II Pet 2:17 - Sơ̆p Hlabơar Nơ̆r 'Bok Kei-Dei

¹⁷ Lu bơngai noh dang ei jing ưh kơ yua, thoi lĕ kơ đak ưh pă ro đơ̆ng tu sư boih; lu sư thoi hơmơ̆l păr tơ rơwơ̆ng kial dơhlu jơ̆p-jang. Thoi noh 'Bok Kei-Dei wă phak lu sư, ăn kơ lu sư oei tơ anih măng mu, yua kơ lu sư jing bơngai ưh pă yua boih.

II Pet 2:17 ပူးပေါင်းရင်းမြစ်များ

Je 14:3

Lu yŏng tơ'ngla wơh lu đĭch đam sư năm chă đak, lu sư năm tơ sơlŭng đak mă-lei ưh kơ đei 'bôh đak, lu sư wih brŏk ge hoh; lu yŏng tơ'ngla mơlâu hlơ̆l, gom lê̆ kơ̆l lu sư.

Hôsia 6:4

Inh wă pơm liơ kơ lu iĕm, ơ bơngai Êphraim? Inh wă pơm liơ kơ lu iĕm, ơ bơngai Juđa? Iĕm 'mêm thoi tŭk pơgê hrôih, thoi đak ngom 'bônh kơ hrĕng.

Mathiơ 22:13

Na 'bok pơtao athei lu bơngai jang kơ sư chô̆ jơ̆ng ti bơngai noh tơlơ̆ tŭk tơ anih măng mu lê̆ sư nhơ̆m hmoi tơkăp sơnĕnh tơ noh.”

Mathiơ 25:30

Na dang ei iĕm hiŏng hơtat bơngai mă ưh kơ yua âu tơ anih 'ngoaih măng mu, lê̆ sư nhơ̆m hmoi tơkăp sơnĕnh tơ noh.’

Mathiơ 8:12

Lu bơngai Juđê 'Bok Kei-Dei 'mêm kơeng kơ adrĕch adrung lu sư ră, mă-lei lu sư ưh kơ wă lui, na ning-mônh 'Bok Kei-Dei gô tơlơ̆ tŭk lu sư tơ lăm anih măng mu, lê̆ lu sư nhơ̆m hmoi tơkăp sơnĕnh tơ noh.”

Êphêsô 4:14

Thoi noh na bơ̆n ưh pă gơh kiơ̆ thoi lu bơngai hơ'lơ̆p lui kơ đe bơtho tơdrong kư̆ kă boih, pơtih gia đe hơlĕnh kơ bơ̆n, dah pơhlŭ bơ̆n, wă kơ bơ̆n hơwơ̆l jing jrok kư̆ kă.

Hêbrơ 12:18

Tơ̆ng bơ̆n gơnang kơ Yêsu Krist tơpă, bơ̆n huay kơ hli kơ 'Bok Kei-Dei thoi lu bơngai Isơrael sơ̆ ôh. Lu bơngai Isơrael sơ̆ lu sư hli kơ 'Bok Kei-Dei pơm tơ'bôh kơ lu sư đei ŭnh pla tih tơ kông Sinai păng đei 'nhui găm măng mu đei kial hơbŭt.

II Pet 2:4

Sơ̆ lu linh jang 'Bok Kei-Dei pơm yoch, 'Bok Kei-Dei kư̆m ưh kơ 'mêm ôh, Sư iŏk tơhuŏng hloi tơ anih măng mu, phak sư tơ noh truh tơ năr Sư wă sek tơlang ning-mônh.

Ju 1:6

Gah linh jang lu mơ'nah achăng lê̆ tơdrong jang đơ̆ng 'Bok Kei-Dei pơjao ăn pơgơ̆r, na jăk oei tơ nai, 'Bok Kei-Dei 'bôh, Sư rôp chô̆ phak tơ anih măng mu ling-lang truh tơ năr Sư wă sek tơlang tih-tin ning-mônh.