II Pet 3:11 - Sơ̆p Hlabơar Nơ̆r 'Bok Kei-Dei

¹¹ Bơ̆n băt boih đĭ dôm tơmam gô hiong răm thoi noh tơpă, na mă dôm tơdrong kiơ bơ̆n athei adrin pơm đon 'lơ̆ng tơpăt 'biơ̆

II Pet 3:11 ပူးပေါင်းရင်းမြစ်များ

Horiso 37:14

Lu bơngai kơnê̆ toh đao, Păng gŭt hră lu sư, Wă blah pơrăm lu bơngai pơmat-tat hăm lu bơngai dơnuh hin, Wă pơlôch lu bơngai kiơ̆ tơdrong tơpăt.

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Horiso 75:3

Mă khan teh păng kon pơlei oei kơpal teh pơpơ̆, Inh boih pơkơ̆ng jrăng sư kơjăp. Sêla

Êsai 14:31

Ơ 'măng jang nhơ̆m ơh bĕ, ơ pơlei tih ôr tơngưih bĕ, ơ pơlei Philistin đĭ-đăng iĕm gô pơchah răm, yua kơ đei 'nhui ŭnh tih đơ̆ng yă-nơ̆m truh, ưh kơ đei bu gơh weh đơ̆ng anih lu khŭl linh sư.

Êsai 24:19

Plei teh pơchah hĕch hoch đĭ, teh đĭ hơđang phơ̆t, teh đĭ pơpơ̆ dêh.

Êsai 34:4

Đĭ-đăng lu măt khei sơnglŏng kơpal plĕnh gô hach lek, plĕnh gô tơlôm nhen đe lôm sơnôm hla bơar. Đĭ-đăng lu măt khei sơnglŏng sư gô hiong đĭ, nhen thoi hla hơmu hơlŭng, nhen thoi plei hơra hơlŭng huŏng đơ̆ng tơm sư.

Mathiơ 8:27

Lu đe ei lăng hlĭch, na lu sư jet băl: “Bơngai bu âu kih, kial hơbŭt, đak dơsĭ poh-yă tih dang noh, mă kư̆m chu yom kơ Sư.”

Rom 13:11

Dôm tơdrong inh bơtho iĕm âu, bơ̆n athei răk pơm kiơ̆ tơpă, yua kơ Kră Yang Yêsu Krist wă jê̆ jur boih; tơdrong noh iĕm kư̆m băt mơ̆n. Tơm hmơm bơ̆n lui sơ̆, năr Yêsu Krist jur oei đunh 'biơ̆; mă dang ei ưh pă đunh boih. Na bơ̆n athei adrin kral ling-lang 'nĕ pă nŏng kơ tep.

Rom 13:12

Dang ei oei măng mu, ưh pă đunh 'năr gô lĕch. Yua kơ thoi noh na bơ̆n 'nĕ pă oei tơ lăm măng mu, bơ̆n athei oei tơ hơdah ling-lang wă kơ gơh tơblah păng yang kơnê̆.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

Philip 1:27

Mă-lei iĕm athei lui mă kơjăp, pơm kiơ̆ mă 'blep trŏ thoi tơdrong Yêsu Krist. Thoi noh na mă inh gơh năm tơ iĕm, mă ưh, inh gô kơtơ̆ng tơdrong iĕm lui kơjăp pơgơ̆p băl minh jơhngơ̆m minh đon jang tơdrong Yêsu Krist na jơhngơ̆m inh hiôk.

Philip 3:20

Mă-lei lu bơ̆n bơngai wă oei tơ plĕnh, lu bơ̆n ưh kơ gơh pơm thoi lu sư ôh, lu bơ̆n minh tơdrong chang gô 'Bok Dŏng Pơklaih wă jur ning-mônh đĕch, wă khan Kră Yang Yêsu Krist boih 'noh.

I Tes 1:5

Nhôn bơtho kơ iĕm tơdrong 'nao 'lơ̆ng ưh kơ sĭ păng 'bơ̆r nhôn pơma đĕch ôh, yua kơ mơsêh mơyang đơ̆ng Yang Bơhngol 'Lơ̆ng tơgŭm nhôn păng tơgŭm iĕm na iĕm băt nhôn bơtho tơdrong 'Bok Kei-Dei tơpă. Iĕm kư̆m băt nhôn bơngai thoi yơ pơm tơdrong kiơ hơtai nhôn oei hăm iĕm ki. Hăm trŏ nhôn adrin tơgŭm iĕm ling-lang tơpă dah ưh?

