II Kor 9:5 - Sơ̆p Hlabơar Nơ̆r 'Bok Kei-Dei

⁵ Thoi noh na inh wơh lu 'nhŏng oh bơ̆n âu năm hơdrol, wă kơ lu sư tơgŭm iĕm rai hơmet ra lê̆ dôm tơdrong noh hơdrol. Ưh kơ sĭ nhôn pơgŏ iĕm ôh, kiơ̆ kơ iĕm đêl pơkă đơ̆ng sơnăm sơ̆ boih. 'Noh na lăp nhôn truh tơ iĕm, iĕm đei tôm boih.

II Kor 9:5 ပူးပေါင်းရင်းမြစ်များ

Bl 33:11

Apinh 'nhŏng iŏk bĕ dôm tơmam mă oh đei pơyơ̆r ăn kơ 'nhŏng, yua kơ Kră Yang 'Bok Kei-Dei đei tơgŭm boih oh đei jang sa pŭn păng đei tôm mah rơkah kơ yua. Jakôp apinh lung 'bơ'bel athei iŏk, na Êsâu chu iŏk.

II Pot 5:15

Naaman hăm đĭ-đăng bơngai mă kiơ̆ sư wơ̆t dơ̆ng tơ Êlisê păng khan thoi âu: “Dang ei inh băt bơih, jơ̆p-jang lăm teh đak ưh kơ đei yang nai hloh kơ Kră Yang 'Bok kei-Dei lu bơngai Isơrael, thoi noh apinh ih iŏk tơmam inh bơngai mă đĭch đam ih 'nâu.”

I Kor 16:2

Rim năr mônh, rim 'nu kơ iĕm pơyơ̆r jên kơdih kơdih, kiơ̆ kơ jơhngơ̆m iĕm wă păng kiơ̆ kơ tơmam iĕm đei. Thoi noh lăp inh truh tơ iĕm, na iĕm pơyơ̆r tôm boih, huay pă kăl pơyơ̆r dơ̆ng.

II Kor 8:6

Na tơdrong ra jên tơmam tơ pơlei iĕm noh, nhôn jao kơ Tĭt jang khŏm khŏm yua kơ sơ̆ sư đêl jang tơdrong noh boih.

II Kor 9:3

Tơdrong inh wơh lu 'nhŏng oh bơ̆n năm tơgŭm iĕm âu, inh hli kơ iĕm jor kơ ra jên tơmam yua kơ đêl inh chă roi tơbăt kơ đe boih, thoi noh na inh wơh lu sư rai pơjing tơdrong âu đei hơdrol, thoi inh roi boih kơ lu bơngai oei tơ dêh Masêđôn.

II Kor 9:6

Iĕm 'nĕ hiơt kơ tơdrong âu: Bơngai bu rei tŏ sĕt gô kĕch tŏ sĕt; bơngai bu rei lơ, sư gô kĕch lơ.

Philip 4:17

Mă-lei ưh kơ sĭ inh apơi chă iĕm wă kơ iĕm tơgŭm inh ôh. Tơdrong noh inh hiôk tơpă, iĕm tơgŭm inh 'Bok Kei-Dei kư̆m tơgŭm iĕm mơ̆n.

Lu 1:15

Kon sư tơl: Apinh ih ăn kơ inh tơdrong pŭn hiôk. Yua kơ 'Bă ăn boih teh gah gơal, ưh kơ đei đak, apinh ih kư̆m ăn dơ̆ng kơ inh teh đei tu đak. Na Kalep ăn kơ kon sư teh đei 'bar 'bôt tu đak tơ gah kơpơ̆ng păng tơ gah ala.

I Sam 25:27

Na dang ei 'nâu jơ̆ tơmam đĭch đam ih chĕp ba wă ăn kơ ih, kư̆m wă asong ăn kơ lu bơngai kiơ̆ ih.

I Sam 30:26

Đawit wih brŏk tơ Siklak păng asong ăn tơmam kơ lu đe kră lăm dêh Juđa păng kư̆m gơih nơ̆r pơma khan: Gơih ăn kơ iĕm tơmam âu. 'Nâu jơ̆ tơmam asong ăn kơ lu iĕm đơ̆ng tơmam bơ̆n blah tơgar iŏk đơ̆ng lu bơngai mă ayăt kơ Kră Yang.