II Pot 10:31 - Sơ̆p Hlabơar Nơ̆r 'Bok Kei-Dei

³¹ Mă-lei Jêhu ưh kơchăng đĭ jơhngơ̆m pơm kiơ̆ tơdrong juăt Kră Yang 'Bok Kei-Dei Isơrael, sư ưh kơ weh achăng lê̆ đơ̆ng tơdrong yoch Jêrôbôam, bơngai mă pơhlŭ lu bơngai Isơrael pơm yoch.

II Pot 10:31 ပူးပေါင်းရင်းမြစ်များ

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

II Pot 10:29

Mă-lei, sư ưh kơ achăng lê̆ ôh tơdrong yoch Jêrôbôam, kon drŏ-nglo Nêbat noh bơih mă hlôi pơm kơ lu bơngai Isơrael pơm yoch. Noh kơkuh kơ rup yang rơmo đe pơm hăm maih tơ pơlei Bethel păng tơ Pơlei Đan.

II Pot 17:22

Đĭ-đăng lu bơngai Isơrael pơm kiơ̆ dôm tơdrong yoch mă Jêrôbôam hlôi pơm, lu sư ưh kơ weh đơ̆ng tơdrong yoch noh ôh,

II Pot 3:3

Mă khan lei ră, sư kư̆m hưch hanh kiơ̆ tơdrong yoch Jêrôbôam, kon drŏ-nglo Nêbat, noh jơ̆ yoch mă hlôi pơm ăn kơ lu bơngai Isơrael pơm yoch. Sư ưh kơ chu achăng lê̆.

II Ho 6:16

Dang ei, ơ Kră Yang 'Bok Kei-Dei Isơrael răk bĕ nơ̆r Ih đei pơkă boih hăm 'bă inh, Đawit đĭch đam Ih, thoi âu: “'Bơ̆t anăp Inh ưh kơ đei khăi ôh kơ bơngai pơtrơp pơm pơtao pơgơ̆r lu bơngai Isơrael tơdah kon sâu ih mă pơ'lơ̆ng trong lu sư yak, wei răk khôi juăt Inh, thoi ih đei pơm boih 'bơ̆t anăp Inh.”

Ne 10:29

Pơgơ̆p hơdai hăm 'nhŏng oh lu sư păng lu bơngai mơdrŏng, na hiap akâu kơdih pơkă yak kiơ̆ khôi juăt đơ̆ng Kră Yang 'Bok Kei-Dei yua 'bok Môis, đĭch đam sư ăn boih păng wă kơ wei răk pơm kiơ̆ dôm tơdrong tơtă đơ̆ng Kră Yang bơ̆n, tơjur lăm khôi juăt Sư.

Horiso 119:9

Bơngai oei hơmuh hơmŏng pơm liơ wă kơ trong sư 'lơ̆ng rơgoh? Athei arih pơm kiơ̆ nơ̆r Kră Yang.

Horiso 39:1

Inh khan: “Inh gô bơwei tơdrong arih sa inh, Wă kơ inh yua hơpiĕt inh, huay kơ pơma yoch, Kơplah lu bơngai kơnê̆ oei dơ̆ng 'bơ̆t anăp inh, Inh gô iŏk 'bông pơhơ̆p lê̆ 'bơ̆r inh.”

Horiso 78:10

Lu sư ưh kơ wei răk nơ̆r pơgơ̆p hăm Kră Yang 'Bok Kei-Dei, Hơngah ưh kơ chu arih kiơ̆ khôi juăt Sư.

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Êsêkiên 36:27

Inh gô ăn Yang Bơhngol Inh oei lăm lu iĕm, wă kơ lu iĕm pơm kiơ̆ khôi juăt inh, lu iĕm gô pơ'lơ̆ng pơm kiơ̆ lu nơ̆r Inh tơtă.

Da 9:10

Lu nhôn kuă kơ mơ̆ng nơ̆r Kră Yang 'Bok Kei-Dei lu nhôn, mă Sư wă kơ rok kiơ̆ trong khôi juăt Sư đei yua lu đĭch đam Sư wă khan lu bơngai khan lê̆ adrol khan 'bơ̆t anăp lu nhôn.

Both 4:15

Lu iĕm athei kơchăng bĕ kơdih, yua kơ lu iĕm ưh kơ đei 'bôh ôh akâu Kră Yang 'Bok Kei-Dei lu iĕm, đơ̆ng lăm tŏk-bŏk ŭnh lăm năr Sư pơma khan kơ lu iĕm tơ kông Hôrêp.

Both 4:23

Athei kơchăng bĕ kơdih akâu iĕm, 'nĕ kơ hiơt tơdrong pơgơ̆p đơ̆ng Kră Yang 'Bok Kei-Dei lu iĕm mă đei pơgơ̆p hăm lu iĕm păng 'nĕ kơ pơm rup yang, rup sem brem ayơ mă Kră Yang 'Bok Kei-Dei lu iĕm khă.

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Hêbrơ 12:15

Đĭ-đăng kơ iĕm athei kơchăng, wă kơ lơ̆m lu iĕm huay kơ đei bu achăng lê̆ tơdrong 'Bok Kei-Dei đêl pơm kơ iĕm lui kơjăp boih; wă kơ lơ̆m lu iĕm huay kơ đei bu pơhlŭ bôl iĕm kiơ̆ sư pơm yoch.

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.