II Pot 11:2 - Sơ̆p Hlabơar Nơ̆r 'Bok Kei-Dei

² Mă-lei Jêhôseba kon drŏ-kăn pơtao Jêhôram, sư noh mŏ Ahasia, rôp tơtông Jôas, kon drŏ-nglo Ahasia đơ̆ng lăm lu kon tơdăm pơtao mă yă Athalia wă pơlôch, đơ̆ng noh ôn lê̆ sư lăm anih tep, oei hăm yă mă rong sư păng ôn lê̆ sư wă kơ Athalia chă ưh kơ 'bôh; yua kơ thoi noh na đe huay kơ đei pơlôch sư.

II Pot 11:2 ပူးပေါင်းရင်းမြစ်များ

I Pot 11:17

Mă-lei, Hađat hơdai hăm lu bơngai Eđôm đĭch đam 'bă sư kơdâu klĕnh tơ char Êyiptơ kơplah 'noh Hađat oei 'lơ̆p.

I Pot 6:10

Sư kư̆m pơm lu anih rok tơnăr Hnam akŭm rim anih kơjung 'bar hlok minh puăt lu anih noh klep kơ Hnam akŭm hăm tơpung 'long hơngo.

I Pot 6:8

'Măng mơ̆t tơ anih ala gah cheng Hnam akŭm gah gơal, đe yua kung dăr kơdŭt hơbâu jur tŏk tơ anih tăl tŏk-bŏk, na gơh tŏk tơ tăl mă pêng.

II Pot 11:21

Jôas, sư 'nao tơpơh sơnăm kơplah sư tŏk pơm pơtao.

II Pot 11:3

Sư oei hăm Jehôseba, ôn tơ hnam Kră Yang lăm tơdrâu sơnăm kơplah Athalia pơgơ̆r dêh char Juđa.

II Pot 12:1

Sơnăm mă tơpơh, chăl Jêhu pơgơ̆r, Jôas tŏk pơm pơtao păng pơgơ̆r puăn-jĭt sơnăm lăm Pơlei Jêrusalem. Mĕ sư yă Sibia, Pơlei Bêrsêba.

II Pot 8:16

Lăm sơnăm mă pơđăm, chăl Jôram, kon drŏ-nglo Ahap, pơgơ̆r dêh Isơrael, na Jêhôram kon drŏ-nglo Jêhôsaphat pơgơ̆r dêh Juđa.

II Pot 8:19

Mă-lei, Kră Yang mơnat yua kơ Đawit đĭch đam sư, na sư ưh kơ wă pơlôch pơrăm lê̆ adrĕch adrung Juđa ôh, yua kơ Sư pơkă wă 'măn minh pôm ŭnh kơđeng ăn kơ Đawit păng adrĕch adrung sư ling-lang khŏm khŏm.

I Ho 3:11

kon drŏ-nglo Jêhôsaphat noh Jêhôram, kon drŏ-nglo Jêhôram noh Ahasia, kon drŏ-nglo Ahasia noh Jôas;

II Ho 22:11

Mă-lei Jêhôseba, kon adruh pơtao Jêhôram, rôp ôn lê̆ Jôas, kon drŏ-nglo Ahasia đơ̆ng tŏk-bŏk lu kon drŏ-nglo pơtao mă đe wă pơlôch đĭ na ôn lê̆ sư lăm anih tep hơdai hăm drŏ-kăn rong sư. Thoi noh Jêhôseba, kon drŏ-kăn pơtao Jêhôram, akăn 'bok soi Jêhôiada yua kơ sư oh drŏ-kăn Ahasia, ôn lê̆ Jôas đơ̆ng Athalia, lei na Athalia ưh kơ gơh pơlôch;

Le 8:3

Tơ đak krong Nil gô 'bĕnh kơ kit, lu kit gô mơmŏ mơ̆t lăm hnam pơtao tơ anih bơ̆jang, anih tep păng tŏk kơpal giơng ih, mơ̆t hloi lăm hnam đĭch đam păng kon pơlei ih, lăm anih gŏ, lăm kơthŭng ih jrâu tơpŭng pơm 'bĕng.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Êsai 37:35

Inh gô dŏng tơgŭm pơlei tih âu păng dŏng pơklaih sư, yua kơ Inh khan boih păng yua kơ Inh pơkă boih hăm Đawit đĭch đam Inh.

Je 33:17

Yua kơ Kră Yang khan: “Adrĕch Đawit ưh kơ đei khăi ôh bơngai drŏ-nglo pơtrơp oei tơ tang-dŏ pơtao adrĕch Isơrael.

Je 33:21

lei na gơh pơrăm nơ̆r pơgơ̆p Inh hăm Đawit, đĭch đam Inh, wă khan sư ưh pă đei kon sâu drŏ-nglo wă pơm pơtao pơgơ̆r dơ̆ng păng pơrăm nơ̆r pơgơ̆p Inh hăm lu 'Bok soi, bơngai Lêwi, lu bơngai jang kơ Inh kư̆m lei-lăi.

Je 33:26

Lei Inh gô achăng lê̆ adrĕch adrung Jakôp păng Đawit, đĭch đam Inh, na Inh ưh kơ đei rơih bu lăm kon sâu drŏ-nglo sư wă pơgơ̆r kon sâu Abraham, Isăk păng Jakôp. Tơpă Inh gô ăn kơ lu sư đei pŭn hiôk jơnap păng Inh gô 'mêm mơnat kơ lu sư.”

Je 35:2

“Năm bĕ tơ lu adrĕch bơngai Rêkap, khan kơ lu sư; chông ba lu sư năm tơ hnam Kră Yang mơ̆t tơ lăm minh anih păng ăn kơ lu sư huch sik.

Je 36:26

Pơtao rai wơh Jêrahmêel kon drŏ-nglo pơtao, Sêraia kon drŏ-nglo Asriel păng Sêlemia kon drŏ-nglo Apđeel năm wă rôp chô̆ Baruk 'bok chih hla bơar păng Jêrêmi bơngai khan lê̆ adrol. Mă-lei Kră Yang ôn lê̆ bre sư.

Êsêkiên 40:45

Sư khan kơ inh: “Anih mă tơklă gơal âu 'măn lê̆ kơ lu 'bok soi mă wei-lăng hnam akŭm.

Lu 9:5

Na Sư brŏk tơ hnam 'bă sư tơ pơlei Ôphra pơlôch 'nhŏng oh sư kơdih lu kon drŏ-nglo Jêrup Baal, tơpơh-jĭt 'nu tơ kơpal tơmo. Lăp oei pă minh 'nu Jôtham, kon drŏ-nglo adruch Jêrup Baal oei arih, yua kơ oh sư noh kơdâu ôn.