II Pot 10:18 - Sơ̆p Hlabơar Nơ̆r 'Bok Kei-Dei

¹⁸ Jêhu pơpôi đĭ-đăng kon pơlei păng khan kơ lu sư: “Ahap kơkuh jang kơ yang gah Baal tŏ sĕt dêh: Inh Jêhu gô kơkuh jang ăn kơ yang Baal lơ hloh.”

II Pot 10:18 ပူးပေါင်းရင်းမြစ်များ

I Pot 18:19

Thoi noh ih athei bĕ đe năm krao akŭm đĭ-đăng lu bơngai Isơrael, tơ'bơ̆p inh tơ kông Karmel păng puăn-hrĕng pơđăm-jĭt 'nu lu bơngai khan lê̆ adrol gah yang Baal, păng puăn-hrĕng 'nu lu bơngai khan lê̆ adrol yang Asêra păng lu bơngai sŏng sa tơ gơ'bang Jêsebel.

I Pot 18:22

Na Êli khan kơ lu kon pơlei pơla: “Inh, lăp minh 'nu inh đĕch bơngai khan lê̆ adrol mă Kră Yang yua mă oei oei, lu bơngai khan lê̆ adrol gah yang Baal đei puăn-hrĕng pơđăm-jĭt 'nu.

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 3:2

Sư pơm kơnê̆ 'bơ̆t anăp Kră Yang, mă-lei sư ưh kơ lei-lăi thoi mĕ 'bă sư sơ̆ ôh, yua kơ sư hŭt lê̆ rup yang Baal đơ̆ng 'bă sư man pơdơ̆ng sơ̆.

Jop 13:7

Hăm trŏ đơ̆ng Kră Yang 'Bok Kei-Dei, Na iĕm pơ̆n pơma hơlĕnh? Hăm trŏ yua kơ Sư iĕm pơma pơdăr hă?

Rom 3:8

Mă tơdrong pơm kơnê̆ kư̆m lei-lăi. Bơ̆n 'nĕ pă tơchĕng khan trŏ. Na đei lu bơngai mơ'nah khan inh Pôl bơtho đe thoi noh; mă tơpă inh ưh kơ bơtho đe thoi noh ôh. Bơngai bu jô̆ kơ inh bơtho đe thoi noh, bơngai noh 'Bok Kei-Dei phak sư tơpă ning-mônh.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.