II Pot 10:29 - Sơ̆p Hlabơar Nơ̆r 'Bok Kei-Dei

²⁹ Mă-lei, sư ưh kơ achăng lê̆ ôh tơdrong yoch Jêrôbôam, kon drŏ-nglo Nêbat noh bơih mă hlôi pơm kơ lu bơngai Isơrael pơm yoch. Noh kơkuh kơ rup yang rơmo đe pơm hăm maih tơ pơlei Bethel păng tơ Pơlei Đan.

II Pot 10:29 ပူးပေါင်းရင်းမြစ်များ

Bl 20:9

Đơ̆ng noh pơtao Abimêlek krao Abraham păng khan: “Ih pơm kiơ kơ inh thoi noh? Inh hăm đei pơm kiơ kơ ih ưh kơ hiôk mă ih đei pơm kơ inh păng đĭ lăm char inh đei yoch tih thoi noh? Ih pơm kơ inh mă đe ưh kơ biơh ôh kơ pơm.”

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

II Pot 10:28

Jêhu pơrăm yang Baal pơtôch lê̆ đơ̆ng lu bơngai Isơrael.

II Pot 10:31

Mă-lei Jêhu ưh kơchăng đĭ jơhngơ̆m pơm kiơ̆ tơdrong juăt Kră Yang 'Bok Kei-Dei Isơrael, sư ưh kơ weh achăng lê̆ đơ̆ng tơdrong yoch Jêrôbôam, bơngai mă pơhlŭ lu bơngai Isơrael pơm yoch.

II Pot 13:11

Sư kư̆m lei-lăi pơm kơnê̆ 'bơ̆t anăp Kră Yang, ưh kơ achăng lê̆ dôm tơdrong yoch Jêrôbôam, kon drŏ-nglo Nêbat hlôi pơm bơih kơ lu bơngai Isơrael pơm yoch, mă-lei sư oei nŏng kơ pơm kiơ̆ tơdrong yoch noh.

II Pot 13:2

Sư pơm tơdrong kơnê̆ 'bơ̆t anăp Kră Yang; sư pơm rok tơdrong yoch Jêrôbôam, kon drŏ-nglo Nêbat, noh tơdrong mă pơm kơ Isơrael pơm yoch; sư ưh kơ achăng lê̆ ôh tơdrong yoch noh.

II Pot 14:24

Sư pơm kơnê̆ 'bơ̆t anăp Kră Yang, sư ưh kơ achăng lê̆ ôh tơdrong yoch Jêrôbôam kon drŏ-nglo Nêbat pơm kơ Isơrael pơm yoch.

II Pot 15:18

Sư pơm kơnê̆ 'bơ̆t anăp Kră Yang; đĭ chăl arih sư, ưh kơ achăng lê̆ dôm lu tơdrong yoch Jêrôbôam, kon drŏ-nglo Nêbat noh jơ̆ tơdrong yoch mă pơm kơ lu bơngai Isơrael pơm yoch.

II Pot 15:24

Sư pơm kơnê̆ 'bơ̆t anăp Kră Yang, sư ưh kơ achăng lê̆ ôh tơdrong yoch Jêrôbôam kon drŏ-nglo Nêbat, noh tơdrong yoch mă pơm ăn kơ Isơrael pơm yoch.

II Pot 15:28

Sư pơm kơnê̆ 'bơ̆t anăp Kră Yang, sư ưh kơ achăng lê̆ tơdrong yoch Jêrôbôam, kon drŏ-nglo Nêbat, noh tơdrong yoch mă đei pơm kơ lu bơngai Isơrael pơm yoch.

II Pot 15:9

Sư pơm kơnê̆ 'bơ̆t anăp Kră Yang thoi lu 'bok kơdră sư hlôi pơm sơ̆ mơ̆n sư ưh kơ achăng lê̆ ôh tơdrong yoch Jêrôbôam, kon drŏ-nglo Nêbat noh jơ̆ tơdrong yoch pơm kơ lu bơngai Isơrael pơm yoch.

II Pot 17:22

Đĭ-đăng lu bơngai Isơrael pơm kiơ̆ dôm tơdrong yoch mă Jêrôbôam hlôi pơm, lu sư ưh kơ weh đơ̆ng tơdrong yoch noh ôh,

II Pot 3:3

Mă khan lei ră, sư kư̆m hưch hanh kiơ̆ tơdrong yoch Jêrôbôam, kon drŏ-nglo Nêbat, noh jơ̆ yoch mă hlôi pơm ăn kơ lu bơngai Isơrael pơm yoch. Sư ưh kơ chu achăng lê̆.

Le 32:21

Môis khan kơ Arôn: Kon pơlei đei pơm kiơ kơ ih na dĭng ih mah pơm ăn kơ kon pơlei pơla pơm yoch tih krưp thoi noh.

Le 32:4

Arôn iŏk tơmam lu noh đơ̆ng ti lu sư, sư hling maih noh, klaih kơ noh, sư tuh hling rup kon rơmo, na lu sư khan: Ơ bơngai Isơrael, 'nâu yang lu iĕm, tơ'ngla mă tơlĕch chông iĕm đơ̆ng char Êyiptơ.

Êsêkiên 23:8

Sư ưh kơ lê̆ tơdrong pơm pơyô kư̆ kă mă sư pơtơm lu bơngai Êyiptơ, đơ̆ng sư oei 'lơ̆p đe 'bĭch hơdai hăm sư boih, đe pơm pơhiah lê̆ hơdruh hơnĭl sư păng tuh tơdrong kơnê̆ 'mê̆ kơ sư.

Hôsia 10:5

Lu kon pơlei oei lăm char Kon pơlei Samari hli, yua kơ rup yang kon rơmo Bêt Awen hiong boih, kon pơlei ơh sơ'ngon yua rup yang noh, păng lu 'bok soi kư̆m nhơ̆m ơh 'mêm kơ rup kon rơmo 'lơ̆ng rŏ noh, yua kơ rup yang noh ưh pă đei boih.

Hôsia 13:2

Dang ei, lu sư pơm yoch rai dêh; lu sư yua hu, tuh hling pơm lơ rup yang kơ lu sư kơdih, pơm lu rup yang kiơ̆ kơ đon hơgei lu sư; đĭ-đăng ti lu sư thơ̆ hơgei! Đe đei roi trŏ kơ 'bơm lu sư khan: Pơm yang kơ rup kon rơmo păng chŭm rup kon rơmo noh!

I Sam 2:24

'Nĕ pă pơm thoi noh, ơ bre kon drŏ-nglo inh, ưh kơ 'lơ̆ng ôh tơdrong inh kơtơ̆ng lu kon pơlei Kră Yang roi pơdah rai să.