II Pot 10:3 - Sơ̆p Hlabơar Nơ̆r 'Bok Kei-Dei

³ iĕm athei rơih iŏk lăm lu kon drŏ-nglo yŏng tơ'ngla iĕm, bơngai ayơ mă tơpăt tôm tơdrong gơh hơgei hloh, pôk sư oei 'bơ̆t tang-dŏ 'bă sư, đơ̆ng noh iung tơblah yua kơ adrĕch adrung yŏng tơ'ngla iĕm.”

II Pot 10:3 ပူးပေါင်းရင်းမြစ်များ

II Pot 10:2

“Tơ anih lu iĕm đei lu kon drŏ-nglo yŏng tơ'ngla iĕm, đei lơ gre, đei aseh hai, đei khêl đao tơmam tơblah păng đei lơ pơlei tih kơjăp tăm. Thoi noh bơih, mưh iĕm đei iŏk kơthơ 'nâu,

II Pot 10:4

Mă-lei lu sư hli tơrơ dêh, păng khan: “'Nhŏ kơ 'bar 'nu pơtao ưh kơ kĕ dơ̆ng 'bơ̆t anăp sư, tơma nhôn khan tơblah sư kĕ liơ 'nei?”

Yo 18:36

Yêsu khan: “Tơdrong Inh pơm Pơtao ưh kơ sĭ thoi lu 'bok pơtao tơ ala teh âu ôh. Dah Inh pơm pơtao thoi lu sư, đei bơngai linh kiơ̆ Inh, tơblah păng lu bơngai Juđê 'noh wă kơ lu sư huay kơ rôp Inh. Tơdrong Inh pơm Pơtao ưh kơ sĭ đơ̆ng kon bơngai ăn kơ Inh pơm ôh.”

I Sam 10:24

Samuel khan kơ kon pơlei: Lu iĕm lăng 'nâu bơngai mă Kră Yang rơih iŏk? Lăm đĭ-đăng kon pơlei hoh-hoy ưh kơ đei bu dang sư ôh. Đĭ-đăng kon pơlei jreo păng ôr khan: Ăn kơ pơtao arih ling-lang!

I Sam 11:15

Đĭ-đăng kon pơlei wang năm tơ Gilgal; tơ ei, 'bơ̆t anăp Kră Yang lu sư pơk Sôl pơm pơtao. Tơ ei lu sư pơyơ̆r tơmam soi bơnê kơ Kră Yang. Đơ̆ng noh, Sôl păng đĭ-đăng kon pơlei Isơrael et sa chơt hiôk pă băt dang yơ.