II Pot 10:19 - Sơ̆p Hlabơar Nơ̆r 'Bok Kei-Dei

¹⁹ Dang ei na akŭm pơpôi ăn kơ ĭnh dôm lu bơngai khan lê̆ adrol yang Baal noh bĕ lu bơngai kơkuh kơ sư păng đĭ-đăng lu 'bok soi sư. Ưh kơ gơh krŭl minh 'nu bu ôh, yua kơ ĭnh wă pơyơ̆r minh pôm tơmam soi tih ăn kơ yang Baal. Dah bơngai bu ưh kơ truh sĭt bơngai noh ưh kơ arih ôh.” 'Noh Jêhu chă đon wă pơlôch pơtôch lê̆ lu bơngai bơ̆jang kơkuh kơ yang Baal.

II Pot 10:19 ပူးပေါင်းရင်းမြစ်များ

I Pot 18:19

Thoi noh ih athei bĕ đe năm krao akŭm đĭ-đăng lu bơngai Isơrael, tơ'bơ̆p inh tơ kông Karmel păng puăn-hrĕng pơđăm-jĭt 'nu lu bơngai khan lê̆ adrol gah yang Baal, păng puăn-hrĕng 'nu lu bơngai khan lê̆ adrol yang Asêra păng lu bơngai sŏng sa tơ gơ'bang Jêsebel.

I Pot 22:6

Thoi noh na pơtao đe Isơrael krao akŭm đei puăn-hrĕng 'nu lu 'bok khan lê̆ adrol, na jet lu sư: “Inh hăm gơh năm blah pơlei Ramôt Gileat ưh dah lê̆ đĕch?” Lu sư khan: “Gơh mơ̆n, năm blah bĕ, yua kơ Kră Yang gô jao pơlei 'noh lăm tơpang ti ih.”

II Pot 10:18

Jêhu pơpôi đĭ-đăng kon pơlei păng khan kơ lu sư: “Ahap kơkuh jang kơ yang gah Baal tŏ sĕt dêh: Inh Jêhu gô kơkuh jang ăn kơ yang Baal lơ hloh.”

II Pot 3:13

Êlisê khan kơ pơtao Isơrael: “Ih hăm inh đei tơdrong kiơ? Ih athei jet apinh bĕ bơngai khan lê̆ adrol mă mĕ 'bă ih yua sư noh:” Mă-lei pơtao Isơrael tơl: “Ưh ôh, yua kơ Kră Yang krao bơih pêng 'nu nhôn pơtao 'nâu wă jao lê̆ lăm ti lu bơngai Môap đĕch.”

Jop 13:7

Hăm trŏ đơ̆ng Kră Yang 'Bok Kei-Dei, Na iĕm pơ̆n pơma hơlĕnh? Hăm trŏ yua kơ Sư iĕm pơma pơdăr hă?

Tơdrông Pơđơk 29:5

Bơngai bu hơlĕnh pơhlom kơ rông 'bôt sư, Dăng hơnhuăl dăr kơ jơ̆ng sư kơdih.

II Kor 11:3

Inh hli kơ lu bơngai mă pơjăm inh pơhlŭ iĕm jing jrok trong ưh pă 'mêm kơ Yêsu Krist, thoi yă bơ̆n Ewơ lui kơ 'bih hơlĕnh pơdăr kơ sư sơ̆.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

I Tes 2:3

Nhôn bơtho iĕm ưh kơ sĭ bơtho tơdrong mă ưh kơ sĭt ôh. Nhôn bơtho tơdrong sĭt tơpă. Nhôn năm tơ iĕm nhôn ưh kơ pơm kư̆ kă ôh. Nhôn ưh kơ wă chă tơdrong hơlĕnh kơ iĕm ôh.