II Pot 10:10 - Sơ̆p Hlabơar Nơ̆r 'Bok Kei-Dei

¹⁰ Lei na dang ei, bơ̆n athei băt lăm dôm nơ̆r Kră Yang đei khan bơih gah adrĕch Ahap, ưh kơ đei nơ̆r ayơ huŏng tơ teh; yua kơ Kră Yang pơkeh bơih nơ̆r sư pơkă mă sư yua 'bơ̆r Êli đĭch đam sư pơma.”

II Pot 10:10 ပူးပေါင်းရင်းမြစ်များ

I Pot 21:19

Ih khan kơ sư: “Kră Yang khan: Hăm trŏ kơ ih pơlôch tơ'ngla sư bơih păng tơgar iŏk mir sư?” Ih kư̆m khan kơ sư: Kră Yang khan: ‘Tơ anih mă kŏ liah bơih pham Nabôt, kŏ kư̆m gô liah pham ih.’ ”

I Pot 21:29

“Ih hăm 'bôh Ahap tơjur akâu iŏk đon ala 'bơ̆t anăp Inh ưh? Yua kơ sư tơjur akâu iŏk đon ala 'bơ̆t anăp Inh, na Inh ưh kơ ăn tơdrong pơmat truh, 'bơ̆t chăl sư 'nâu ôh; mă-lei lăm chăl kon drŏ-nglo sư Inh gô ăn tơdrong gleh truh kơ hnam sư.”

II Pot 10:17

Lăp sư mơ̆t lăm Pơlei Samari bơih, sư pơlôch pơđĭ lu bơngai lăm adrĕch Ahap lăm Pơlei Samari dĭng mah adrĕch 'nei goh hloi, thoi nơ̆r Kră Yang khan kơ Êli bơih.

II Pot 15:12

'Nâu bơih đei 'bôh 'blep thoi nơ̆r Kră Yang khan kơ Jêhu: “Adrĕch ih gô pơgơ̆r lu đe Isơrael dĭng truh kơ jơhnơr mă puăn.” Tơdrong 'nâu đei truh sĭt thoi noh.

II Pot 9:36

Lu sư wơ̆t roi ăn kơ Jêhu yŏng tơ'ngla sư. Na Jêhu khan: “'Noh bơih nơ̆r Kră Yang yua bơih 'bơ̆r Êli đĭch đam Sư bơngai Pơlei Tisbe, lăm mir chŭn Pơlei Jêsreel kŏ gô sa atâu Jêsebel.”

Esther 6:10

Pơtao khan kơ Haman, năm tĕnh tĕnh bĕ! Iŏk ao păng aseh thoi ih đei khan, na pơhrŭk ăn kơ Morđêkai, bơngai Juđa, mă oei ngôi 'bơ̆t 'măng jang hnam pơtao. Ih 'nĕ kơ hŭt minh tơdrong kiơ lăm dôm nơ̆r ih đei pơma noh.

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Markôs 13:31

Plĕnh teh gô hiong đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

I Sam 15:29

Hloh kơ noh Kră Yang arih ling-lang lu bơngai Isơrael ưh kơ pơma hơlĕnh, kư̆m ưh kơ tơplih nơ̆r; yua kơ ưh kơ trŏ kơ kon bơngai na mă tơplih nơ̆r!

I Sam 3:19

Samuel wơ̆ 'lŏ gơh hơgei, Kră Yang oei hơdai sư: Kră Yang ưh kơ đei lê̆ minh nơ̆r hơyơ đơ̆ng Sư mă đei pơma boih. Sư gô pơm keh.