II Pet 2:19 - Sơ̆p Hlabơar Nơ̆r 'Bok Kei-Dei

¹⁹ 'Bok bơtho hơlĕnh pơdăr noh, lu sư khan wă ăn kơ lu bơngai noh rơngei, mă-lei tă kơ lu sư dơ̆ng jing đĭch, yua kơ lu sư ưh kơ kĕ gơ̆t kơ tơdrong pơm yoch, jing wă pơrăm akâu kơdih. Tơdrong kiơ bơ̆n ưh kơ kĕ pơgơ̆t, tơdrong noh bơ̆n oei đĭch.

II Pet 2:19 ပူးပေါင်းရင်းမြစ်များ

Êsai 28:1

Răm-'băm dêh hơgăl pơkao lu bơngai suai tơdrô lăm dêh Êphraim pơang răm-'băm dêh kơ pơkao 'bônh kơ jô hŏnh; lu bơngai suai tơdrô ư-ang 'lơ̆ng rŏ pơlei noh oei tơ kơ̆l groi thŭng teh mơ̆r!

Je 23:9

Gah lu bơngai khan lê̆ adrol: Jơhngơ̆m inh pơchah boih lăm inh, kơting inh đĭ tơtơ̆, inh thoi bơngai suai kơ sik, thoi bơngai wing măt yua kơ sik pơm kơ sư, đơ̆ng Kră Yang hăm đơ̆ng nơ̆r 'lơ̆ng rơgoh Sư.

Lêwi 13:8

'Bok soi gô lăng hơlen tơdah jĭ đuh sư iung lanh dơ̆ng tơ akâu akar sư na pơm kơ bơngai noh jing kơnê̆ 'mê̆-'mach; lei noh jơ̆ Jĭ chin bơih.

Yo 8:34

Yêsu khan kơ lu sư: “Inh khan kơ iĕm tơpăt, iĕm ưh kơ rơngei ôh, yua bơngai bu pơm yoch ling-lang, bơngai 'noh sư dang đĭch mơ̆n yua kơ tơdrong yoch sư.

Jang 19:16

Na bơngai yang mơ̆t ei hơloh teh hloi lu đe ei jĭ tơpă. Na lu sư kơdâu tơklah đơ̆ng hnam bơngai yang mơ̆t ei, yua kơ jei bơngai yang mơ̆t ei boih. Ao lu sư tơhek đĭ păng akâu lu sư 'blơ̆n 'blăn pơ'ngeh.

Galati 5:1

Kră Yang Yêsu Krist ăn kơ bơ̆n rơngei đơ̆ng dôm tơdrong juăt kon bơngai boih. Thoi noh bơ̆n gơh rơngei tơpă. Na iĕm 'nĕ ăn kơ đe pơhlŭ pơlung iĕm gơnang kơ akâu iĕm kơdih wă kiơ̆ tôm tơdrong juăt Môis dơ̆ng. Dah iĕm pơm thoi noh iĕm wih jing đĭch dơ̆ng.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

II Tim 2:26

Sư đei đon 'lơ̆ng boih păng gơh jăk đơ̆ng yang Satan. Sơ̆ yang Satan oei pơkơ̆ng sư lăm tơdrong sư wă.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

I Pet 2:16

Tơpă mơ̆n bơ̆n bơngai rơngei boih, mă-lei iĕm 'nĕ kơ tơchĕng khan, rơngei boih pơm tơdrong kiơ kư̆m bưh. Ưh ôh, bơ̆n athei pơm thoi bơngai đĭch đam 'Bok Kei-Dei.

II Pet 1:4

Yua kơ Sư Yang, Sư mơsêh, Sư 'lơ̆ng tơpăt, Sư pơkă wă tơgŭm bơ̆n tih tơpă. Na Sư pơklaih bơ̆n đơ̆ng dôm tơdrong kơnê̆ 'mê̆-'mach tơ ala teh âu, tơdrong mă kon bơngai 'maih pơm, wă kơ bơ̆n jing kon Sư kư̆m 'lơ̆ng tơpăt thoi Sư.

II Pet 2:20

Bu lui kơ Kră Yang bơ̆n Yêsu Krist, 'Bok mă ăn kơ bơ̆n rơngei klaih boih đơ̆ng tơdrong đĭch ưh pă pơm thoi lu bơngai tơ ala teh, mă sư wih kiơ̆ dơ̆ng tơdrong pơm yoch, jing ưh pă kĕ lê̆, bơngai noh jing kơnê̆ hloh kơ sư tam mă lui sơ̆.