II Pet 2:18 - Sơ̆p Hlabơar Nơ̆r 'Bok Kei-Dei

¹⁸ Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.

II Pet 2:18 ပူးပေါင်းရင်းမြစ်များ

I Pot 13:19

Thoi ei bơngai mă Kră Yang 'Bok Kei-Dei yua ei chu kiơ̆, sŏng sa nhă đak tơ hnam sư.

Êsêkiên 35:13

Nơ̆r ih pơma pơang blah Inh; păng rai thim nơ̆r blah inh, Inh kơtơ̆ng boih!

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Da 4:30

Na sư khan: 'Nâu ưh kơ trŏ hă pơlei tih Babilôn mă đei pơdơ̆ng đơ̆ng tơdrong pran inh, wă pơm pơlei tơm lăm chăl pơtao inh păng wă pơư pơang 'lơ̆ng rŏ kơ inh.

Jang 2:40

Pêtrôs bơtho lơ tơdrong dơ̆ng hăm pơlung lu sư thoi âu: “Lu iĕm athei weh đơ̆ng adrĕch adrung bơngai pơm kơnê̆ 'nâu.”

Jang 8:9

Lăm pơlei ei đei minh 'nu bơngai anăn sư Simôn. Đơ̆ng sơ̆ sư pơm lơ tơdrong hlĭch tơpă na lu bơngai Samari sơleng kơ đon. Simôn sư pơang akâu kơdih khan sư bơngai hơgei tơpă.

Rom 13:13

Bơ̆n athei pơm mă 'lơ̆ng thoi bơngai jang kơ'năr, 'nĕ pă et sik suai hli kơ pơm kư̆ kă; drŏ-nglo drŏ-kăn kư̆m 'nĕ kơ ngôi kư̆ kă; 'nĕ pơjah pơjăng păng đe, 'nĕ kơ 'nhĕng đe.

Êphêsô 4:17

Âu inh wă bơtho kơ lu iĕm tơdrong 'Bok Kei-Dei, wă kơ iĕm mơ̆ng inh păng pơm kiơ̆ kơ nơ̆r inh pơma. Lu iĕm 'nĕ pă pơm thoi lu buăl iĕm mă ưh kơ lui. Lu sư tơchĕng kư̆ kă,

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”

Ya 5:5

Iĕm oei tơ ala teh âu hiôk jơnap tơpă. Sŏng sa phĭ mah rơkah rơkai bek lơluĭnh thoi rơmo, na đe wă rơih rơmo bek noh boih 'buh sa.

II Pet 1:4

Yua kơ Sư Yang, Sư mơsêh, Sư 'lơ̆ng tơpăt, Sư pơkă wă tơgŭm bơ̆n tih tơpă. Na Sư pơklaih bơ̆n đơ̆ng dôm tơdrong kơnê̆ 'mê̆-'mach tơ ala teh âu, tơdrong mă kon bơngai 'maih pơm, wă kơ bơ̆n jing kon Sư kư̆m 'lơ̆ng tơpăt thoi Sư.

II Pet 2:14

Măt lu sư nŏng kơ chă lăng 'maih pơm tơdrong kư̆ kă. Tơdrong lu sư pơm kư̆ kă ưh kơ yĕng kơ hrăp, nŏng kơ chă pơlung lu bơngai lui rơdu kiơ̆ lu sư pơm yoch păng pơhlŭ pơlung đe, wă kơ đe ăn kơ sư jên dah tơmam. Lu sư ling-lang pơhrăm tơdrong 'noh; lu sư jing bơngai 'Bok Kei-Dei wă phak.

II Pet 2:2

Mă-lei kư̆m đei lơ bơngai lui, kiơ̆ sư pơm tơdrong yoch kư̆ kă; kơlih kơ thoi noh na lu bơngai mă ưh kơ lui pơjăm tơdrong 'lơ̆ng tơpăt 'Bok Kei-Dei.

II Pet 2:20

Bu lui kơ Kră Yang bơ̆n Yêsu Krist, 'Bok mă ăn kơ bơ̆n rơngei klaih boih đơ̆ng tơdrong đĭch ưh pă pơm thoi lu bơngai tơ ala teh, mă sư wih kiơ̆ dơ̆ng tơdrong pơm yoch, jing ưh pă kĕ lê̆, bơngai noh jing kơnê̆ hloh kơ sư tam mă lui sơ̆.

II Pet 2:7

Pơlei noh 'Bok Kei-Dei pơklaih pôm 'bok Lot, yua kơ 'bok Lot bơngai 'lơ̆ng tơpăt; 'bok Lot 'bôh kon pơlei pơla pơm kơnê̆ kư̆ kă, sư sơ'ngon dêh.

II Pet 3:17

Ơ lu 'nhŏng oh, tơdrong noh inh roi kơ iĕm boih, na iĕm athei kơchăng hli kơ iĕm lui kơ 'bơ̆r đon lu bơngai kư̆ kă, jing hiong kơ tơdrong lui iĕm đơ̆ng lui kơjăp boih.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Tơdrông Tơ'bôh 13:11

Klaih kơ noh inh 'bôh minh pôm sem nai dơ̆ng sư lĕch đơ̆ng teh. Sư đei 'bar pah ake, thoi ake triu. Nơ̆r sư pơma lei-lăi thoi yă-grai pơma.