II Pot 12:18 - Sơ̆p Hlabơar Nơ̆r 'Bok Kei-Dei

¹⁸ Jôas, pơtao đe Juđa, iŏk đĭ dôm tơmam 'lơ̆ng rơgoh lu 'bok kơdră sư sơ̆ 'bok Jêhôsaphat, Jêhôram, păng Ahasia, lu sư noh pơtao đe Juđa, tơmam noh lu sư hlôi 'măn lê̆ 'lơ̆ng rơgoh, Jôas kư̆m iŏk tơmam 'lơ̆ng rơgoh sư kơdih păng iŏk đĭ maih lăm hnam mong tơmam lăm hnam akŭm kơkuh kơ Kră Yang păng đơ̆ng hnam pơtao, na pơyơ̆r ăn kơ Hasael pơtao đe Aram, yua kơ tơdrong noh, na Hasael chu weh đơ̆ng Pơlei Jêrusalem.

II Pot 12:18 ပူးပေါင်းရင်းမြစ်များ

I Pot 14:26

Pơtao noh blah iŏk đĭ tơmam yua đơ̆ng lăm hnam Kră Yang păng đơ̆ng lăm hnam pơtao. Sư kư̆m chĕp ba pơđĭ lu khêl mă Sôlômôn pơm păng maih 'noh.

I Pot 15:18

Kơplah noh, Asa iŏk đĭ hu, maih đơ̆ng lăm Hnam Kră Yang păng đơ̆ng hnam pơtao, pơjao ăn kơ đĭch đam sư păng wơh lu sư năm tơ Ben Hadat kon drŏ-nglo Tabrimmôn, sâu Hêsiôn, pơtao Siri, oei pơgơ̆r tơ pơlei Đamas păng khan:

II Pot 12:19

Dôm lu tơdrong hơ'mon gah Jôas, tơdrong hơ'mon nai dơ̆ng păng dôm lu tơdrong jang đêl sư pơm, đei chih đĭ bơih lăm sơ̆p hla bơar hơ'mon gah lu pơtao đe Juđa.

II Pot 12:4

Jôas khan kơ lu 'bok soi: “Dôm jên tơmam 'lơ̆ng rơgoh đe juăt kơ ba 'măn tơ Hnam Akŭm kơkuh kơ Kră Yang, mă jên thuê̆ đêl hơgăt kơ rim kơ̆l kon bơngai mă jên đơ̆ng rim 'nu đei pơyơ̆r lăm năr akŭm kiơ̆ kơ jơhngơ̆m hiôk,

II Pot 14:14

Sư iŏk lu maih, hu, pơnhan păng dôm tơmam yua lăm Hnam akŭm kơkuh kơ Kră Yang păng dôm lu tơmam gĭt lăm hnam pơtao; sư kư̆m rôp pơgơ̆t lê̆ bơngai đơ̆ng lăm ei pơm bơnă, đơ̆ng noh weh brŏk tơ Pơlei Samari.

II Pot 16:8

Ahas kư̆m iŏk hu, maih đơ̆ng lăm Hnam akŭm kơkuh kơ Kră Yang păng đơ̆ng lăm hnam mong tơmam lăm hnam pơtao, chĕp ba tơmam noh ăn kơ pơtao đe Asiri.

II Pot 8:12

Hasael jet: “Ơ yŏng tơ'ngla ĭnh, yua kơ kiơ ih nhơ̆m?” Êlisê tơl: “Yua kơ ĭnh băt ih gô pơm kơnê̆ pơrăm lu bơngai Isơrael, ih gô soh chhông lu pơlei tih kơjăp noh, pơlôch lu bơngai drŏ-nglo oei hơmuh hơmŏng pơlôch hăm đao, juă pơhlơ̆r lu hơ'lơ̆p iĕ, păng roch klak lu bơngai drŏ-kăn oei anăp.”

II Ho 16:2

Asa iŏk hu maih đơ̆ng lăm hnam mong tơmam hnam Kră Yang păng đơ̆ng lăm hnam mong tơmam pơtao, gơih ăn kơ Ben Hadat, pơtao Siri, oei lăm pơlei Đamas păng khan:

II Ho 24:17

Đơ̆ng rŏng kơ Jêhôiada lôch boih, lu yŏng pơgơ̆r bơngai Juđa năm kơkuh pơtơm pơtao. Na pơtao lui kiơ̆ nơ̆r lu sư pơhlŭ.

Jôel 3:5

yua kơ lu iĕm đei iŏk boih hu păng maih Inh, chĕp ba boih dôm tơmam gĭt đơ̆ng Inh na tah tơ lăm hnam yang lu iĕm.