II Pet 1:16 - Sơ̆p Hlabơar Nơ̆r 'Bok Kei-Dei

¹⁶ Nhôn roi kơ iĕm tơdrong Kră Yang Yêsu Krist Sư mơsêh mơyang đơ̆ng sơ̆ 'mơ̆i păng tơdrong Sư wă jur tơ teh ning-mônh; ưh kơ sĭ nhôn chă pơjing kơdih thoi lu bơngai 'bơ̆r đon hơgei chă pơjing, ưh ôh. Nhôn 'bôh Sư mơsêh mơyang, Sư 'lơ̆ng rŏ tơpă, na nhôn gơh roi kơ lu iĕm thoi noh.

II Pet 1:16 ပူးပေါင်းရင်းမြစ်များ

Malachi 3:2

Mă-lei 'bơ̆t năr Kră Yang truh bu kĕ dơ̆ng? Păng bơngai bu kĕ dơ̆ng 'bơ̆t năr tơ'bơ̆p Sư? Yua kơ Sư thoi pla ŭnh lu bơngai thơ̆ hơjơ̆m, thoi gơmơ̆k đak 'bŏng lu bơngai pih.

Malachi 4:5

'Nâu Inh gô wơh 'bok khan lê̆ adrol anăn sư Êli gô truh tơ lu iĕm adrol kơ năr tih krưp wă truh trŏ kơ năr hli tơpă đơ̆ng Kră Yang.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 17:1

Tơdrâu năr đơ̆ng rŏng kơ năr noh, Yêsu anhăk pêng 'nu bơngai pơhrăm păng Sư, anăn lu sư Pêtrôs, Yakơ, Yôhan oh Yakơ, lu sư tŏk tơ kông kơjung kơdrô̆ lu sư.

Mathiơ 24:27

Năr ei kơnh đĭ-đăng kon bơngai gô 'bôh Inh Kon Bơngai jur thoi kơmlat, chêr 'blêt 'bôh jơ̆p-jang kơ teh đak mă đơ̆ng hơlĕch truh tơ bơmơ̆t.

Mathiơ 24:3

Đơ̆ng rŏng kơ noh Yêsu năm ngôi tơ kông Ôliwơ, na lu bơngai pơhrăm păng Sư jet Sư kơdrô̆ khan: “Apinh Ih roi kơ nhôn layơ đe wă pơrăm hnam akŭm 'Bok Kei-Dei to păng đei tơdra liơ wă kơ nhôn kơnăl kơ Ih wă jur tơ teh âu păng kơnăl kơ năr tôch wă truh.”

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Markôs 13:26

Kơplah noh đe gô 'bôh Inh Kon Bơngai 'lơ̆ng rŏ mơsêh mơyang tih-tin jur hăm hơmơ̆l.

Markôs 14:62

Yêsu tơl: “Inh boih Krist. Ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin, na đơ̆ng noh jur đơ̆ng plĕnh hăm hơmơ̆l.”

Luka 1:2

Lu sư chih dôm tơdrong bơ̆n kơtơ̆ng đơ̆ng lu bơngai mă 'bôh tôm tơdrong Yêsu đơ̆ng tơm hmơm sơ̆, khơ̆ Sư tŏk tơ plĕnh. Lu bơngai 'bôh tơdrong Yêsu sơ̆ sư ră roi tơdrong noh kơ bơ̆n.

Luka 9:43

Na đĭ-đăng lu đe 'bơ̆t ei sơleng kơ đon yua kơ 'bôh 'Bok Kei-Dei pơm tơdrong mơsêh mơyang thoi noh. Kơplah lu bơngai tơpôl oei tơchĕng sơleng kơđon kơ dôm tơdrong Yêsu pơm, na Yêsu khan kơ lu bơngai pơhrăm păng Sư kơdrô̆ lu sư thoi âu:

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 17:2

Thoi Ih ăn kơ Inh pơgơ̆r đĭ-đăng bơngai, Inh gơh ăn kơ kon bơngai mă Ih pơjao kơ Inh gô arih ling-lang păng ba.

Rom 1:4

Yang Bơhngol 'Lơ̆ng tơbăt ăn kơ bơ̆n Yêsu Yang, Kon 'Bok Kei-Dei. Sư tơbăt ăn kơ bơ̆n tơdrong Yêsu Kon 'Bok Kei-Dei, Sư tơ'bôh kơ bơ̆n 'bôh Sư mơsêh mơyang gơh iung arih đơ̆ng lôch. 'Noh bơ̆n băt kơ Yêsu Sư Yang tơpă.

I Kor 1:17

Mă-lei ưh kơ sĭ Yêsu Krist wơh inh năm chă pơm kơ đe 'batem ôh. Yêsu Krist Sư wơh inh năm chă bơtho đe tơdrong 'nao 'lơ̆ng Sư đĕch păng Sư ưh kơ wă inh bơtho kiơ̆ kơ 'bơ̆r đon inh hơgei ôh. Dah inh bơtho kiơ̆ kơ 'bơ̆r đon inh hơgei lei đe ang inh đĕch, đe ưh kơ đei ang Yêsu mă lôch tơ 'long pơglang mă kăl tơpă, khan wă hiong ngôi đĕch.

