II Pot 11:17 - Sơ̆p Hlabơar Nơ̆r 'Bok Kei-Dei

¹⁷ Jêhôiada pơjing tơdrong pơgơ̆p pơkă hơlam Kră Yang hăm pơtao păng kon pơlei wă kơ lu sư jing kon pơlei Kră Yang. Sư kư̆m pơjing tơdrong pơgơ̆p pơtao hăm kon pơlei mơ̆n.

II Pot 11:17 ပူးပေါင်းရင်းမြစ်များ

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

II Pot 11:4

Sơnăm mă tơpơh, 'bok soi Jêhôiada athei bơngai krao lu 'bok tih mă pơgơ̆r minh-hrĕng 'nu linh gah khŭl linh Karit păng lu linh mă kiơ̆ wei pơtao noh năm tơ sư lăm hnam akŭm kơkuh kơ Kră Yang. Sư pơma pơkă pơgơ̆p hăm lu đe ei păng athei lu đe ei pơkă hăm sư tơ lăm hnam akŭm kơkuh kơ Kră Yang; na sư tơhlâu tơ'bôh ăn kơ lu đe ei kon tơdăm pơtao.

II Pot 23:3

Pơtao dơ̆ng tơ anăp 'bơ̆t anih kơjung pơgơ̆p pơkă dơ̆ng 'bơ̆t anăp Kră Yang, wă năm kiơ̆ Kră Yang, đĭ jơhngơ̆m tơdrong tơchĕng wei răk dôm tơdrong Kră Yang tơtă, dôm khôi juăt Sư, păng pơm pơkeh nơ̆r Kră Yang pơgơ̆p pơkă mă đe đei chih lăm sơ̆p hla bơar 'nâu. Đĭ-đăng kon pơlei, bu bu kư̆m drơ̆ng lăp đon kơ nơ̆r pơgơ̆p pơkă noh ngăl.

I Ho 11:3

Kơplah noh đĭ-đăng lu kră bơngai Isơrael năm tơ pơtao Đawit tơ Hêbrôn; na Đawit pơgơ̆p hloi hăm lu sư tơ Hêbrôn 'bơ̆t anăp Kră Yang; klaih kơ noh lu sư tuh đak rơmă 'bâu phu pôk Đawit pơm pơtao bơngai Isơrael thoi nơ̆r Kră Yang pơkă hăm Samuel.

II Ho 23:16

Jêhôiada pơgơ̆p hăm lu kon pơlei păng pơtao, wă kơ lu sư jing kon pơlei pơla Kră Yang.

II Ho 29:10

Dang ei jơhngơ̆m inh wă pơm tơdrong pơgơ̆p hăm Kră Yang 'Bok Kei-Dei Isơrael, wă kơ tơdrong hil mĭl Sư ngach.

II Ho 34:31

Pơtao dơ̆ng 'bơ̆t anih sư, pơm tơdrong pơgơ̆p dơ̆ng 'bơ̆t anăp Kră Yang, pơkă pơkăm kiơ̆ Kră Yang đĭ jơhngơ̆m klơm klak wei răk nơ̆r tơtă, tơdrong pơkă khan păng khôi juăt, wă pơm kiơ̆ trŏ thoi nơ̆r pơgơ̆p mă đei chih lăm sơ̆p hla bơar âu.

Esơra 10:3

Na dang ei, nhôn athei pơkăm pơkă hăm Kră Yang 'Bok Kei-Dei nhôn wă hrĕch achăng păng lê̆ đĭ lu drŏ-kăn noh păng đĭ-đăng lu kon hơ'lơ̆p lu sư, kiơ̆ ih păng lu bơngai băt hli yom pơm kiơ̆ khôi juăt Kră Yang 'Bok Kei-Dei bơtho khan; athei pơm kiơ̆ bĕ khôi juăt.

Ne 9:38

Mă đei thoi noh, lu nhôn pơm minh tơdrong pơkăm pơkă pơgơ̆p kơjăp sĭt, chih răk lăm sơ̆p hla bơar, lu kră pơgơ̆r, bơngai Lêwi păng 'bok soi lu nhôn gô chơ̆m tơdra pơsĭt.

Je 34:8

Kră Yang khan kơ Jêrêmi đơ̆ng rŏng kơ pơtao Sêđekia pơm nơ̆r pơgơ̆p hăm đĭ-đăng lu kon pơlei pơla tơ Jêrusalem, roi tơbăt ăn rơngei kơ lu đĭch.

II Kor 8:5

Nhôn ngêh kơ lu sư pơm 'blep kơ đon nhôn tơchĕng đĕch, lu sư pơm hloh kơ đon nhôn tơchĕng dơ̆ng; lu sư pơyơ̆r ăn akâu lu sư kơ Kră Yang wă tơgŭm nhôn hai, lu sư pơm thoi 'Bok Kei-Dei lăp đon dêh.

Jôsuê 24:25

Lăm năr noh Jôsuê tơ'blŏk ăn tơdrong pơgơ̆p kơ kon pơlei păng tơbăt ăn kơ lu sư khôi juăt păng nơ̆r tơtă tơ pơlei Sichem.

I Sam 10:25

Samuel bơtho tơ'bôh tơdrong juăt kơ pơtao 'bơ̆t anăp kon pơlei, chih tơ sơ̆p hla bơar dan 'bơ̆t anăp Kră Yang. Đơ̆ng noh, Samuel ăn kơ kon pơlei brŏk tơ hnam lu sư kơdih kơdih.