II Pet 1:10 - Sơ̆p Hlabơar Nơ̆r 'Bok Kei-Dei

¹⁰ Ơ 'nhŏng oh, 'Bok Kei-Dei krao bơ̆n lui kơ Sư boih, na bơ̆n athei adrin lui mă kơjăp bĕ, na Sư gô iŏk bơ̆n tơpă. Dah bơ̆n adrin lui kiơ̆ thoi noh tơpă, bơ̆n huay kơ achăng lê̆ Sư ôh.

II Pet 1:10 ပူးပေါင်းရင်းမြစ်များ

Horiso 112:6

Yua kơ bơngai tơpăt sư gô ưh kơ đei tơdrŏ pơpơ̆! Bơngai 'lơ̆ng tơpăt đe gô 'blŏk kơ sư ling-lang hlŏng hloi.

Horiso 121:3

Sư ưh kơ đei lê̆ jơ̆ng ih tơpling. Sư Tơ'ngla wei-lăng ih ưh kơ layơ tep.

Horiso 15:5

Sư ăn kơ đe iŏk mưng jên mă-lei huay kơ chă lơi, Ưh kơ wă iŏk sa pơgâm, wă pơrăm lu bơngai tơpăt. Bơngai bu mă pơm thoi noh ưh kơ hli tơtơ̆.

Horiso 37:24

Mă sư kơtơih, kư̆m huay kơ pơ̆k; Yua kơ Kră Yang gô pôk tơiung sư.

Horiso 62:2

Lăp minh 'nu Sư đĕch tơmo pĕng inh, Păng dŏng pơklaih inh, Kơđông kơjăp inh. Inh huay pă pơgơ̆.

Horiso 62:6

Lăp minh 'nu Sư đĕch mă tơmo inh gơnang, Păng dŏng pơklaih inh, Păng anih kơjăp inh, inh ưh pă pơpơ̆.

Êsai 56:2

Pŭn dêh kơ bơngai bu pơm tơdrong noh! Păng pŭn dêh kơ kon sâu đe bu wei kơjăp tơdrong trŏ; wă khan wei răk ưh kơ pơm glăi năr pơdơh Sa'bat păng wei ti ưh kơ pơm minh tơdrong kơnê̆ ayơ.”

Mi 7:8

Ơ lu ayăt kơ inh, 'nĕ mah chhôk kơ inh dêh mă khan inh pơ̆k huŏng boih; kư̆m gô iung dơ̆ng; mă khan inh tơoei lăm anih măng mu, 'Bok Kei-Dei gô pơchrang kơ inh hơdah.

Mathiơ 22:14

Na Yêsu khan dơ̆ng thoi âu: “Tơdrong 'noh pơtih gia kơ 'Bok Kei-Dei krao lơ bơngai lui kơ Sư mă-lei Sư rơih iŏk lăp tŏ sĕt đĕch.”

Rom 11:29

Yua kơ nơ̆r 'Bok Kei-Dei pơkă wă rơih iŏk đe Isơrael, tơgŭm đe Isơrael, na Sư ưh kơ hŭt ôh lu bơngai Isơrael noh.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

Hêbrơ 6:11

Nhôn wă đĭ-đăng kơ iĕm adrin pơm kiơ̆ thoi noh ling-lang truh kơ tôch, na iĕm gô đei tơpă tơdrong mă iĕm oei chang sơmĕng dang ei noh.

Hêbrơ 6:19

Tơdrong bơ̆n chang gô noh, thoi lĕ kơ bơ̆n chĕp khêl pĕng akâu bơ̆n, yua kơ bơ̆n gơnang kơ 'Bok Kei-Dei mă oei tơ plĕnh ti.

Ya 2:10

Yua kơ Sư athei bơ̆n kiơ̆ tôm kơ tơdrong juăt Sư pơkă, mă-lei tơ̆ng bu tŭk minh nơ̆r đĕch Sư kư̆m jô̆ yoch boih, lei-lăi thoi lu bơngai mă tŭk đĭ dôm nơ̆r Sư pơkă.

Jôsuê 7:3

Lu sư wih brŏk tơ Jôsuê păng khan: Ưh kơ kăl kơ chông ba đĭ kon pơlei năm tơ noh ôh, tơdrong kơ đei, ih athei ăn dang 'bar dah pêng-rơbâu 'nu bơngai đĕch, năm tơblah pơlei Ahi, 'nĕ kơ ăn đĭ kon pơlei năm gleh lap tơ noh, yua kơ bơngai pơlei Ahi lăp tŏ sĕt đĕch.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

II Pet 1:3

Yua kơ Sư Yang, Sư mơsêh tơpă, na Sư ăn kơ bơ̆n tôm tơdrong gơh arih, gơh pơm 'lơ̆ng tơpăt thoi Sư. 'Noh yua kơ Sư krao, na bơ̆n băt kơ Sư. Bơ̆n 'bôh Sư mơsêh păng 'lơ̆ng tơpăt na bơ̆n băt kơ kiơ̆ Sư.

II Pet 1:5

Yua kơ thoi noh na dang ei iĕm lui kơ Yêsu Krist boih, iĕm athei adrin pơm 'lơ̆ng, pơm tơpăt păng pơhrăm iŏk dôm tơdrong 'Bok Kei-Dei.

II Pet 3:14

Ơ 'nhŏng oh mă inh 'mêm kơeng, kơlih kơ thoi noh na kơplah bơ̆n oei chang gô năr noh, bơ̆n athei adrin pơm 'lơ̆ng ling-lang hŏ, wă kơ Sư 'bôh tơdrong iĕm adrin păng 'bôh tơdrong iĕm pơm 'lơ̆ng huay kơ đei tơdrong yoch, oei hiôk dih băl kư̆m dang oei hiôk hăm Sư mơ̆n.

II Pet 3:17

Ơ lu 'nhŏng oh, tơdrong noh inh roi kơ iĕm boih, na iĕm athei kơchăng hli kơ iĕm lui kơ 'bơ̆r đon lu bơngai kư̆ kă, jing hiong kơ tơdrong lui iĕm đơ̆ng lui kơjăp boih.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.

Tơdrông Tơ'bôh 22:14

Bơngai bu pih ao sư rơgoh bơngai noh boih hiôk. Bơngai noh gơh sa plei 'long mă kon bơngai arih ling-lang. Păng sư noh gơh mơ̆t 'măng dur Pơlei Jêrusalem 'nao.