I Kor 1:23

Gah bơ̆n bơtho khan kơ đe tơdrong Yêsu lôch tơ 'long pơglang, mă-lei bơngai Juđê ơh klai, na mă lu bơngai nai lăng bơ̆n bơtho tơdrong 'noh nhen tơdrong kơtul đĕch.

I Kor 1:7

Yua kơ thoi noh na 'Bok Kei-Dei ăn kơ iĕm tôm tơdrong mah ngăl wă jang tơdrong Sư kơplah iĕm oei chang gô Kră Yang bơ̆n Yêsu Krist.

I Kor 2:1

Ơ 'nhŏng oh, kơplah inh năm bơtho iĕm tơdrong 'Bok Kei-Dei sơ̆ inh ưh kơ đei bơtho kiơ̆ kơ 'bơ̆r đon inh hơgei ôh.

I Kor 2:4

Mă-lei inh ưh kơ bơtho kiơ̆ kơ 'bơ̆r đon inh hơgei ôh. Đơ̆ng Yang Bơhngol 'Lơ̆ng 'Bok Kei-Dei tơgŭm inh bơtho na iĕm gơh lui hloi.

I Kor 5:4

Mă iĕm akŭm tơ noh dang akŭm hơdai hăm inh mơ̆n, đei Kră Yang Yêsu pơgơ̆p jơhngơ̆m đon bơ̆n hơdai, yua kơ bơ̆n jang tơdrong Sư.

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

Êphêsô 4:14

Thoi noh na bơ̆n ưh pă gơh kiơ̆ thoi lu bơngai hơ'lơ̆p lui kơ đe bơtho tơdrong kư̆ kă boih, pơtih gia đe hơlĕnh kơ bơ̆n, dah pơhlŭ bơ̆n, wă kơ bơ̆n hơwơ̆l jing jrok kư̆ kă.

Philip 3:21

Sư gơh tơplih akâu bơ̆n đơ̆ng bơngai răm-'băm, jing thoi akâu Sư 'lơ̆ng rŏ; Sư gơh pơm tôm tơdrong yua kơ Sư mơsêh tăp pang mơyang tăp dăr.

I Tes 2:19

Nhôn 'mêm kơ iĕm tơpă; ning-mônh lăp Kră Yang bơ̆n Yêsu Krist jur tơ ala teh dơ̆ng, nhôn chơt hiôk tơpă, yua kơ iĕm lui kơ Yêsu đơ̆ng lu nhôn bơtho iĕm ki. Na nhôn băt kơ Sư lăp đon kơ tơdrong jang nhôn.

II Tes 2:9

Bơngai kơnê̆ ei truh, sư yua tơdrong mơsêh đơ̆ng yang Satan ăn kơ sư wă kơ sư pơm kơ đe tơdrong chrơp. Sư pơm tơdrong chrơp 'noh chă hơlĕnh kơ kon bơngai đĕch.

I Tim 1:4

Ih athei lu sư hŭt lê̆ tơdrong roi kư̆ kă gah adrĕch adrung yă 'bok so sơ̆. Kơlih kơ sư bơtho tơdrong 'noh na lu sư pơjah ling-lang. Lu tơdrong 'noh ưh kơ yua wă tơgŭm bơ̆n ôh. Bơ̆n chu lui kơ Sư mă tơpă na bơ̆n gơh jang tơdrong Sư.

I Tim 4:7

Ih 'nĕ mơ̆ng tơdrong đe roi hơ'mon kư̆ kă. Đe roi tơdrong 'noh ưh kơ đei lĕch kiơ. Pơhrăm tơdrong 'Bok Kei-Dei đĕch kăl hloh.

Tit 1:14

Păng ih khan kơ lu sư 'nĕ pă lui kơ tơdrong hơ'mon lu bơngai Juđê. Athei lu sư hŭt đĭ lu tơdrong 'noh yua kơ tơdrong 'noh đơ̆ng kon bơngai tơchĕng đĕch. Kơlih kơ bơngai mă nŏng bơtho đe hơ'mon 'noh sư hŭt lê̆ tơdrong 'Bok Kei-Dei boih.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

I Yo 4:14

Nhôn 'bôh tơpă tơdrong 'Bok Kei-Dei wơh Kon Sư jur tơ ala teh âu wă dŏng pơklaih đĭ-đăng kon bơngai, thoi noh na nhôn gơh roi kơ đe Kon Sư jur tơpă.

Ju 1:14

Ênŏk sư kon sâu jơhnơr mă tơpơh, jô̆ đơ̆ng jơhnơr Ađam. Sư đei pơma khan lê̆ hơdrol gah lu bơngai noh sơ̆ thoi âu: “Kră Yang wă jur hăm dôm rơbâu rơngan 'nu lu linh jang 'lơ̆ng Sư,

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.