II Pet 2:21 - Sơ̆p Hlabơar Nơ̆r 'Bok Kei-Dei

²¹ Dah sư ưh tam kơtơ̆ng đe bơtho tơdrong 'Bok Kei-Dei, noh pha. 'Nâu sư băt boih mă sư achăng lê̆ tơdrong 'lơ̆ng tơpăt 'Bok Kei-Dei.

II Pet 2:21 ပူးပေါင်းရင်းမြစ်များ

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Horiso 85:8

Inh gô mơ̆ng dôm tơdrong kiơ Kră Yang 'Bok Kei-Dei khan; Sư gô ăn hiôk-hian kơ kon pơlei pơla Sư păng ăn kơ lu bơngai lui yom kơ Sư, Mă-lei 'nĕ pă lê̆ lu sư hơlơ̆k pơm kơtul kơwao dơ̆ng

Tơdrông Pơđơk 12:28

Tơdrong arih oei 'bih tơdrong tơpăt; Lăm trong gơlong sư ưh kơ đei lôch.

Tơdrông Pơđơk 16:31

Sŏk ko jing môk ư-ang, 'Bôh đơ̆ng tơdrong jang sư tơpăt na gơh đei.

Êsêkiên 18:24

Mă-lei tơdah bơngai tơpăt hŭt lê̆ tơdrong tơpăt sư, na sư pơm yoch kơnê̆ krưp thoi lu bơngai kơnê̆ đei pơm, Sư hăm arih ưh? Dôm tơdrong tơpăt ayơ mă sư pơm boih Inh ưh pă 'blŏk dơ̆ng, sư gô lôch yua kơ tơdrong yoch kơnê̆ mă sư đei pơm.

Êsêkiên 23:13

Inh 'bôh sư pơm pơ'mê̆ kơdih akâu, 'bar 'nu bre mŏ oh rok kiơ̆ minh trong.

Êsêkiên 3:20

Tơpă, dah minh 'nu bơngai tơpăt lê̆ tơdrong tơpăt sư na pơm yoch, Inh gô ăn đei tơdrong pơgăn 'bơ̆t anăp sư păng sư gô lôch yua kơ pơm yoch, mă-lei yua kơ ih ưh kơ khan khă bơngai noh, thoi noh sư gô lôch lăm tơdrong yoch sư, Inh ưh pă 'blŏk dôm tơdrong tơpăt mă sư đei pơm, mă-lei pham sư oei jô̆ lăm ti ih.

Êsêkiên 33:13

Tơdah Inh khan kơ bơngai tơpăt. Tơpă ih gô arih mă-lei tơdah sư gơnang kơ tơdrong tơpăt sư kơdih na pơm yoch, Inh ưh pă đei 'blŏk dơ̆ng kơ tơdrong tơpăt mă sư pơm boih, na sư gô lôch lăm tơdrong yoch sư đêl pơm.

Jêphania 1:6

hăm lu bơngai mă weh achăng lê̆ đơ̆ng Kră Yang păng lu bơngai mă ưh kơ chơchă Kră Yang, ưh kơ krao apinh Sư.

Mathiơ 21:32

Yôhan, sư bơngai bơtho tơdrong 'lơ̆ng tơpăt, sư bơtho truh tơ iĕm tơ âu boih wă kơ iĕm pơm đon 'lơ̆ng tơpăt păng 'Bok Kei-Dei ră, mă-lei iĕm ưh kơ wă chu lui kơ nơ̆r sư bơtho. Lu bơngai iŏk jên thuê̆ păng lu drŏ-kăn pơm đi wih lui hơdrol kơ iĕm dơ̆ng. Iĕm 'bôh lu sư đĭ lui boih lĕ mă-lei iĕm ưh tam chu tơbral 'mơ̆i.”

Luka 12:47

“Dôm lu đĭch đam mă băt kơ nơ̆r yŏng sư ată ră, mă-lei sư ưh kơ kơchăng păng ưh kơ pơm kiơ̆, na yŏng sư gô tôn teh sư kơtang tơpă.

Yo 15:22

“Dah Inh ưh kơ năm bơtho lu sư lei lu sư ưh kơ hil kơ Inh ôh. Mă-lei dang ei lu sư hil kơ Inh păng kuă kơ lui kơ tơdrong Inh bơtho na lu sư chă tơdrong yoch tơpă.

Yo 9:41

Yêsu khan kơ lu sư: “Dah iĕm ưh kơ hlôh tơdrong 'Bok Kei-Dei lei Inh ưh kơ jô̆ kơ iĕm yoch ôh. Sơmă iĕm khan iĕm hlôh tơdrong 'Bok Kei-Dei, mă-lei iĕm ưh kơ wă lui kơ Inh, iĕm pơm thoi noh yoch boih.”

Rom 7:12

Dôm tơdrong mă 'Bok Kei-Dei pơkă, tơdrong 'lơ̆ng, tơdrong trŏ tơpă.

Galati 6:2

Iĕm gơh tơgŭm dih băl thoi noh trŏ tơpă, thoi Kră Yang Yêsu Krist pơkă.

I Tes 4:2

Iĕm băt boih dôm tơdrong Kră Yang Yêsu ăn kơ nhôn wă kơ nhôn bơtho iĕm.

Hêbrơ 10:26

Bơ̆n băt boih tơdrong Yêsu Krist, mă bơ̆n wih lê̆ tơdrong lui pơm yoch dơ̆ng, bơ̆n ưh pă đei tơdrong soi kiơ mă gơh pơklaih bơ̆n đơ̆ng tơdrong yoch,

Ya 4:17

Dang ei iĕm băt boih, na bơngai bu băt boih kơ tơdrong 'lơ̆ng tơdrong trŏ mă sư ưh kơ wă kiơ̆, bơngai noh yoch tơpă.

II Pet 3:2

Inh wă kơ iĕm 'blŏk hơdơ̆r kơ dôm tơdrong lu bơngai pơtruh nơ̆r 'Bok Kei-Dei lu sư khan lê̆ hơdrol sơ̆. Păng inh wă kơ iĕm 'blŏk hơdơ̆r kơ tơdrong Yêsu Krist pơkă kơ lu jơ̆ng 'bang Sư na lu sư bơtho tơbăt kơ iĕm dơ̆ng, yua kơ Yêsu Krist boih Kră Yang bơ̆n kư̆m 'Bok Dŏng Pơklaih bơ̆n mơ̆n.

Ju 1:3

Ơ 'nhŏng oh mă inh 'mêm kơeng, ki inh wă chih kơ iĕm kơthơ ră, chih hơpong gah tơdrong 'Bok Kei-Dei pơklaih bơ̆n jing hiôk chơt. Mă-lei dang ei inh kơtơ̆ng đei tơdrong khan đe wă pơhlŭ iĕm, na dang ei inh jing chih pơlung iĕm, wă kơ iĕm adrin 'biơ̆ păng lui mă kơjăp, kiơ̆ dôm tơdrong 'Bok Kei-Dei tơbăt ăn kơ lu bơ̆n kon Sư. Dôm tơdrong Sư tơbăt tôm boih, ưh kơ layơ tơplih dơ̆ng. Thoi noh na iĕm athei pơjah pơjăng păng lu bơngai mă pơhlŭ pơlung iĕm noh 'biơ̆.