II Pet 2:8 - Sơ̆p Hlabơar Nơ̆r 'Bok Kei-Dei

⁸ Sư oei hăm lu kon pơlei noh sơ̆, sư 'bôh dôm tơdrong kơnê̆ lu kon pơlei noh pơm păng kơtơ̆ng dôm 'bơ̆r pơma lu sư kơnê̆ ling-lang, dang lĕ pơjĭ đon sư, yua kơ sư bơngai đon tơpăt.

II Pet 2:8 ပူးပေါင်းရင်းမြစ်များ

Bl 13:13

Kon pơlei Sôđôm kơnê̆ păng lu mơ'nah pơm yoch tih dêh hăm Kră Yang.

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

Horiso 119:139

Tơdrong inh tơnăp soh chhông lăm jơhngơ̆m inh. Yua kơ lu bơngai ayăt kơ inh hiơt boih kơ nơ̆r Ih.

Horiso 119:158

Inh 'bôh lu bơngai hơlĕnh pơdăr, lăng krưp areh dêh kơ lu sư; Yua kơ lu sư ưh kơ wei răk nơ̆r Ih.

Tơdrông Pơđơk 25:26

Bơngai tơpăt huŏng lăm bơngai pơm kơnê̆ pơhlŭ. Thoi đak sơlŭng gơsŏk đĭ, thoi đak mơlĕch mơgrĭ boih.

Tơdrông Pơđơk 28:12

Tơdah bơngai tơpăt jei jơnei, đei hiôk chơt tih; Mă-lei đei bơngai pơm kơnê̆ iung lei đei bơngai kơdâu ôn.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Êsêkiên 9:6

Athei pơlôch đĭ lu kră, lu hơmuh hơmŏng, lu hơdruh, lu hơ'lơ̆p, lu drŏ-kăn, mă-lei 'nĕ kơ pơlôch lu bơngai bu mă đei chih 'bơ̆t klĕng sư. Năm iŏk đơ̆ng Anih 'lơ̆ng rơgoh Inh.” Thoi noh lu sư pơtơm pơlôch iŏk đơ̆ng lu kră đơ̆ng 'bơ̆t anăp hnam akŭm.

I Tim 1:9

'Bok Kei-Dei pơkă dôm lu tơdrong noh yua Sư wă phak lu bơngai kơnê̆ ưh kơ sĭ wă phak lu bơngai 'lơ̆ng ôh. Sư wă kơ phak lu bơngai ưh kơ chu, lu bơngai kư̆ kă, lu bơngai ưh kơ lui kơ Sư, lu bơngai pơm yoch, lu bơngai mă chă pơlôch đe, lu bơngai mă pơlôch mĕ 'bă kơdih,

Hêbrơ 11:4

'Bok Abel sơ̆ yua kơ sư đei đon lui, na sư soi kơ 'Bok Kei-Dei trŏ thoi 'Bok Kei-Dei lăp đon. Gah 'nhŏng sư Kain sư soi ưh kơ trŏ ôh, na 'Bok Kei-Dei ưh kơ lăp đon kơ sư. 'Bok Abel sư đei đon lui tơpă, na 'Bok Kei-Dei jô̆ sư bơngai 'lơ̆ng. Thoi noh na 'Bok Kei-Dei lăp đon kơ tơdrong sư soi noh. 'Bok Abel lôch boih, mă-lei đe oei ư-ang sư truh dang ei yua kơ sư đei đon lui.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.