II Kor 9:6 - Sơ̆p Hlabơar Nơ̆r 'Bok Kei-Dei

⁶ Iĕm 'nĕ hiơt kơ tơdrong âu: Bơngai bu rei tŏ sĕt gô kĕch tŏ sĕt; bơngai bu rei lơ, sư gô kĕch lơ.

II Kor 9:6 ပူးပေါင်းရင်းမြစ်များ

Tơdrông Pơđơk 11:18

Bơngai pơm kơnê̆ sa apah đơ̆ng tơdrong hơlĕnh; Mă-lei lu bơngai pơm 'lơ̆ng đei tơdrong apah sĭt.

Tơdrông Pơđơk 19:17

Bơngai bu băt mơnat kơ bơngai dơnuh hoh, noh thoi ăn kơ Kră Yang mơng; Kră Yang pơkă wă tơwih ăn thoi tơdrong 'lơ̆ng sư pơm.

Tơdrông Pơđơk 22:9

Bơngai bu đei măt lăng mơnat sư gô đei pŭn hiôk. Yua kơ sư đei tơgŭm tơmam sa kơ lu bơngai dơnuh hin.

Bôk Bơthô 11:1

Gơih bĕ mŭk tơmam ih tơ kơpal đak, na ning-mônh kơnh ih gô đei sư dơ̆ng.

Bôk Bơthô 11:6

Pơgê hrôih, ih athei drôih rei adrĕch mă-lei gah kơsơ̆ 'nĕ kơ kuăr ti pơdơh; yua kơ ih ưh kơ băt ôh găr ayơ gô chăt 'lơ̆ng, găr 'nâu dah găr to dah pơđĭ 'bar tŏ găr adrĕch noh chăt 'lơ̆ng ngăl hloi.

Luka 6:38

Iĕm athei mơnat, tơgŭm đe, na 'Bok Kei-Dei kư̆m mơnat tơgŭm iĕm mơ̆n. Sư gô tơgŭm iĕm lơ tơpă kư̆m dang lĕ đe ăn đĕch kơ iĕm minh kơ'mŭng 'ba 'bĕnh blai rơkah rơkai. Iĕm tơgŭm đe dang yơ, 'Bok Kei-Dei gô tơgŭm iĕm dang noh mơ̆n.”

I Kor 1:12

Inh wă roi thoi nơ̆r iĕm khan: “Inh wă kiơ̆ Pôl.” Mơ'nah khan: “Inh wă kiơ̆ Apôlê.” Mơ'nah khan: “Inh wă kiơ̆ Pêtrôs.” Mơ'nah dơ̆ng khan: “Inh wă kiơ̆ Yêsu Krist.”

I Kor 15:20

Mă tơpă 'Bok Kei-Dei tơiung arih Yêsu Krist boih, thoi noh bơ̆n băt 'Bok Kei-Dei kư̆m wă tơiung arih lu bơ̆n mơ̆n. Pơtih gia, Yêsu Krist thoi lĕ 'ba hrôih kơ lu bơngai mă lôch boih.

I Kor 7:29

Ơ 'nhŏng oh, inh wă pơma kơ iĕm mă nhên gah tơdrong âu: Năr ei wă jê̆ truh boih na đơ̆ng âu tơ anăp lu bơngai đĭ đei kon akăn athei kiơ̆ tơdrong arih lu bơngai ưh kơ đei kon akăn 'biơ̆, wă kơ gơh adrin jang tơdrong 'Bok Kei-Dei.

II Kor 9:10

'Bok Kei-Dei ăn kơ bơngai rei, găr adrĕch păng tơmam sa, sư kư̆m ăn tôm kơ găr adrĕch mă iĕm rei đei plei trem yua kơ iĕm bơngai 'lơ̆ng băt kơ tơgŭm đe.

II Kor 9:5

Thoi noh na inh wơh lu 'nhŏng oh bơ̆n âu năm hơdrol, wă kơ lu sư tơgŭm iĕm rai hơmet ra lê̆ dôm tơdrong noh hơdrol. Ưh kơ sĭ nhôn pơgŏ iĕm ôh, kiơ̆ kơ iĕm đêl pơkă đơ̆ng sơnăm sơ̆ boih. 'Noh na lăp nhôn truh tơ iĕm, iĕm đei tôm boih.

Galati 3:17

Tơdrong inh pơma pơtih gia gah tơdrong pơgơ̆p băl noh hei, inh wă khan thoi âu: Kră Yang 'Bok Kei-Dei pơkă kơ Abraham păng đĭ-đăng lu bơ̆n kon sâu sư sơ̆, khan wă tơgŭm lu bơ̆n, Sư wă tơgŭm tơpă. Na đơ̆ng rŏng kơ 'Bok Kei-Dei pơkă thoi noh sơ̆, truh tơ puăn-hrĕng pêng-jĭt sơnăm, na đei Môis pơkă ăn kơ yă 'bok bơ̆n tơdrong juăt 'Bok Kei-Dei dơ̆ng. Mă 'Bok Kei-Dei ăn kơ Môis pơkă ăn kơ bơ̆n tơdrong juăt đơ̆ng rŏng noh, Sư ưh kơ achăng lê̆ tơdrong Sư pơkă hơdrol khan wă tơgŭm bơ̆n noh ôh.

Galati 5:16

Na inh wă khan kơ iĕm thoi âu: Iĕm athei apinh kơdih Yang Bơhngol 'Lơ̆ng mơ̆t pơgơ̆r iĕm ling-lang. Tơdah iĕm pơm thoi noh jơhngơ̆m đon iĕm huay kơ tơchĕng pơm tơdrong kơnê̆ ôh.

Êphêsô 4:17

Âu inh wă bơtho kơ lu iĕm tơdrong 'Bok Kei-Dei, wă kơ iĕm mơ̆ng inh păng pơm kiơ̆ kơ nơ̆r inh pơma. Lu iĕm 'nĕ pă pơm thoi lu buăl iĕm mă ưh kơ lui. Lu sư tơchĕng kư̆ kă,

Kôlôsê 2:4

Inh khan lê̆ kơ iĕm hơdrol thoi noh, inh wă kơ iĕm huay kơ lui kơ đe pơhlŭ, khan sư hơgei boih, hlôh tơpă boih.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.