II Kor 9:2 - Sơ̆p Hlabơar Nơ̆r 'Bok Kei-Dei

² yua kơ inh băt kơ iĕm 'maih tơgŭm bôl tơpă. 'Noh na inh roi pơang tơdrong lu iĕm mă oei tơ dêh Grĕk kơ lu bơngai lui tơ dêh Masêđôn, tơdrong iĕm 'maih tơgŭm lu đe noh đơ̆ng sơnăm sơ̆ boih. Lu sư 'bôh iĕm chơgăm, lu sư kư̆m 'maih mơ̆n.

II Kor 9:2 ပူးပေါင်းရင်းမြစ်များ

Jang 18:12

Lăp Galiôn tŏk pơm kră pơgơ̆r tơ dêh char Grĕk, lu bơngai Juđê pơđâu băl pôm đon na lu sư năm rôp Pôl anhăk sư tơ anih lu kră sek tơlang.

Jang 24:17

“Kơplah 'bar pêng sơnăm inh ưh kơ brŏk tơ Pơlei Jêrusalem. Na ki inh brŏk wă kơ chĕp ba jên đe mơnat ăn kơ lu bơngai Juđê nhôn. Inh kư̆m wă pơyơ̆r ăn kơ 'Bok Kei-Dei tơmam.

Rom 15:26

Jên noh đơ̆ng lu bơngai tơmoi mă ưh kơ khŭl Juđê tơ dêh Masêđôn păng dêh Grĕk mơnat ăn kơ lu bơngai lui dơnuh hin tơ Pơlei Jêrusalem wă kơ lu sư chă asong băl jên noh.

I Kor 16:15

Iĕm kư̆m băt mơ̆n Sêphanna păng hnam dơnŏ sư, lu sư lui kơ Kră Yang hơdrol kơ đe lăm dêh Grĕk, lu sư adrin tơgŭm lu bơngai lui ling-lang.

II Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi oh bơ̆n Timôthê chih hơpong kơ lu 'nhŏng oh bơngai lui tơ pơlei iĕm Kôrintô, lu mă 'Bok Kei-Dei rơih iŏk, hăm đĭ-đăng kơ lu kon 'Bok Kei-Dei jơ̆p kơ dêh Grĕk.

II Kor 7:14

Ki nhi Tĭt kư̆m pơma dơnuh gah tơdrong iĕm mơ̆n, mă inh pơma pơang iĕm inh huay kơ mơlâu ôh, inh pơma 'bơ̆t anăp sư yua kơ inh băt kơ iĕm gô pơm trŏ tơpă. Na 'blep trŏ thoi noh tơpă, noh kư̆m thoi tơdrong nhôn juăt kơ pơma kơ iĕm tơpăt ling-lang.

II Kor 7:4

Inh lui kơ iĕm gô pơm trŏ tôm tơdrong ling-lang, inh kư̆m roi pơang tơdrong iĕm kơ đe. Jơhngơ̆m inh hiôk dêh yua kơ inh kơtơ̆ng ang tơdrong iĕm boih; mă khan nhôn đei tơdrong truh pơmat-tat dang âu dang noh, nhôn ưh pă sơ'ngon tơdrong kiơ boih.

II Kor 8:10

Sơnăm sơ̆ iĕm kư̆m đêl pơtơm boih tơdrong wă tơgŭm lu bơngai dơnuh hin noh, iĕm kư̆m wă tơpă; na dang ei inh wă kơ iĕm pơjing dơ̆ng tơdrong noh mă tơpă bĕ.

II Kor 8:11

Pơm kiơ̆ kơ đêl iĕm pơkă boih, mơ̆ng kơ iĕm đei.

II Kor 8:19

Mă ưh kơ sĭ kơ tơdrong noh đĕch, sư âu đơ̆ng rim hnam 'Bok Kei-Dei rơih wă kiơ̆ nhôn chĕp ba jên đơ̆ng iĕm đơ̆ng đe ra. Tơdrong ra jên noh wă pơư pơang anăn Kră Yang păng wă kơ đe băt kơ bơ̆n bơngai lăp đon kơ tơgŭm đe tơpă.

II Kor 8:24

Thoi noh na iĕm athei ra mă tơpă na lu sư băt kơ iĕm 'mêm mơnat kơ bôl buăl bơngai lui tơpă; păng sư gô băt kơ nhôn ư-ang iĕm 'blep tơpă, đĭ-đăng bơngai lui jơ̆p kơ teh đak kư̆m wang băt.

II Kor 8:8

Mă-lei tơdrong noh ưh kơ sĭ inh wă pơgŏ iĕm ôh, inh wă pơlong lăng iĕm hăm băt 'mêm kơ bôl buăl thoi lu bơngai lui tơ dêh Masêđôn dah ưh.

I Tes 1:7

Iĕm pơm thoi noh trŏ tơpă na đĭ-đăng bơngai lui tơ dêh char Masêđôn păng dêh char Grĕk 'bôh iĕm lui kơjăp, na lu sư hơdai wă pơm kiơ̆ thoi iĕm mơ̆n.

Hêbrơ 10:24

Bơ̆n athei băt tơchĕng gah tơdrong pơlung băl, wă kơ bơ̆n đei đon 'mêm mơnat hăm pơm 'lơ̆ng.