II Pet 2:12 - Sơ̆p Hlabơar Nơ̆r 'Bok Kei-Dei

¹² Lu bơngai noh, lu sư thoi sem brem mă ưh kơ gơh tơchĕng, sư hơ̆r kơ wă pơm kiơ sư pơm hloi. Mĕ 'bă sem brem noh pơjing sư sơ̆ lăp pơjing ăn kơ đe rôp 'buh sa đĕch. Lu bơngai mă pơma kơnê̆ kơ đe kư̆m thoi noh, lu sư ưh kơ hlôh na lu sư gô răm thoi sem brem noh tơpă.

II Pet 2:12 ပူးပေါင်းရင်းမြစ်များ

Horiso 49:10

Yua kơ sư 'bôh bơngai hơgei lôch, lu bơngai wơnh păng lu kơtul kơwao kư̆m lôch lei-lăi mơ̆n. Mŭk tơmam sư kơ đe nai.

Horiso 92:6

Lu bơngai kơwao ưh kơ gơh băt, lu bơngai kơtul kư̆m ưh kơ gơh hlôh,

Horiso 94:8

Ơ lu bơngai bơlŭk lăm kon pơlei kơchăng bĕ; Ơ lu bơngai kơtul kơwao, dang yơ mă iĕm gơh hơgei?

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Je 10:21

Lu bơngai yŏng kơhlôh. Ưh kơ đei apinh Kră Yang ôh na lu sư răm đĭ, Na kon pơlei lu sư tơklah tơklang.

Je 10:8

Lu sư jing kơtul kơwao ngăl; rup yang hăm 'long đe traih bơtho lu sư,

Je 12:3

Mă-lei, ơ Kră Yang, Ih băt boih kơ inh, Ih 'bôh inh, Ih pơlong lăng păng băt jơhngơ̆m inh hăm Ih, Apinh Ih dui lu sư tơ 'nguaih thoi đe dui triu wă 'bet pơlôch, Apinh Ih lê̆ lu sư pha 'măn kơ năr wă 'bet pơlôch!

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Je 5:4

Inh tơchĕng khan: “'Nâu lăp lu bơngai dơnuh hin, kơhlôh kơwao đĕch, lu sư ưh kơ băt kơ trong Kră Yang. Khôi juăt Kră Yang 'Bok Kei-Dei lu sư.

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Markôs 7:22

sư kơtrŏ păng akăn đe, sư 'nhĕng đe, sư pơm tôm tơdrong kơnê̆, sư pơma plơ̆ plĕch hơlĕnh pơdăr, sư pơma bâu roi đe, sư pơang akâu kơdih, sư pơm tôm tơdrong glăi răm.

Yo 8:21

Yêsu bơtho dơ̆ng lu sư thoi âu: “Inh gô jăk tơ nai, na iĕm gô chă Inh mă-lei ưh kơ 'bôh. Păng iĕm gô lôch yua kơ tơdrong yoch iĕm. Iĕm ưh kơ gơh truh tơ anih Inh ôh.”

Galati 6:8

Thoi noh boih, dah bơ̆n chu kiơ̆ kơ jơhngơ̆m đon bơ̆n kơdih wă pơm tơdrong kơnê̆, lei bơ̆n gô răm. Dah bơ̆n wă chu kơ Yang Bơhngol 'Lơ̆ng đĕch lei Yang Bơhngol 'Lơ̆ng gô ăn kơ bơ̆n arih ling-lang hăm 'Bok Kei-Dei.

Kôlôsê 2:22

Dôm tơmam sa đe khan giĕng noh, tơmam ala teh đĕch, tơ̆ng bơ̆n sa, sư jing hach răm ưh kơ đei pơm kiơ kơ bơ̆n ôh. Tơ̆ng bơ̆n giĕng kơ sa, noh bơ̆n oei kiơ̆ kơ đon kon bơngai pơm, ưh tam mă kiơ̆ Yêsu Krist tơpă ôh.

II Pet 1:4

Yua kơ Sư Yang, Sư mơsêh, Sư 'lơ̆ng tơpăt, Sư pơkă wă tơgŭm bơ̆n tih tơpă. Na Sư pơklaih bơ̆n đơ̆ng dôm tơdrong kơnê̆ 'mê̆-'mach tơ ala teh âu, tơdrong mă kon bơngai 'maih pơm, wă kơ bơ̆n jing kon Sư kư̆m 'lơ̆ng tơpăt thoi Sư.

II Pet 2:19

'Bok bơtho hơlĕnh pơdăr noh, lu sư khan wă ăn kơ lu bơngai noh rơngei, mă-lei tă kơ lu sư dơ̆ng jing đĭch, yua kơ lu sư ưh kơ kĕ gơ̆t kơ tơdrong pơm yoch, jing wă pơrăm akâu kơdih. Tơdrong kiơ bơ̆n ưh kơ kĕ pơgơ̆t, tơdrong noh bơ̆n oei đĭch.

Ju 1:10

Na lu bơngai mă wă pơhlŭ iĕm noh, dôm tơdrong lu sư jơ̆l ưh kơ hlôh na lu sư pơma kơnê̆ thoi noh. Lu sư hưch hanh pơm kư̆ kă thoi sem brem ưh kơ băt mơlâu; tơdrong noh sư hlôh, tơdrong noh lu sư hăt dêh. Kơlih kơ lu sư pơm thoi noh, ning-mônh lu sư wă răm.