II Pot 1:10 - Sơ̆p Hlabơar Nơ̆r 'Bok Kei-Dei

¹⁰ Mă-lei Êli tơl yŏng linh mă wei pơđăm-jĭt 'nu linh 'noh khan: “Dah inh bơngai Kră Yang 'Bok Kei-Dei yua, apinh ŭnh đơ̆ng plĕnh jruh sa lê̆ ih hăm pơđăm-jĭt 'nu linh ih 'noh.” Na ŭnh đơ̆ng plĕnh jruh sa lê̆ yŏng linh ei păng pơđăm-jĭt 'nu linh sư hloi.

II Pot 1:10 ပူးပေါင်းရင်းမြစ်များ

I Pot 22:28

Mikai tơl: “Tơdah ih brŏk hiôk-hian lei Kră Yang ưh kơ yua nơ̆r inh pơma ôh.” Sư khan dơ̆ng: “Ơ rim 'nu kon pơlei pơla, iĕm athei 'blŏk nơ̆r inh pơma.”

II Pot 1:11

Pơtao wơh dơ̆ng yŏng linh nai hăm pơđăm-jĭt 'nu linh plơ̆ng năm tơ Êli, yŏng linh 'nâu khan kơ Êli: “Ơ bơngai mă Kră Yang 'Bok Kei-Dei yua, pơtao khan kơ ih: ‘Jah jur mă tĕnh.’ ”

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Jop 1:16

Bơngai âu oei pơma, na blư kơ minh 'nu bơngai nai truh roi: “Glaih đơ̆ng Kră Yang 'Bok Kei-Dei kơpal plĕnh taih, ŭnh sa đĭ lu triu păng lu bơngai wei triu ih, lăp minh 'nu inh đĕch klaih năm roi ăn kơ ih.”

Horiso 105:15

Sư khan: “'Nĕ kơ hơtŭt 'bơm kơ lu bơngai mă inh đei tuh đak 'bâu phu, 'nĕ pơrăm lu bơngai khan lê̆ adrol Inh.”

Horiso 106:18

Đei ŭnh sa khŭl lu sư, pla ŭnh sa đĭ lu bơngai pơm kơnê̆.

Da 3:22

Đơ̆ng noh pơtao athei gơnhĕk dêh, mă ŭnh noh kư̆m tŏ hloh tơpă, na lu bơngai klơ̆m Sadrak, Mêsak, Abetnigo, noh ŭnh dơhlông sa lu sư kư̆m lôch đĭ.

Da 3:25

Pơtao khan dơ̆ng: 'Nâu inh 'bôh đei puăn 'nu bơngai ưh kơ đei chô̆, yak năm lăm ŭnh, mă-lei ŭnh ưh kơ sa; păng bơngai mă puăn noh hơbŏ thoi minh 'nu kon tơdăm yang.

Da 6:24

Kiơ̆ thoi pơtao đei athei, dôm lu bơngai đêl kêng Đaniel noh hăm lu kon akăn sư, athei đe klơ̆m lê̆ tơ lăm sơlŭng dăm-brang noh. Lu sư tam mă truh tơ kơđĕl sơlŭng ră mă-lei kơplah noh lu dăm-brang plŏng rôp hek hok kơting đĭ hloi.

Lêwi 10:2

Ŭnh đơ̆ng anăp Kră Yang soh chhông bre noh, na măr sư lôch hloi 'bơ̆t anăp Kră Yang.

Jo 11:1

Kon pơlei pơma jŏk, kơ tơdrong pơmat-tat anat anot. Kră Yang kơtơ̆ng tơdrong noh, Kră Yang hil mĭl, ŭnh đơ̆ng Kră Yang soh sa khơ̆ng lăm kon pơlei păng ŭnh sa đơ̆ng jih kơđông.

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

Mathiơ 21:41

Na đe khan: “Sư gô pơlôch đĭ lu bơngai pơm kơnê̆ noh, na ăn kơ bơngai nai jang dơ̆ng, na lu bơngai jang mơng đơ̆ng rŏng noh gô klah asong sư plei hơmu tơpă.”

Luka 9:54

Lăp bre Yakơ păng Yôhan bơngai pơhrăm păng Sư 'bôh thoi noh boih, bre sư khan kơ Yêsu: “Ơ 'Bok, Ih hăm wă kơ bơ̆n athei ŭnh jruh đơ̆ng plĕnh sa pơlei đe âu?”

Jang 12:19

Pơtao Hêrôt athei lu linh chă mă 'bôh, mă lu linh chă ưh kơ 'bôh ôh. Na pơtao Hêrôt rôp linh ei sek tơlang. Đơ̆ng noh đei nơ̆r pơtao Hêrôt athei tơduă linh bôl sư pơlôch mă linh gak ưh kơ 'lơ'lŏ ei. Klaih kơ noh pơtao Hêrôt năm đơ̆ng char Juđê tơ Pơlei Sêsarê. Tơ noh sư wă oei đunh 'biơ̆ mơ̆n.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

Tơdrông Tơ'bôh 11:5

Tơ̆ng bơngai bu wă pơrăm bre sư, bre sư tơlĕch ŭnh đơ̆ng 'bơ̆r bre sư, na ŭnh noh sa hloi bơngai mă wă pơrăm bre sư noh. Thoi noh tơ̆ng bu wă pơrăm bre sư, bơngai noh sư 'maih chă tơdrong lôch.