II Pot 12:16 - Sơ̆p Hlabơar Nơ̆r 'Bok Kei-Dei

¹⁶ Jên gah tơmam soi huai iŏk tơdrong glăi, păng jên gah tơmam soi huai iŏk tơdrong yoch, đe ưh kơ chĕp tah tơmơ̆t lăm hnam akŭm kơkuh kơ Kră Yang; jên ei 'măn kơ 'bok soi.

II Pot 12:16 ပူးပေါင်းရင်းမြစ်များ

Ne 13:13

Inh pôk ăn Sêlêmia, pơm 'bok soi, Sađôk bơngai chih hla bơar păng Pêđaia minh 'nu lăm lu bơngai Lêwi, wei-lăng hnam mong; gah bơngai tơgŭm đei Hanan kon drŏ-nglo Sakur, sâu Matania, pơm kơiĕng; yua kơ đe jô̆ lu bơngai tơnăp; păng tơdrong jang lu sư klah asong tơmam kơ lu 'nhŏng oh lu sư.

Hôsia 4:8

Lu sư 'me rong lu sư kơdih hăm tơdrong yoch kon pơlei Inh, lu sư hưch ham kơ tơmam sa đơ̆ng tơdrong kơnê̆ kon pơlei Inh pơm.

Lêwi 4:24

Na dan ti sư tơ kơ̆l bơbe tơno noh, đơ̆ng noh pơlôch hloi 'bơ̆t anăp Kră Yang, pơm tơmam soi 'buh wă huai tơdrong yoch.

Lêwi 4:29

Sư athei dan ti sư tơ kơ̆l sem dơrong pơm tơmam soi noh, klaih kơ noh pơlôch hloi tơ anih đe juăt kơ pơyơ̆r tơmam soi 'buh.

Lêwi 7:7

Tơmam soi huai iŏk đơ̆ng pơm glăi kơ tơdrong juăt kư̆m thoi tơmam soi huai iŏk đơ̆ng pơm yoch, đei tơdrong juăt kơ lu sư 'bok soi gô soi sơmah wă sut tơdrong yoch păng 'bok soi yua sư.

Jo 18:19

Inh pơkă 'nâu ling-lang ăn kơ ih, lu kon drŏ-nglo lu kon drŏ-kăn ih, đĭ-đăng tơmam pơyơ̆r 'lơ̆ng rơgoh mă bơngai Isơrael đei pơyơ̆r kơ Kră Yang; noh tơdrong pơgơ̆p pơkă 'bohb pơm ling-lang, ưh kơ gơh hiơt ôh, 'bơ̆t anăp Kră Yang ăn kơ ih păng adrĕch adrung ih.