

Hesekia ăn kơ sư dôm lu jên hu đơ̆ng lăm hnam akŭm kơkuh kơ Kră Yang păng đơ̆ng lăm hnam mong tơmam anih pơtao.

II Pot 18:16

Kơplah noh, Hesekia plôh iŏk maih đơ̆ng lom lu 'măng, păng plôh iŏk maih đơ̆ng 'long dơ̆ng 'măng hnam akŭm kơkuh kơ Kră Yang, mă đêl kơdih sư 'mơ̆i lom 'măng noh ăn pơđĭ kơ pơtao đe Asiri.

II Pot 8:23

Lu tơdrong hơ'mon gah Jêhôram, hơ'mon tôm tơdrong đêl sư pơm đe đei chih lăm sơ̆p hla bơar hơ'mon gah lu pơtao.