II Pot 10:30 - Sơ̆p Hlabơar Nơ̆r 'Bok Kei-Dei

³⁰ Kră Yang khan kơ Jêhu: “Kơlih kơ ih pơm trŏ dêh, sek tơpăt 'bơ̆t anăp Inh păng pơm kơ adrĕch Ahap kiơ̆ thoi Inh wă, na kon drŏ-nglo ih gô hơ-oei 'bơ̆t tang-dŏ pơtao, pơgơ̆r lu bơngai Isơrael dĭng truh tơ puăn jơhnơr.

II Pot 10:30 ပူးပေါင်းရင်းမြစ်များ

I Pot 20:42

Bơngai khan lê̆ adrol 'noh khan kơ pơtao Isơrael: “Kiơ̆ thoi nơ̆r Kră Yang khan: ‘Yua kơ ih achăng bơngai mă Inh jao ăn kơ ih wă kơ ih pơlôch sư. Na tơdrong arih ih gô tơplih tơdrong arih sư, păng tơdrong arih lu kon pơlei ih gô tơplih tơdrong arih lu kon pơlei pơla sư.’ ”

I Pot 21:22

Inh gô ăn kơ adrĕch hnam ih đei tơdrong răm truh thoi adrĕch hnam Jêrôbôam, kon drŏ-nglo Nêbat păng thoi adrĕch hnam Baasa kon drŏ-nglo Ahija.’ Yua kơ ih pơm tơblĕk wă kơ inh hil păng pơhlŭ bơngai Isơrael pơm yoch.

I Pot 21:29

“Ih hăm 'bôh Ahap tơjur akâu iŏk đon ala 'bơ̆t anăp Inh ưh? Yua kơ sư tơjur akâu iŏk đon ala 'bơ̆t anăp Inh, na Inh ưh kơ ăn tơdrong pơmat truh, 'bơ̆t chăl sư 'nâu ôh; mă-lei lăm chăl kon drŏ-nglo sư Inh gô ăn tơdrong gleh truh kơ hnam sư.”

II Pot 10:35

Sư lôch thoi tep hiôk kiơ̆ lu yă 'bok sư, đe 'bŭ sư tơ Pơlei Samari; Jêhôahas, kon drŏ-nglo sư, pơm pơtao pơtrơp đơ̆ng sư.

II Pot 13:1

Sơnăm mă 'bar-jĭt pêng, chăl Jôas, kon drŏ-nglo Ahasia, pơtao đe Juđa pơgơ̆r, na Jêhôahas, kon drŏ-nglo Jêhu, tŏk pơm pơtao đe Isơrael tơ Pơlei Samari. Sư pơgơ̆r mơjĭt-tơpơh sơnăm.

II Pot 13:10

Lăm sơnăm mă pêng-jĭt tơpơh, chăl Jôas, pơtao đe Juđa, na Jêhôas kon drŏ-nglo Jêhôahas, tŏk pơm pơtao đe Isơrael tơ Plei Samari păng sư pơgơ̆r mơjĭt-tơdrâu sơnăm.

II Pot 14:23

Sơnăm mă mơjĭt-pơđăm, chăl Amasia kon drŏ-nglo Jôas, pơtao đe Juđa pơgơ̆r, Jêrôbôam kon drŏ-nglo Jêhôas tŏk pơm pơtao đe Isơrael tơ pơlei Samari. Sư pơgơ̆r puăn-jĭt mônh sơnăm.

II Pot 14:29

Jêrôbôam lôch thoi tep hiôk hăm lu 'bok kơdră sư sơ̆, noh lu pơtao Isơrael; đơ̆ng noh, Sachari kon drŏ-nglo sư tŏk pơm pơtao pơtrơp sư.

Hôsia 1:4

Na Kră Yang khan kơ sư: “Athei krao anăn sư Jêsreel, yua kơ ưh pă đunh dơ̆ng boih, Inh gô phak adrĕch Jêhu yua kơ pham lu bơngai sư pơlôch tơ Jêsreel păng Inh gô pơtôch lê̆ dêh char Isơrael.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.