II Pot 10:15 - Sơ̆p Hlabơar Nơ̆r 'Bok Kei-Dei

¹⁵ Lăp Jêhu yak weh đơ̆ng noh, sư tơ'bơ̆p Jêhônadap, kon drŏ-nglo Rêkap tŏk-bŏk oei năm sơng sư. Sư kơkuh kơ Jêhônadap păng khan: “Jơhngơ̆m ih hăm tơpăt tơpă hăm ĭnh, thoi ĭnh tơpăt tơpă hăm ih bơih?” Jêhônadap tơl: “Jơhngơ̆m ĭnh tơpăt tơpă hăm ih” Jêhu khan dơ̆ng: “Dah ih tơpăt tơpă lei, ih chro ti ih kơ ĭnh.” Na Jônađap chro ăn kơ sư ti. Jêhu rôp ti hơtŏk Jônadap hao gre aseh, hơdai hăm sư.

II Pot 10:15 ပူးပေါင်းရင်းမြစ်များ

Bl 31:55

La'ban iung đơ̆ng hrôih, chŭm lu kon drŏ-kăn, lu sâu sư păng sơkat khan thŭ đei pŭn hiôk kơ iĕm, đơ̆ng noh sư wih brŏk tơ hnam sư dơ̆ng.

Bl 47:10

Jakôp hơpơi sơkat ăn pŭn hiôk kơ Pharaôn minh wơ̆t dơ̆ng, na sư lĕch đơ̆ng noh.

Bl 47:7

Đơ̆ng noh Jôsep chông 'bă sư năm tơ'bơ̆p Pharaôn. Jakôp sơkat ăn wă kơ đei pŭn hiôk kơ Pharaôn.

I Pot 20:33

Lu bơngai 'noh mơ̆ng nơ̆r pơtao Ahap pơma 'noh 'lơ̆ng tơpă na lu sư lui hloi, khan: “Ben Hadat 'noh 'nhŏng oh ih tơpă.” Ahap khan dơ̆ng: “Lu iĕm năm iŏk sư tơ âu.” Na 'Ben Hadat năm tơ'bơ̆p Ahap. Pơtao Ahap pơtơm 'Ben Hadat hao gre aseh sư.

II Pot 10:13

sư tơ'bơ̆p hĭ lu 'nhŏng oh Ahasia pơtao đe Juđa, sư jet: “Lu iĕm bu?” Lu sư tơl: “Lu nhôn 'nhŏng oh Ahasia, nhôn wă jur năm ngôi tơ lu kon drŏ-nglo pơtao hăm lu kon drŏ-nglo mĕ pơtao.

II Pot 10:14

Na Jêhu athei lu đam sư: “Năm rôp lu sư, rôp arih.” Đe rôp lu sư, arih, đĭ-đăng puăn-jĭt 'bar 'nu; đơ̆ng noh pơlôch lu sư 'bơ̆t jê̆ đak sơlŭng, Pơlei Bet Êket bơsŭn bơngai wei triu. Sư pă đei rong arih hơya minh 'nu bu.

II Pot 9:21

Na Jôram khan: “Iŏk kơ ĭnh gre aseh bĕ;” Na đe iŏk gre aseh ăn kơ sư hao năm; Jôram pơtao đe Isơrael păng Ahasia pơtao đe Juđa, bre sư hao gre aseh sư kơdih kơdih năm sơng Jêhu na lu sư tơ'bơ̆p Jêhu 'bơ̆t teh mir Nabôt bơngai Pơlei Jêsreel.

I Ho 2:55

păng adrĕch adrung 'bok thây bơtho khôi juăt oei tơ pơlei Jabes noh bơngai Tirathit, Simeathit, păng Sukathit. 'Noh kon pơlei Kênit, đơ̆ng adrĕch Hammat, 'bă kơ adrĕch Rêkap.

Esơra 10:19

Lu sư pơkă wă hrĕch achăng lê̆ akăn lu sư kơdih păng pơyơ̆r minh pôm triu dăm pơm tơmam soi wă huai đơ̆ng yoch lu sư kơdih.

Ne 3:14

Malkija kon drŏ-nglo Rêkap pơgơ̆r tơring char Bêt Hakarem hơmet 'măng jang Râm; lu sư man, đei tơnang 'măng păng chơkăl.

Horiso 94:16

Bu gô iung blah lu bơngai pơm kơnê̆ Ăn kơ inh? Bu gô dŏng inh pơm kơ lu bơngai pơm kơnê̆?

Je 35:2

“Năm bĕ tơ lu adrĕch bơngai Rêkap, khan kơ lu sư; chông ba lu sư năm tơ hnam Kră Yang mơ̆t tơ lăm minh anih păng ăn kơ lu sư huch sik.

Êsêkiên 17:18

Ih hŭt lê̆ nơ̆r pơkă, pơrăm lê̆ tơdrong pơgơ̆p âu, ih đei pơm dôm tơdrong 'nâu lei na sư ưh kơ gơh klaih.

Jang 8:31

'Bok ei khan: “Lơliơ inh gơh hlôh, ưh kơ đei bu bơtho inh?” Sư apinh Philip tŏk gre sư oei jê̆ păng sư.

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.

Galati 4:12

Ơ lu 'nhŏng oh mă 'mêm, inh wă kơ lu iĕm thoi inh. Inh kư̆m lei-lăi thoi iĕm mơ̆n sơ̆. Inh ưh pă gơnang kơ tơdrong juăt kon bơngai, na lui hloi kơ Yêsu. Iĕm huay kơ pơm glăi hăm inh ôh sơ̆, mă-lei đei pơm glăi hăm Kră Yang boih.