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

I Tim 4:12

Ih 'nĕ ăn kơ đe pơjăm ih khan ih oei moh đĕch ưh kơ gơh bơtho đe. Lăm ih wă pơma dah ih wă jang ih athei pơm 'lơ̆ng tơpăt wă kơ lu bôl buăl bơngai lui 'bôh ih na lu sư pơm kiơ̆ thoi ih. Ih athei 'mêm kơ 'Bok Kei-Dei păng 'mêm kơ bôl buăl. Ih athei lui mă kơjăp păng pơm jơhngơ̆m mă 'lơ̆ng tơpăt, wă kơ lu bơngai lui gơh lui kiơ̆ thoi ih mơ̆n.

I Tim 6:11

Ơ Timôthê, ih bơngai kiơ̆ 'Bok Kei-Dei, ih athei weh ataih đơ̆ng tơdrong kơnê̆ 'noh, ih adrin pơm đon 'lơ̆ng tơpăt, lui mă kơjăp, 'mêm kơ 'Bok Kei-Dei păng pơm jơhngơ̆m dim 'mêm kơ bôl buăl mơ̆n. Đei tơdrong gleh truh tơ ih ră, mă-lei ih athei adrin pơm kiơ̆ 'Bok Kei-Dei khŏm khŏm.

I Tim 6:3

Bơngai bu bơtho chroih tơ nai ưh kơ 'blep trŏ thoi Kră Yang bơ̆n Yêsu Krist bơtho, tơdrong sĭt tơpă na bơ̆n lui âu, bơngai 'noh sư chă pơang akâu kơdih sư đĕch. Sư kơkal 'bơ̆r rơkah, sư ưh kơ pơwao akâu kơdih wă pơma thoi yơ. Sư 'maih chă pơjah pơjăng đĕch, sư chă pơma kơ bôl buăl sư, sư pơjah pơjăng dih băl păng che bơle, tơgar nơ̆r pơma, bu kư̆m wă kơ jei bu. Păng sư chă đăk đon kơdih khan đe wă pơm kơnê̆ kơ sư.

I Tim 6:6

Dah bơ̆n lui tơpă hăm đĭ jơhngơ̆m, noh kư̆m dang bơ̆n mơdrŏng mơ̆n yua kơ jơhngơ̆m bơ̆n hiôk 'lơ̆ng păng Sư boih.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

Ya 1:24

Kơplah bơ̆n lăng muh măt bơ̆n tơ lăm amĭl, bơ̆n 'bôh nhên đĭ; mưh bơ̆n năm tơ nai, bơ̆n hiơt boih kơ muh măt bơ̆n thoi yơ.

Ya 3:13

Lăm lu iĕm hăm đei bơngai bu đei đon hơgei, đon hlôh wao băt tôm tơdrong? Sư athei pơm mă 'lơ̆ng na đe băt kơ sư bơngai đon hlôh, băt kơ sư bơngai dim gơh găt hăm đe tơpă.

I Pet 1:15

Sư krao iĕm wă kơ iĕm jing kon Sư, na iĕm athei pơm 'lơ̆ng tơpăt tôm tơdrong thoi Sư,

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

II Pet 1:3

Yua kơ Sư Yang, Sư mơsêh tơpă, na Sư ăn kơ bơ̆n tôm tơdrong gơh arih, gơh pơm 'lơ̆ng tơpăt thoi Sư. 'Noh yua kơ Sư krao, na bơ̆n băt kơ Sư. Bơ̆n 'bôh Sư mơsêh păng 'lơ̆ng tơpăt na bơ̆n băt kơ kiơ̆ Sư.

II Pet 1:6

Dah iĕm pơhrăm iŏk boih, iĕm gô đei tơdrong pơgơ̆t, đơ̆ng tơdrong pơgơ̆t iĕm gô đei jơhngơ̆m chơ̆n. Dah jơhngơ̆m iĕm chơ̆n tơpă, noh iĕm gơh pơm kiơ̆ dôm tơdrong 'Bok Kei-Dei boih.

II Pet 3:10

Gah tơdrong Kră Yang Yêsu Krist wă jur, Sư wă jur tơpă, mă Sư wă jur thoi bơngai tơtông ưh kơ ăn đe băt. Kơplah noh kơnh plĕnh gô đôh hiong đĭ minh 'măng, re jơwa dêh, pă băt dang yơ. Ŭnh gô sa kơngla kơdơ̆r jơ̆p teh, teh jing hiong pă 'bôh kiơ. Lu sơnglŏng, khei păng đĭ dôm tơmam ala teh kư̆m lek hiong lei-lăi.

II Pet 3:12

kơplah bơ̆n oei chang gô Sư wă pơrăm jơ̆p teh đak ei. Bơ̆n athei kiơ̆ tơdrong Sư mă tơpă, na tơdrong ei dah truh. Năr ei boih, năr 'Bok Kei-Dei wă pơrăm tih ăn ŭnh sa kơngla kơdơ̆r, plĕnh gô lek hiong đĭ, lu sơnglŏng, khei kư̆m hiong hiach pă 'bôh kiơ.