II Pot 10:26 - Sơ̆p Hlabơar Nơ̆r 'Bok Kei-Dei

²⁶ Lu sư yuih lê̆ gơ'bang soi đơ̆ng lăm hnam yang Baal; na soh lê̆.

II Pot 10:26 ပူးပေါင်းရင်းမြစ်များ

II Sam 5:21

Bơngai Philistin kơdâu achăng lê̆ lu rup yang lu sư kơtă doh; Đawit hăm lu bơngai kiơ̆ sư iŏk chĕp ba lu rup yang noh.

I Pot 14:23

Lu bơngai Juđa kư̆m dai pơm ăn kơ lu sư kơdih hnam kơkuh kơ lu rup yang tơ anih kơjung, pơm gơ̆ng soi păng tơmo, lu gơ̆ng rup yang Asêrim yang drŏ-kăn tơ anih groi kơjung tơ ala rim tơnơm 'long.

I Pot 15:13

Sư kư̆m plôh tơlĕch yă sư Maaka đơ̆ng pơm yă pơtao lăm hnam pơtao, yua kơ yă sư man gơ̆ng rup yang Asêra drŏ-kăn mă kơnê̆ krưp dêh. Asa kư̆m teh tơpăk lê̆ gơ̆ng pôm yang păng soh rŭk lê̆ tơ lăm thŭng Kidrôn.

I Pot 16:32

Sư pơm chơnang soi ăn kơ yang Baal lăm hnam yang Baal lăm Pơlei Samari.

II Pot 11:18

Đĭ-đăng kon pơlei lăm dêh char sư năm tơ anih hnam yang Baal, na yuih pơrăm lê̆ đĭ, teh pơchah lê̆ chơnang soi păng pôlôch lê̆ Mathan 'bok soi gah yang Baal 'bơ̆t anăp, Đơ̆ng noh Jêhôiada athei bơngai gak wei Hnam Akŭm kơkuh kơ Kră Yang.

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Pot 19:18

Klơ̆m lê̆ yang lu sư lăm ŭnh yua kơ ưh kơ trŏ kơ yang ôh, noh jơ̆ tơdrong jang đêl ti kon bơngai pơm hăm 'long, păng pơm hăm tơmo; yua kơ thoi noh na pơrăm đĭ bơih lu sư.

II Pot 23:12

Pơtao Jôsia kư̆m teng lê̆ lu chơnang soi mă lu pơtao đe Juđa pơm kơpal bơbŭng hnam kơjung, hnam pơtao Ahas; na gah lu chơnang soi mă Manase đei pơdơ̆ng 'bơ̆t 'bar tŏ cham hnam akŭm kơkuh kơ Kră Yang, sư tơlơ̆ păng teh pơchah lê̆, na chĕp ba săi lê̆ kơcheh sư lăm thŭng Kidrôn.

II Pot 23:4

Na pơtao tơtă kơ Hilkia 'bok soi tơm, wơh lu 'bok soi nai păng wơh lu bơngai wei 'măng Hnam akŭm, athei lu sư chĕp ba đĭ dôm lu tơmam đơ̆ng Hnam Kră Yang lu tơmam mă đe pơm wă soi sơmah kơ yang Baal yang Asêra păng đĭ-đăng tơmam kơkuh kơ yang kơpal anê̆ rơwơ̆ng, sư athei đe soh lê̆ dôm tơmam 'noh tơ jih Pơlei Jêrusalem, lăm thŭng Kidrôn, đơ̆ng noh chĕp ba rơnok tơnuh sư tơ Pơlei Bethel.

II Pot 23:6

Sư iŏk lê̆ rup yang Asêra đơ̆ng lăm Hnam akŭm kơkuh kơ Kră Yang, chĕp ba tơ jih Pơlei Jêrusalem, truh tơ thŭng Kidrôn, soh lê̆ tơ ei dĭng rơnok đĭ, đơ̆ng noh prôi rơnok ei kơpal bơsat kon pơlei.

II Pot 3:2

Sư pơm kơnê̆ 'bơ̆t anăp Kră Yang, mă-lei sư ưh kơ lei-lăi thoi mĕ 'bă sư sơ̆ ôh, yua kơ sư hŭt lê̆ rup yang Baal đơ̆ng 'bă sư man pơdơ̆ng sơ̆.

I Ho 14:12

Bơngai Philistin achăng hŭt lê̆ lu rup yang lu sư tơ anih 'noh; na Đawit athei soh pơđĭ lê̆ lăm ŭnh.

II Ho 34:7

Sư teh pơrăm lê̆ lu chơnang soi lu gơ̆ng rup yang Asêria, teh pơchah lê̆ lu gơ̆ng đe pơm yang jơ̆p kơ tơring char Isơrael, na sư wih brŏk tơ pơlei Jêrusalem.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.