II Pot 10:14 - Sơ̆p Hlabơar Nơ̆r 'Bok Kei-Dei

¹⁴ Na Jêhu athei lu đam sư: “Năm rôp lu sư, rôp arih.” Đe rôp lu sư, arih, đĭ-đăng puăn-jĭt 'bar 'nu; đơ̆ng noh pơlôch lu sư 'bơ̆t jê̆ đak sơlŭng, Pơlei Bet Êket bơsŭn bơngai wei triu. Sư pă đei rong arih hơya minh 'nu bu.

II Pot 10:14 ပူးပေါင်းရင်းမြစ်များ

I Pot 20:18

Sư khan: “Tơdah lu sư năm tơ âu apinh tơdrong hiôk-hian, lei iĕm athei rong arih; dah mă lu sư năm tơ âu wă tơblah iĕm kư̆m athei rôp arih mơ̆n.”

II Pot 10:12

Đơ̆ng noh, Jêhu iung năm tơ Pơlei Samari. Tơ rok trong, tơ Pơlei Bet Êket, bơsŭn bơngai wei triu,

II Pot 10:13

sư tơ'bơ̆p hĭ lu 'nhŏng oh Ahasia pơtao đe Juđa, sư jet: “Lu iĕm bu?” Lu sư tơl: “Lu nhôn 'nhŏng oh Ahasia, nhôn wă jur năm ngôi tơ lu kon drŏ-nglo pơtao hăm lu kon drŏ-nglo mĕ pơtao.

II Pot 10:15

Lăp Jêhu yak weh đơ̆ng noh, sư tơ'bơ̆p Jêhônadap, kon drŏ-nglo Rêkap tŏk-bŏk oei năm sơng sư. Sư kơkuh kơ Jêhônadap păng khan: “Jơhngơ̆m ih hăm tơpăt tơpă hăm ĭnh, thoi ĭnh tơpăt tơpă hăm ih bơih?” Jêhônadap tơl: “Jơhngơ̆m ĭnh tơpăt tơpă hăm ih” Jêhu khan dơ̆ng: “Dah ih tơpăt tơpă lei, ih chro ti ih kơ ĭnh.” Na Jônađap chro ăn kơ sư ti. Jêhu rôp ti hơtŏk Jônadap hao gre aseh, hơdai hăm sư.

II Pot 10:6

Jêhu chih kơthơ wơ̆t mă 'bar khan: “Dah iĕm mơ̆t gah ĭnh păng 'maih wă chu kiơ̆ mơ̆ng ĭnh athei, lei iĕm athei chơ̆ng kơ̆l lu kon drŏ-nglo yŏng tơ'ngla iĕm; đơ̆ng noh năr dơning, kư̆m kơplah jơ 'nâu mơ̆n, iĕm athei chĕp ba kơ̆l noh năm tơ ĭnh tơ Pơlei Jêsreel.” Thoi noh, lu kon drŏ-nglo pơtao, đĭ-đăng tơpơh-jĭt 'nu oei tơ lăm hnam lu bơngai yŏng mơng lăm pơlei tih ei ngăl, đe bơtho, 'me rong lu sư.

II Pot 11:1

Lăp yă Athalia, mĕ pơtao Ahasia 'bôh kon drŏ-nglo sư lôch bơih, sư iung blah hloi, pơlôch đĭ-đăng adrĕch pơtao.

II Pot 8:18

Sư năm kiơ̆ trong lu pơtao Isơrael, lei-lăi thoi pơtao Ahap pơm bơih yua kơ akăn sư 'noh kon pơtao Ahap. Sư pơm kơnê̆ 'bơ̆t anăp Kră Yang.

II Ho 22:10

Wă Athalia, mĕ Ahasia 'bôh kon drŏ-nglo sư đe pơlôch, na sư iung blah pơrăm adrĕch pơm pơtao Juđa.

II Ho 22:8

Kơplah Jêhu năm blah adrĕch Ahap, tơ'bơ̆p lu yŏng bơngai Juđa, păng lu kon drŏ-nglo lu 'nhŏng oh Ahasia, lu bơngai mă tơgŭm Ahasia, na sư pơlôch đĭ lu sư hloi.

Je 41:5

đei tơhngam-jĭt 'nu bơngai drŏ-nglo hơkôih sŏk kang hek hơbĕn ao, raih akâu lu sư kơdih hăm săng, lu sư năm đơ̆ng pơlei Sichem, Silô păng Samari, chĕp ba lu tơmam phe 'ba păng lu tơmam 'bâu phu wă năm pơyơ̆r tơ hnam Kră Yang.