II Pet 3:16 - Sơ̆p Hlabơar Nơ̆r 'Bok Kei-Dei

¹⁶ Dôm kơthơ sư chih sư kư̆m pơma gah tơdrong noh mơ̆n. Dôm tơdrong sư bơtho trŏ tơpă, 'bơ̆t phŏ kư̆m anat kơ hlôh. Lu bơngai kơtul, hăm bơngai lui rơdu, sư tơblang chroih tơ nai hloi. Mă dôm nơ̆r pơma lăm hla bơar 'Bok Kei-Dei nai, lu sư kư̆m ưh kơ gơh tơblang. Lu sư pơm thoi noh wă pơrăm akâu kơdih đĕch.

II Pet 3:16 ပူးပေါင်းရင်းမြစ်များ

Bl 49:4

Kon nhen thoi đak poh-yă, na e pă đei tih hloh boih. Yua kơ kon tŏk tơ giơng 'bă, E tŏk kơpal giơng 'bă pơm mơgrĭ kơnê̆ noh!

I Pot 10:1

Wă yă pơtao dêh char Sêba kơtơ̆ng đe ư-ang kơ pơtao Sôlômôn đơ̆ng anăn Kră Yang, sư năm tơ noh wă pơlong lăng tơdrong hơgei Sôlômôn hăm tơdrong pơpơn tơnat.

Horiso 56:5

Rim năr lu sư chă pơma hơlĕnh kơ nơ̆r inh,c dôm đon lu sư tơchĕng wă pơrăm inh.

Le 23:2

Ih 'nĕ kơ grê kiơ̆ lu bơngai tơpôl lơ wă pơm tơdrong kơnê̆ ôh, tơdah ih wă dơ̆ng pơm kơdranh roi tơdrong kiơ, ih 'nĕ kơ druh kiơ̆ bơngai tơpôl wă 'bơ̆ lê̆ tơdrong tơpăt.

Le 23:6

Lăm tơdrong sek tơlang 'bơm bơngai dơnuh, ih 'nĕ kơ 'bơ̆ đŏng tơdrong tơpăt.

Je 23:36

Mă-lei lu iĕm 'nĕ pă pơma 'bơm kơ tơdrong trăp đơ̆ng Kră Yang dơ̆ng, yua kơ tơdrong pŭ trăp noh boih nơ̆r đơ̆ng 'bơ̆r rim 'nu pơma, păng lu iĕm đei pơm glăi boih kơ dôm nơ̆r Kră Yang 'Bok Kei-Dei mă arih ling-lang, Kră Yang Tih Hloh, 'Bok Kei-Dei lu bơ̆n.

Habakuk 1:4

Thoi noh khôi juăt pă đei yua boih păng tơdrong tơpăt ưh pă pơdah. Lu bơngai kơnê̆ wang tăp dăr kơ lu bơngai tơpăt, yua kơ thoi noh na tơdrong sek tơlang jing ưh kơ hơnơ̆ng.

Mathiơ 15:3

Yêsu khan kơ lu sư: “Bĭ lei iĕm tŭk kơ kiơ tơdrong juăt 'Bok Kei-Dei pơkă jing kiơ̆ tơdrong juăt iĕm kơdih?

Mathiơ 15:6

na iĕm khan bơngai noh huay pă kăl kơ 'me rong mĕ 'bă sư dơ̆ng. Iĕm pơjing tơdrong juăt kơdih bơtho đe thoi noh na iĕm jing tŭk tơdrong juăt 'Bok Kei-Dei boih.

Mathiơ 22:29

Yêsu khan kơ lu sư: “Iĕm ưh kơ hlôh tơdrong noh yua kơ iĕm ưh kơ pơwao sơ̆p hla bơar 'Bok Kei-Dei, na iĕm ưh kơ băt Sư gơh pơm tôm tơdrong.

Both 16:19

'Nĕ kơ pơm glăi kơ tơdrong tơpăt; 'nĕ kơ mơ̆t minh pah; 'nĕ kơ sa tơmam đe răt apah, yua kơ tơmam đe răt apah noh pơm ăn kơ lu bơngai rơngei măt tol păng gơwĕch lê̆ nơ̆r bơngai tơpăt.

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

Hêbrơ 5:11

Gah tơdrong 'bok 'noh inh 'maih roi tơblang kơ iĕm, mă inh gleh 'biơ̆ tơblang kơ iĕm, yua kơ iĕm ưh kơ gan hlôh.

I Pet 1:1

Inh Pêtrôs jơ̆ng 'bang Yêsu Krist chih hơpong kơ lu kon 'Bok Kei-Dei mă oei tơklah jơ̆p kơ dêh tơmoi: Tơ dêh Pôntơ, dêh Galati, dêh Kapadôs, dêh Asi păng dêh Bithini.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.

II Pet 2:1

Kơplah noh sơ̆ đei lu bơngai mơ'nah hơlĕnh pơdăr khan sư bơngai pơtruh nơ̆r 'Bok Kei-Dei. Na đei 'bok bơtho lu iĕm mơ'nah dang ei kư̆m lei-lăi, lu sư mơ̆t chur tơ tŏk-bŏk lu iĕm pơm chă bơtho pơjing kơdih khan tơdrong 'Bok Kei-Dei. Tơdrong lu sư chă bơtho noh wă pơrăm lu bơngai lui đĕch păng lu sư sơngah kơ Yŏng bơ̆n Yêsu Krist tơ'ngla mă huai iŏk lu sư tăm. Lu sư pơm thoi noh, 'Bok Kei-Dei Sư ưh kơ anat ôh, Sư gô phak hloi tơpă.

II Pet 2:14

Măt lu sư nŏng kơ chă lăng 'maih pơm tơdrong kư̆ kă. Tơdrong lu sư pơm kư̆ kă ưh kơ yĕng kơ hrăp, nŏng kơ chă pơlung lu bơngai lui rơdu kiơ̆ lu sư pơm yoch păng pơhlŭ pơlung đe, wă kơ đe ăn kơ sư jên dah tơmam. Lu sư ling-lang pơhrăm tơdrong 'noh; lu sư jing bơngai 'Bok Kei-Dei wă phak.

II Pet 3:14

Ơ 'nhŏng oh mă inh 'mêm kơeng, kơlih kơ thoi noh na kơplah bơ̆n oei chang gô năr noh, bơ̆n athei adrin pơm 'lơ̆ng ling-lang hŏ, wă kơ Sư 'bôh tơdrong iĕm adrin păng 'bôh tơdrong iĕm pơm 'lơ̆ng huay kơ đei tơdrong yoch, oei hiôk dih băl kư̆m dang oei hiôk hăm Sư mơ̆n.

II Pet 3:2

Inh wă kơ iĕm 'blŏk hơdơ̆r kơ dôm tơdrong lu bơngai pơtruh nơ̆r 'Bok Kei-Dei lu sư khan lê̆ hơdrol sơ̆. Păng inh wă kơ iĕm 'blŏk hơdơ̆r kơ tơdrong Yêsu Krist pơkă kơ lu jơ̆ng 'bang Sư na lu sư bơtho tơbăt kơ iĕm dơ̆ng, yua kơ Yêsu Krist boih Kră Yang bơ̆n kư̆m 'Bok Dŏng Pơklaih bơ̆n mơ̆n.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.