II Pot 12:10 - Sơ̆p Hlabơar Nơ̆r 'Bok Kei-Dei

¹⁰ Lăp 'bôh jên lăm hom ei lơ bơih, bơngai mă chih hla bơar lăm anih pơtao păng 'bok soi tơm năm iŏk, tơlĕch jên mă đei lăm hnam akŭm kơkuh kơ Kră Yang na jô̆ păng tah chô̆ hơmet lê̆ lăm 'bi.

II Pot 12:10 ပူးပေါင်းရင်းမြစ်များ

II Sam 20:25

Sêwa pơm bơngai chih hla bơar; Sađŏk păng Abiathar pơm 'bok soi.

II Sam 8:17

Sadok kon tơdăm, Ahitup păng Ahimelek kon tơdăm Abiathar pơm 'bok soi; păng Sêraia pơm 'bok yŏng chih hla bơar.

II Pot 12:11

Đơ̆ng noh, bre sư jao jên mă đêl jô̆ bơih noh 'bơ̆t ti lu bơngai jang wei-lăng hiơ̆k bơngơ̆t gah tơdrong jang wă hơmet ming Hnam akŭm kơkuh kơ Kră Yang. Lu bơngai ei apah lu bơngai thơ̆ traih 'long păng thơ̆ man, thơ̆ teh tơmo,

II Pot 19:2

Đơ̆ng noh sư wơh Êliakim bơngai wei hnam akŭm, Sepna bơngai chih hla bơar păng lu 'bok soi tih, hrŭk ao 'bi năm tơ Êsai bơngai khan lê̆ adrol sư kon drŏ-nglo Amôt.

II Pot 22:12

Đơ̆ng noh pơtao athei 'bok soi Hilkia păng Ahikam kon drŏ-nglo Saphan Akbôr kon drŏ-nglo Mikaia, Saphan bơngai chih hla bơar hăm Asaia đĭch đam sư, pơtao khan:

II Pot 23:4

Na pơtao tơtă kơ Hilkia 'bok soi tơm, wơh lu 'bok soi nai păng wơh lu bơngai wei 'măng Hnam akŭm, athei lu sư chĕp ba đĭ dôm lu tơmam đơ̆ng Hnam Kră Yang lu tơmam mă đe pơm wă soi sơmah kơ yang Baal yang Asêra păng đĭ-đăng tơmam kơkuh kơ yang kơpal anê̆ rơwơ̆ng, sư athei đe soh lê̆ dôm tơmam 'noh tơ jih Pơlei Jêrusalem, lăm thŭng Kidrôn, đơ̆ng noh chĕp ba rơnok tơnuh sư tơ Pơlei Bethel.

II Pot 5:23

Naaman khan: “He bĕ, iŏk 'bar talâng hu 'nâu,” sư pơlŭt athei Gêhasi iŏk 'bar hlak jên hu, păng 'bar blah ao tah lăm 'bar tŏ kơdŭng 'bi ăn kơ bre đam sư athei ăn kơ Gêhasi.

I Ho 9:19

Sallum, kon drŏ-nglo Kôrê, sâu Êbiasap, sâu i Kôra păng lu 'nhŏng oh pôm yă 'bok lu sư lu kon pơlei bơngai Kôrê, wei-lăng bơ̆jang, gak 'măng hnam Anih akŭm; sơ̆ 'bok lu sư kư̆m wei gak 'măng bơsŭn anih akŭm Kră Yang.

II Ho 24:11

Rim wơ̆t lu bơngai Lêwi tung tơmơ̆t hom, na năm ba ăn kơ lu bơngai yŏng bơ̆jang kơ pơtao, lu Sư 'bôh jên 'bĕnh, bơngai chih hla bơar lăm hnam pơtao păng lu bơngai bơ̆jang kơ 'bok soi tơm năm tuh jên đơ̆ng lăm hom noh, đơ̆ng noh năm dan 'măn lê̆ 'bơ̆t anih đêl dơ̆ng. Rim năr lu sư pơm thoi noh, na đei ra pơpôi jên lơ tơpă.

Esơra 3:7

Lu sư asong ăn jên kơ lu bơngai gơh blah tơmo man păng lu bơngai gơh jang 'long păng ăn lu tơmam sa, đak nhă păng đak rơmă ăn kơ kon pơlei Siđôn păng kon pơlei Tirơ wă wơh lu sư chă 'long hơngo đơ̆ng Liban dui trong đak dơsĭ truh tơ Jôpa, đơ̆ng chơ truh tơ pơlei Jêrusalem kiơ̆ kơ Sirus pơtao đe Phersia đei tơjur athei.