II Pet 2:20 - Sơ̆p Hlabơar Nơ̆r 'Bok Kei-Dei

²⁰ Bu lui kơ Kră Yang bơ̆n Yêsu Krist, 'Bok mă ăn kơ bơ̆n rơngei klaih boih đơ̆ng tơdrong đĭch ưh pă pơm thoi lu bơngai tơ ala teh, mă sư wih kiơ̆ dơ̆ng tơdrong pơm yoch, jing ưh pă kĕ lê̆, bơngai noh jing kơnê̆ hloh kơ sư tam mă lui sơ̆.

II Pet 2:20 ပူးပေါင်းရင်းမြစ်များ

Êsêkiên 33:13

Tơdah Inh khan kơ bơngai tơpăt. Tơpă ih gô arih mă-lei tơdah sư gơnang kơ tơdrong tơpăt sư kơdih na pơm yoch, Inh ưh pă đei 'blŏk dơ̆ng kơ tơdrong tơpăt mă sư pơm boih, na sư gô lôch lăm tơdrong yoch sư đêl pơm.

Lêwi 13:20

'Bok soi gô lăng sư, tơdah 'bơ̆t jĭ rơka sư jrŭ hloh kơ akar păng sŏk sop sư jing kok 'bok soi gô jô̆ sư jing kơnê̆ 'mê̆-'mach, noh jĭ chin, sư lĕch 'bơ̆t đêl pơtôch.

Lêwi 13:55

Đang kơ pih bơih 'bok soi gô lăng lăng dơ̆ng tơmam mă đei tơdrong jĭ phơ̆k noh. Tơdah tơdrong jĭ phơ̆k noh ưh kơ tơkloh păng ưh kơ lanh jơ̆p, lei tơmam noh jơ̆ kơnê̆ 'mê̆-'mach bơih, ih athei soh lê̆ lăm ŭnh bĕ, yua kơ đei tơdrong jĭ sư sa tơ pah rŏng dah pah klak.

Lêwi 14:43

Tơdah tơdrong jĭ phơ̆k đei dơ̆ng đơ̆ng rŏng kơ iŏk tơmo noh, hơkôih lăm hnam păng man ming tơnăr, hnam noh.

Jo 24:20

Balaam kư̆m 'bôh Amalek, na roi tơbăt adrol khan: Amalek jing kơ̆l kơ đĭ-đăng teh đak; mă-lei tuch-luch sư, kư̆m gô lôch.

Both 32:29

Tơdah lu sư gơh hơgei, lei lu sư hlôh boih tơdrong âu păng băt tôch ning-mônh sư thoi yơ.

Philip 3:19

Lu sư pơm thoi noh, ning-mônh 'Bok Kei-Dei phak pơmat lu sư dêh. Lu sư 'mêm kơ klak lu sư, rŏ kơ klak yŏng na pơm thoi noh. Lu sư chă pơang kơ đe kiơ̆ tơdrong mă đe mơlâu. Đon lu sư tơchĕng ling-lang gah tơdrong ala teh.

II Tim 2:4

Pơtih gia bơngai pơm linh: Bơngai pơm linh athei kơchăng tơdrong linh ling-lang ưh kơ gơh tơchĕng 'bar pang tơdrong ôh, tơdrong sơwil păng tơdrong linh. Sư kơchăng ling-lang thoi noh wă kơ 'bok yŏng sư lăp đon.

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.

II Pet 1:11

Thoi noh na 'Bok Kei-Dei pơchoh kơ bơ̆n trong să, ăn kơ bơ̆n tŏk oei tơ dêh char Yêsu Krist pơgơ̆r ling-lang hloi, yua kơ Yŏng bơ̆n Yêsu Krist dŏng pơklaih bơ̆n.

II Pet 1:2

Inh apinh 'Bok Kei-Dei wei-lăng iĕm hiôk-hian wă kơ iĕm lui rai kơjăp, yua kơ iĕm băt kơnăl kơ Sư, hăm băt kơnăl kơ Kră Yang bơ̆n Yêsu Krist.

II Pet 1:3

Yua kơ Sư Yang, Sư mơsêh tơpă, na Sư ăn kơ bơ̆n tôm tơdrong gơh arih, gơh pơm 'lơ̆ng tơpăt thoi Sư. 'Noh yua kơ Sư krao, na bơ̆n băt kơ Sư. Bơ̆n 'bôh Sư mơsêh păng 'lơ̆ng tơpăt na bơ̆n băt kơ kiơ̆ Sư.

II Pet 1:4

Yua kơ Sư Yang, Sư mơsêh, Sư 'lơ̆ng tơpăt, Sư pơkă wă tơgŭm bơ̆n tih tơpă. Na Sư pơklaih bơ̆n đơ̆ng dôm tơdrong kơnê̆ 'mê̆-'mach tơ ala teh âu, tơdrong mă kon bơngai 'maih pơm, wă kơ bơ̆n jing kon Sư kư̆m 'lơ̆ng tơpăt thoi Sư.

II Pet 1:8

Dah iĕm adrin pơm kiơ̆ dôm tơdrong noh tơpă, iĕm gô hlôh tơpă dôm tơdrong Kră Yang bơ̆n Yêsu Krist. 'Noh iĕm jing bơngai yua kơ tơdrong jang Sư boih.

II Pet 2:18

Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.