II Kor 9:4 - Sơ̆p Hlabơar Nơ̆r 'Bok Kei-Dei

⁴ Hli kơ đei lu bơngai đơ̆ng dêh Masêđôn kiơ̆ inh năm tơ iĕm, na 'bôh iĕm tơra ưh tam mă tôm, inh mơlâu, yua kơ đêl inh roi tơbăt kơ lu sư boih; mă iĕm kư̆m mơlâu kơ lu sư hloh loi kơ inh mơ̆n.

II Kor 9:4 ပူးပေါင်းရင်းမြစ်များ

Rom 15:26

Jên noh đơ̆ng lu bơngai tơmoi mă ưh kơ khŭl Juđê tơ dêh Masêđôn păng dêh Grĕk mơnat ăn kơ lu bơngai lui dơnuh hin tơ Pơlei Jêrusalem wă kơ lu sư chă asong băl jên noh.

I Kor 16:2

Rim năr mônh, rim 'nu kơ iĕm pơyơ̆r jên kơdih kơdih, kiơ̆ kơ jơhngơ̆m iĕm wă păng kiơ̆ kơ tơmam iĕm đei. Thoi noh lăp inh truh tơ iĕm, na iĕm pơyơ̆r tôm boih, huay pă kăl pơyơ̆r dơ̆ng.

II Kor 11:17

Tơdrong inh wă pơma pơang akâu inh dang ei, ưh kơ sĭ pơma rok thoi Kră Yang Yêsu ôh, inh pơma thoi bơngai kơhlôh na inh pơ̆n pơma pơang akâu kơdih.

II Kor 8:24

Thoi noh na iĕm athei ra mă tơpă na lu sư băt kơ iĕm 'mêm mơnat kơ bôl buăl bơngai lui tơpă; păng sư gô băt kơ nhôn ư-ang iĕm 'blep tơpă, đĭ-đăng bơngai lui jơ̆p kơ teh đak kư̆m wang băt.

II Kor 9:2

yua kơ inh băt kơ iĕm 'maih tơgŭm bôl tơpă. 'Noh na inh roi pơang tơdrong lu iĕm mă oei tơ dêh Grĕk kơ lu bơngai lui tơ dêh Masêđôn, tơdrong iĕm 'maih tơgŭm lu đe noh đơ̆ng sơnăm sơ̆ boih. Lu sư 'bôh iĕm chơgăm, lu sư kư̆m 'maih mơ̆n.

Phil 1:19

Âu hŏ, tơ̆ng ih wă kơ sư duh kơ ih, dang ei inh chih hla bơar kơ ih păng ti inh kơdih, inh wă kơ ih băt kơ inh wă duh dŏng sư tơpă. Mă-lei ih kư̆m dang bơngai hre kơ inh mơ̆n kơlih kơ ih lui kơ Yêsu Krist đơ̆ng inh bơtho.